Connect with us

កីឡា

Ronaldo ទិញវិមានថ្មី តម្លៃរាប់លាន ទុកលំហែកាយ ក្រោយចប់ការប្រកួត World Cup

បានផុស

នៅ

ការប្រកួតបាល់ទាត់ពិភពលោក World Cup 2022 ទើបតែចាប់ផ្ដើមមិនបានប៉ុន្មានផង កំពូលកីឡាករ Cristiano Ronaldo បានទាក់ទាញចំណាប់អារម្មណ៍ប្រព័ន្ធផ្សព្វផ្សាយនៅជុំវិញពិភពលោក ដោយសារកីឡាករសញ្ជាតិព័រទុយហ្គាល់រូបនេះ បើកបង្ហាញវិមានថ្មីដែលទើបទិញចុងក្រោយបំផុត សម្រាប់ទុកសម្រាកលំហែ បន្ទាប់ពីចប់ការប្រកួត World Cup 2022។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងរយៈពេលប៉ុន្មានថ្ងៃថ្មីៗនេះ កំពូលតារាបាល់ទាត់ Cristiano Ronaldo បានក្លាយជាចំណុចចាប់អារម្មណ៍របស់ប្រព័ន្ធផ្សព្វផ្សាយទូទាំងពិភពលោក ជាមួយនឹងការបង្អួតផ្ទះវិមានតម្លៃ ២១លានអឺរ៉ូ (ប្រហែល ២១,៨៤១,៦០០ ដុល្លារអាមេរិក) ដែលលោកបានទិញដើម្បីទុកលំហែកាយ ក្រោយព្រឹត្តិការណ៍ World Cup ឆ្នាំ២០២២ បញ្ចប់ទៅ។

តាមពិតវិមានថ្មីនេះត្រូវបានទិញដោយ Cristiano Ronaldo តាំងពីពាក់កណ្តាលឆ្នាំ២០២២ មកម្ល៉េះ ដោយលោកទិញវាមក ក្រោយពេលចាកចេញពី MU ដើម្បីចូលនិវត្តន៍ក្រោយព្រឹត្តិការណ៍ World Cup 2022។ វិមានថ្មីរបស់កីឡាករវ័យ ៣៧ឆ្នាំរូបនេះ មានទីតាំងនៅតំបន់ Cascais ប្រទេសព័រទុយហ្គាល់ សង់លើផ្ទៃដីប្រហែល ២,៧២០ម៉ែត្រការេ មានកម្ពស់បីជាន់ ព័ទ្ធដោយសួនច្បារពណ៌បៃតងទំហំ ៣៤៤ម៉ែត្រការ។

វិមានដ៏ស្កឹមស្កៃ​នេះ​ត្រូវ​បាន​រចនាឡើយយ៉ាងទំនើប និង​ប្រណីត​មិនអន់ជាងវាំងស្ដេចប៉ុន្មានទេ។ វាមានទីធ្លាធំទូលាយ នៅខាងក្នុងវិមានមានអាងហែលទឹក ទីលានវាយកូនបាល់ ទីលានបាល់ទាត់ និងកន្លែងហាត់ប្រាណ។ លើស​ពី​នេះ ចំណត​រថយន្ត​វិញ ​​អាច​ផ្ទុក​រថយន្ត​បាន​ជាង ២០​គ្រឿងឯណោះ។ ចំណែក​ខាងក្នុង​វិមាន​ត្រូវ​បាន​តុបតែង​យ៉ាងប្រណីតដូចគ្នា ដោយជញ្ជាំងត្រូវបានចាក់ដោយថ្មម៉ាបអ៊ីតាលី និងមានផ្នែកខ្លះត្រូវបានស្រោបដោយសន្លឹកមាស។

ទោះយ៉ាងណា វិមានមួយនេះ នៅមិនទាន់សង់រួចរាល់ជាស្ថាពរនោះទេ ដោយគេរំពឹងថាផ្ទះវានឹងត្រូវបញ្ចប់នៅឆ្នាំ២០២៣ ខាងមុខ។

ក្រៅពីវិមានដែលទើបបង្ហាញសាធារណជនមួយនេះ Ronaldo នៅមានផ្ទះធំៗចំនួន ៨ ផ្សេងទៀតផងដែរ។ ក្នុងនោះ ផ្ទះចំនួន ៤ ត្រូវបានផ្សព្វផ្សាយជាសាធារណៈ ដែលរួមមាន ផ្ទះល្វែងមួយនៅអគារ Trump Tower ក្នុងទីក្រុង Manhattan សហរដ្ឋអាមេរិក អាផាតមិនថ្លៃបំផុតនៅទីក្រុង Lisbon និងអគារផ្ទះល្វែងកម្ពស់ ៧ ជាន់នៅ Funchal ប្រទេសព័រទុយហ្គាល់ និងវិមានមួយនៅ Marbella ប្រទេសអេស្ប៉ាញ។ ដោយឡែក ផ្ទះ ៤ ទៀត ពុំមាននរណាស្គាល់ច្បាស់នោះទេ៕

ប្រែសម្រួល៖ សន្យា

ចុចអាន៖ ចែកផ្លូវជាមួយនឹងបិសាចក្រហម Man United ភ្លាម Ronaldo បញ្ចេញនាឡិកាដៃ ២ គ្រឿង អត្ថន័យមិនធម្មតា

ចុចអាន៖ កីឡាករក្មេងបំផុត នៅក្នុងការប្រកួត World Cup 2022 កំពុងទាក់ទាញហ្វេនស្ទើរពាសពេញពិភពលោក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម