កីឡា

លោក ថោង ខុន បន្តជាប្រធាន NOCC, លោក នេត សាវឿន និងលោកស្រី ញ៉ែម មរកត ជាសមាជិកថ្មី

បានផុស

១ year មុន

នៅ

ថ្ងៃសៅរ៍ ៣១ ធ្នូ ២០២២

ដោយ

គណៈកម្មាធិការជាតិអូឡាំពិកកម្ពុជា (NOCC) បានបោះឆ្នោតជ្រើសរើសប្រធាន និងសមាជិកប្រតិបត្តិសម្រាប់អាណត្តិទី៨ ឆ្នាំ២០២២-២០២៦ ក្នុងមហាសន្និបាតបញ្ចប់អាណត្តិទី៧ កាលពីរសៀល ថ្ងៃសុក្រ ទី៣០ ខែធ្នូ ម្សិលមិញនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយសារកម្ពុជាជាប់បំពេញភារកិច្ចក្នុងការរៀបចំព្រឹត្តិការណ៍កីឡាស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣ ដែលជាលើកដំបូងនៅកម្ពុជា និងយោងតាមលក្ខន្តិកៈរបស់គណៈកម្មាធិការអូឡាំពិកអន្តរជាតិ គណៈកម្មាធិការជាតិអូឡាំពិក អាចបន្តអាណត្តិថ្មីជាស្វ័យប្រវត្តិក្នុងពេលប្រទេសជាតិភារកិច្ចចាំបាច់។

ដូច្នេះ លោក ថោង ខុន រដ្ឋមន្ត្រីក្រសួងទេសចរណ៍ ដែលជាប្រធាន NOCC ចាស់ ត្រូវបានបោះឆ្នោតសេចក្តីទុកចិត្តជាកញ្ចប់ដើម្បីបន្តជាប្រធានអាណត្តិថ្មីពីឆ្នាំ២០២២ដល់២០២៦ ហើយសមាជិកគណៈកម្មាធិការប្រតិបត្តិចាស់ក៏បន្តការងារអាណត្តិថ្មីដែរ។

អ្វីដែលគួរឲ្យកត់សំគាល់គឺបន្ថែមសមាជិកប្រតិបត្តិថ្មី២រូបគឺ លោកនាយឧត្តមសេនីយ៍សន្តិបណ្ឌិត នេត សាវឿន ប្រធានសហព័ន្ធកីឡាបាល់ទះកម្ពុជា ត្រូវបានបោះឆ្នោតជាអនុប្រធាន NOCC និងលោកស្រី ញ៉ែម មរកត ប្រធានសហព័ន្ធកីឡារាំកម្ពុជា ក្លាយជាសមាជិកគណៈកម្មាធិការប្រតិបត្តិអាណត្តិថ្មី។