កីឡា
បាល់ទាត់កីឡាជាតិ ក្រុមខ្លាំងលេងលីគទី ១ និងលីគទី ២ កម្ពុជា កំពុងប្រកួតប្រជែងគ្នាស្វិតស្វាញ
ការប្រកួតកីឡាជាតិ លើកទី ៣ លើប្រភេទកីឡាបាល់ទាត់ វិញ្ញាសាបុរស បាននិងកំពុងប្រកួតយ៉ាងស្វិតស្វាញ ពោលគឺឈានដល់ការប្រកួតចុងក្រោយប្រចាំពូលទាំង ៣ នៅរសៀលនេះ ខណៈក៏បានរកឃើញក្រុមឡើងវគ្គបន្តជាបណ្ដើរៗផងដែរ។
អ្វីដែលគួរឲ្យចាប់អារម្មណ៍នោះ ខុសពីឆ្នាំរាល់ដង កីឡាជាតិលើកនេះលើប្រភេទកីឡាបាល់ទាត់គឺមានក្រុមមកពីលីគកំពូល និងលីគទី ២ កម្ពុជា ចូលរួម។ ជាក់ស្ដែង ក្រុមមកពីលីគកំពូលមាន ក្រុមតំណាងខេត្តតាកែវ គឺក្លិបគីរីវង់សុខសែនជ័យ (យុវជនថ្នាល) ជាមួយក្រសួងការពារជាតិ (យុវជនថ្នាល) ចូលរួម។ ដ្បិតតែជាក្រុមយុវជនថ្នាល ប៉ុន្តែគេក៏ឃើញមានកីឡាករដែលបានបង្ហាញខ្លួនញឹកញាប់ក្នុងលីគ ចូលរួមផងដែរ។
ដោយឡែកនៅលីគទី ២ មានក្លិបបាល់ទាត់នគរបាលជាតិ ដែលតំណាងឲ្យក្រសួងមហាផ្ទៃ, ក្លិបបាល់ទាត់ខេត្តព្រៃវែង តំណាងឲ្យខេត្តព្រៃវែង, ក្លិបបាល់ទាត់បន្ទាយមានជ័យ តំណាងឲ្យខេត្តបន្ទាយមានជ័យ, ក្លិបបាល់ទាត់ខេត្តត្បូងឃ្មុំ តំណាងឲ្យខេត្តត្បូងឃ្មុំ។ ក្រៅពីនេះមានក្រុម ៣ ផ្សេងទៀត ដែលបានចូលរួមប្រកួតក្នុងពានសម្ដេចតេជោ ហ៊ុន សែន វគ្គថ្នាក់ខេត្ត គឺឬទ្ធីសែន (តំណាងឲ្យខេត្តកំពង់ឆ្នាំង), ខេត្តកំពត, ខេត្តឧត្តរមានជ័យ, កោះកុង និងរាជធានីភ្នំពេញ។
គេក៏បានមើលឃើញទៀតផងដែរថា ខេត្តព្រៃវែង ហាក់បីដូចជាមានភាគរយប្រជែងមេដាយមាសច្រើន ដោយសារក្រុមនេះសម្បូរទៅដោយកីឡាករយុវជនដែលជាប់ជម្រើសជាតិកម្ពុជា តាំងពីឈុត U-19, U-23 និងរហូតដល់ឈុតធំផងដែរ ខណៈរសៀលនេះ គឺត្រូវជួបក្រុមនគរបាលជាតិ សម្រាប់ការប្រកួតបិទពូល C ដែលឈ្នះដូចគ្នាក្នុងការប្រកួតទី ១ រៀងៗខ្លួន (ពូល C មានតែ ៣ ក្រុម)។
រូបមន្តប្រកួត គឺវិលជុំសន្សំពិន្ទុក្នុងពូល ហើយក្រុមលេខ ១ ប្រចាំពូលទាំង ៣ នឹងបានឡើងទៅវគ្គពាក់កណ្ដាលផ្ដាច់ព្រ័ត្រ បូកនឹងក្រុមលេខពីរល្អ ចំនួន ១ ក្រុម។
គួរបញ្ជាក់ថា ក្រោយរកឃើញក្រុមឡើងវគ្គពាក់កណ្ដាលផ្ដាច់ព្រ័ត្រល្ងាចនេះ ការប្រកួតនឹងធ្វើឡើងនៅថ្ងៃទី ២៧ រួចវគ្គផ្ដាច់ព្រ័ត្រនៅថ្ងៃទី ២៩ ខែវិច្ឆិកា៕
អត្ថបទ ៖ មន្នីរ័ត្ន
-
ព័ត៌មានអន្ដរជាតិ១៧ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ