កីឡា

ក្រសួងមហាផ្ទៃ ដាច់មេដាយក្រុមលេខ ២ ជាងពាក់កណ្ដាល ត្រឹមថ្ងៃទី ៣ នៃព្រឹត្តិការណ៍កីឡាជាតិលើកទី ៣

បានផុស

៤ years មុន

នៅ

ថ្ងៃពុធ ២៣ វិច្ឆិកា ២០២២

ដោយ

ក្រុមសមាគមកីឡាក្រសួងមហាផ្ទៃ បាននិងកំពុងបន្តនាំមុខចំនួនមេដាយសរុប ហើយដាច់ជាងពាក់កណ្ដាលលើកក្រុមលេខ សម្រាប់ថ្ងៃទី ៣ នៃព្រឹត្តិការណ៍កីឡាជាតិ លើកទី ៣ និងកីឡាជនពិការជាតិ លើកទី ១ ឆ្នាំ ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយមានកីឡាចំនួន ១៦ ប្រភេទ ដំណើរការប្រកួតជាបណ្ដើរៗ និងបានបញ្ចប់ផងដែរហើយនោះ គេឃើញក្រសួងមហាផ្ទៃ ឈ្នះមេដាយច្រើនជាងគេ ទាំងមេដាយមាស ប្រាក់ និងសំរឹទ្ធ ពោលគឺ បានឈ្នះមេដាយមាស ២៨ គ្រឿង, ប្រាក់ ១៧ គ្រឿង និងសំរឹទ្ធ ២០ គ្រឿង សរុប ៦៥ គ្រឿង ដាច់ក្រុមលេខ ២ ក្រសួងការពារជាតិ គ្រប់មេដាយដល់ទៅជាងពាក់កណ្ដាល។

ក្រសួងការពារជាតិ ដែលជាក្រុមខ្លាំងផងដែរនោះ ទើបតែហក់ឡើងមកលេខ ២ ក្រោយរកមេដាយសរុប ២២ គ្រឿង ក្នុងនោះមេដាយមាស ១៤ គ្រឿង, ប្រាក់ ៤ គ្រឿង និងសំរឹទ្ធ៩ គ្រឿង។ តាមពីក្រោយក្រសួងមហាផ្ទៃ និងក្រសួងការពារជាតិ គឺក្រសួងសេដ្ឋកិច្ច និងហិរញ្ញវត្ថុ ដែលរកបានមេដាយមាស ១៣ គ្រឿង, មេដាយប្រាក់ ១៥ គ្រឿង និងមេដាយសំរឹទ្ធ ១២ គ្រឿង សរុប ៤០ គ្រឿង។

ខាងក្រោមគឺជាតារាងមេដាយសរុប គិតត្រឹមថ្ងៃប្រកួតទី ៣ ៖

គួរបញ្ជាក់ថា ព្រឹត្តិការណ៍នេះ ចាប់ពីថ្ងៃទី ២១ និងថ្ងៃទី ៣០ ខែវិច្ឆិកា ដើម្បីអបអរសាទរក្នុងពិធីបើកការប្រកួតកីឡាជាតិ លើកទី ៣។ ក្នុងព្រឹត្តិការណ៍នេះមានកីឡាចំនួន ៤៥ ប្រភេទ រាប់ទាំងកីឡាជនពិការ ដើម្បីឲ្យប្រកួតប្រជែងដណ្ដើមមេដាយ៕

អត្ថបទ ៖ មន្នីរ័ត្ន

Related Topics:កីឡាជាតិលើកទី៣

ព័ត៌មានអន្ដរជាតិ២៤ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា