Connect with us

កីឡា

របៀប ២ យ៉ាង អាចឲ្យ ព្រះខ័នរាជស្វាយរៀង ឈ្នះជើងឯកលីគកំពូលកម្ពុជា ២០២២

បានផុស

នៅ

ការ​ប្រកួត​ដណ្ដើម​ពានរង្វាន់​លី​គ​កំពូល​កម្ពុជា បាន​កៀក​ទៅនឹង​ដល់ទី​បញ្ចប់​ហើយ​នៅ​ចុង​សប្ដាហ៍​នេះ ខណៈ​គេ​មើលឃើញ ៣ ក្រុម កំពុង​ប្រជែង​គ្នា​ក្នុង​ការ​ឈ្នះ​សម្រាប់​រដូវ​កាល ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភ្នំពេញ​ក្រោ​ន​, វិសាខា និង​ព្រះខ័ន​រាជ​ស្វាយរៀង គឺជា​ក្រុម​កំពូល​ទាំង ៣ ដែល​ត្រូវ​កាត់សេចក្ដី​រក​ម្ចាស់​ជើងឯក​នៅ​ថ្ងៃ​ចុងក្រោយ ដែល​គ្រោង​ធ្វើ​នៅ​ថ្ងៃទី ០៣ ខែ​ធ្នូ ឆ្នាំ ២០២២ ស្អែក​នេះ តាមរយៈ ភ្នំពេញ​ក្រោ​ន ជួប បឹងកេត រីឯ ព្រះខ័ន​រាជ​ស្វាយរៀង ជួប វិសាខា។

ព្រះខ័ន​រាជ​ស្វាយរៀង គឺជា​ក្រុម​នាំ​កំពូល​តារាង​យូរ​ជាងគេ​ចាប់តាំងពី​លី​គ​ចាប់ផ្ដើម យ៉ាងណាមិញ​នៅក្នុង​ជុំ​ទី ៤ ដែល​ជា​វគ្គ​ប្រជែង​សម្រាប់​តែ​ក្រុម​កំពូល ៤ (Top 4) បែរជា​ភ្លាត់​ចាញ់ ៤ ប្រកួត​ជាប់ៗ​គ្នា រហូតដល់​បាត់បង់​តំណែង​កំពូល​តារាង ធ្លាក់​មក​លេខ ២ និង​បន្ត​ធ្លាក់​មក​លេខ ៣។

យ៉ាងណាមិញ កាលពី​សប្ដាហ៍​មុន ក្រុម​មកពី​ខេត្ត​ស្វាយរៀង​មួយ​នេះ ក៏បាន​ត្រលប់​មក​រក​ការ​ឈ្នះ​វិញ និង​ធ្វើ​ឲ្យ​ក្លិប​នៅតែមាន​សង្ឃឹម ប្រជែង​ជើងឯក ដោយ​ទាំង ៣ ក្រុម​មាន ៤៩ ពិន្ទុ​ដូចគ្នា ប៉ុន្តែ​ចាញ់​ឈ្នះ​គ្នា​ត្រង់​រូបមន្ត Hea to Head ភ្នំពេញ​ក្រោ​ន មានប្រៀប​ជាងគេ។

តើ​មាន​លក្ខខណ្ឌ​អ្វីខ្លះ​ទើប ព្រះខ័ន​រាជ​ស្វាយរៀង អាច​ឈ្នះ​ជើងឯក?

មានតែ ២ លក្ខខណ្ឌ​ប៉ុណ្ណោះ ដែល​នាំ​ក្រុម​តំណាង​ឲ្យ​ខេត្ត​ស្វាយរៀង​មួយ​នេះ អាច​គ្រង​ជើងឯក​លី​គ​បាន។

– ទី​១-គឺ​ព្រះខ័ន​រាជ​ស្វាយរៀង ត្រូវតែ​យកឈ្នះ ក្លិប​វិសាខា ជាដាច់ខាត ហើយ​ត្រូវ​រង់ចាំ​ឃើញ ភ្នំពេញ​ក្រោ​ន ចាញ់ បឹងកេត ដូចគ្នា​ផងដែរ។

– ទី​២-គឺ​ព្រះខ័ន​រាជ​ស្វាយរៀង ត្រូវតែ​យកឈ្នះ ក្លិប​វិសាខា ជាដាច់ខាត ហើយ​ត្រូវ​រង់ចាំ​ឃើញ ភ្នំពេញ​ក្រោ​ន ស្មើ បឹងកេត ដូចគ្នា​ផងដែរ។

ចាំ​មើល​ថា តើ​ព្រះខ័ន​រាជ​ស្វាយរៀង អាច​គ្រង​ជើងឯក​បាន​ដែរ​ឬទេ ខណៈ​បាន​ខិតខំ​ប្រឹងប្រែង​ឈរ​កំពូល​តារាង​តាំងពី​ដើម​រដូវ​កាល​? មានតែ​រង់ចាំ​ទស្សនា​នៅ​ថ្ងៃស្អែក ដែល​នឹង​ចាប់ផ្ដើម​ប្រកួត​ដំណាល​គ្នា​នា​វេលា​ម៉ោង ៦ និង ៣០ នាទី​ល្ងាច​តទៅ៕

អត្ថបទ ៖ មន្នីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣២ នាទី មុន

មន្ទីរសាធារណការខេត្តបន្ទាយមានជ័យចុះផ្សព្វផ្សាយច្បាប់ចរាចរណ៍ផ្លូវគោក ដើម្បី​ជំនួយស្មារតី​ដល់​អ្នកបើកបរ

ជីវិតកម្សាន្ដ៤០ នាទី មុន

ស្ថាប័ន Miss Grand ថៃ ប្រកាសមិនអនុញ្ញាតឱ្យអតីត Miss Universe ចូលរួមប្រកួតកម្មវិធីរបស់ខ្លួន

ព័ត៌មានជាតិ៤៩ នាទី មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

ព័ត៌មានជាតិ៥៧ នាទី មុន

មេបញ្ជាការ​កងទ័ពជើងគោក កម្ពុជា​-​ហ្វីលីពីន ចុះហត្ថលេខា​រួមគ្នាស្តីពី​កិច្ចសហប្រតិបត្តិការ​រ​វាង​កងទ័ពជើងគោក នៃ​ប្រទេស​ទាំងពីរ

ជីវិតកម្សាន្ដ១ ម៉ោង មុន

Dior កើនភាគហ៊ុនខ្ពស់បំផុតមិនធ្លាប់មាន ក្រោយតែងតាំង Jimin ជាទូតសុឆន្ទៈបានពីរថ្ងៃ

Sokha Hotels

ព័ត៌មានពេញនិយម