កីឡា
Marcus Haber ក្លាយជាកីឡាករទាត់ចូលទីលឿនជាងគេក្នុងលីគជួយព្រះខ័នរាជស្វាយរៀង បន្តឈរកំពូលតារាង
ក្លិបបាល់ទាត់ព្រះខ័នរាជស្វាយរៀង បានប្រកួតឈ្នះ ក្លិបអង្គរថាយហ្គឺរ ក្នុងពានរង្វាន់ខេមបូឌានព្រីមៀរលីគ ឆ្នាំ២០២២ លទ្ធផល ៦-០ ក្នុងជំនួបសប្ដាហ៍ទី២០ នាល្ងាចថ្ងៃទី១៥ ខែតុលា ឆ្នាំ២០២២។
ការប្រកួតដែលចាប់ផ្ដើមនៅវេលាម៉ោង ៦:៣០នាទីល្ងាច ព្រះខ័នរាជស្វាយរៀង បានចាប់ផ្ដើមបានយ៉ាងល្អ ដោយលេងបានតែ១នាទី ស្មើនឹងវិនាទី៥៥ កីឡាករ Marcus Haber រកគ្រាប់បាល់ដំបូងឱ្យព្រះខ័នរាជស្វាយរៀង ដែលនាំឱ្យរូបគេក្លាយជាកីឡាករទាត់ចូលទីលឿនជាងគេក្នុងលីគ។ បន្តមកទៀតនៅនាទី១០ ខ្សែការពារ Clyde O’Conell បានរកគ្រាប់ទី២ បានសម្រេចជូនក្រុម រួចក៏ឈានទៅបន្ថែមគ្រាប់ទី៣ ដោយកីឡាករបរទេសទៀតនៅនាទី៤១ លើកនេះ Blasco ជាអ្នកសម្រេចគ្រាប់បាល់បញ្ចូលទី និងបានរក្សាលទ្ធផល ៣-០ ដល់ចប់វគ្គទី១។
ចូលដល់វគ្គទី២ ព្រះខ័នរាជស្វាយរៀង បានព្យាយាមរកគ្រាប់បាល់បន្ថែមទៀត និងរកបានសម្រេចនៅនាទី៥៥ ដោយ ជូ ស៊ិនទី និង ២គ្រាប់ទៀតនៅនាទី៦១ និង៦៤ រកបានដោយ Marucs Haber និង Clyde O’Conell ម្នាក់១គ្រាប់ទៀតដដែល ហើយបានរក្សាលទ្ធផល ៦-០ នេះដល់ចប់ការប្រកួត។
បច្ចុប្បន្នព្រះខ័នរាជស្វាយរៀង មាន៤៥ពិន្ទុ ខណៈតាមពីក្រោយដោយក្រុមលេខវិសាខា មាន ៣៩ពិន្ទុ ហើយក្រុមលេខ៣ បឹងកេត មាន ៣៥ពិន្ទុ និងក្រុមលេខ៤ ភ្នំពេញក្រោន មាន ៣៣ពិន្ទុ។
ខេមបូឌានព្រីមៀរលីគនៅសល់ ១ប្រកួតទៀតទើបបញ្ចប់ជុំទី៣ ខណៈកៅអី Top 4 ក៏បានរកឃើញ ៤ក្រុមរួចរាល់ហើយ គឺព្រះខ័នរាជស្វាយរៀង, វិសាខា, បឹងកេត និងភ្នំពេញក្រោន។ ដូច្នេះក្រុមទាំង៤ នឹងមានសិទ្ធិបន្តទៅប្រកួតវគ្គ ៤ក្រុមចុងក្រោយ ដែលនឹងត្រូវប្រកួតចំនួន ៦ប្រកួតទៀត ដើម្បីសម្រេចជើងឯក ឆ្នាំ២០២២៕
អត្ថបទ៖ មន្នីរ័ត្ន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ