កីឡាករក្មេងបំផុត នៅក្នុងការប្រកួត World Cup 2022 កំពុងទាក់ទាញហ្វេនស្ទើរពាសពេញពិភពលោក

Gavi ជា​ឈ្មោះ​កីឡាករ​អេស្ប៉ាញដែលកំពុង​ទាក់ទាញ​ចំណាប់​អារម្មណ៍​អ្នក​គាំទ្ររាប់លាននាក់​ជុំវិញ​ពិភពលោក ​ព្រោះ​កីឡាករ​រូបនេះ ទើបតែមាន​អាយុ​ ​១៨​ឆ្នាំ​ប៉ុណ្ណោះ ពេលកំពុងចូលរួមប្រកួតបាល់ទាត់ពិភពលោក ឆ្នាំ២០២២ ។

Gavi កម្ពស់ ១.៧៣ម៉ែត្រ មានឈ្មោះពេញ Pablo Martín Páez Gavira គឺជាកីឡាករបាល់ទាត់អាជីពរបស់អេស្ប៉ាញដែលលេងជាខ្សែបម្រើកណ្តាលរបស់ក្លឹប Barcelona និងលេងឱ្យក្រុមបាល់ទាត់ជម្រើសជាតិអេស្ប៉ាញនៅ World Cup 2022 ។ Gavi កើតនៅថ្ងៃទី៥ ខែសីហា ឆ្នាំ២០០៤ ដែលបច្ចុប្បន្ន​មានអាយុ​ត្រឹម​តែ ១៨ឆ្នាំ​ប៉ុណ្ណោះ ហើយ​ជា​កីឡាករ​ក្មេង​បំផុត​ម្នាក់​ដែល​បាន​ចូល​រួម​ក្នុង​ការ​ប្រកួត World Cup ឆ្នាំនេះ។

ថ្វីត្បិតអាយុក្មេងជាងគេពិតមែន ប៉ុន្តែ Gavi ត្រូវ​បាន​គេ​ចាត់​ទុក​​ជា​កីឡាករ​បាល់ទាត់​ដ៏មាន​ទេព​កោសល្យមួយរូប និងកំពុងលេចធ្លោក្នុងវិស័យកីឡាបាល់ទាត់ពិភពលោក។ យោងតាមស្ថិតិ Gavi ធ្លាប់លេង ៦០ប្រកួត សម្រាប់ Barcalona និង ១២ប្រកួត សម្រាប់អេស្ប៉ាញ ក្នុងរយៈពេលមួយឆ្នាំកន្លងមក។ កាលពីខែតុលាឆ្នាំមុន គេបានឈ្នះពានរង្វាន់កីឡាករវ័យក្មេងល្អបំផុតនៅក្នុងព្រឹត្តិការណ៍ Golden Ball gala ទៀតផង។ បន្ទាប់ពីនោះ កីឡាកររបស់ក្លឹប Barcelona រូបនេះ បានបន្តទទួលបានកិត្តិយសនៅក្នុងការបោះឆ្នោតឆ្នាំ២០២២ ក្នុងព្រឹត្តិការណ៍ Golden Boy ផងដែរ ខណៈពេលនេះគេកំពុងបង្ហាញខ្លួនជាខ្សែបម្រើនៅក្នុងការប្រកួត FIFA World Cup 2022 ៕

ប្រែសម្រួល៖ សន្យា

ចុចអាន៖ គ្រាន់តែបង្ហាញខ្លួននៅក្នុង FIFA World Cup ឆ្នាំនេះ Beckham ទទួលបានចំណូលកប់ពពក

ចុចអាន៖ ចាញ់ អារ៉ាប៊ីសាអូឌីត មែន តែ Messi បង្កើតកំណត់ត្រាបានមួយ កាលពីយប់មិញ