កីឡា
ថៃ ទាមទារចង់បានការផ្សាយបន្តផ្ទាល់ព្រឹត្តិការណ៍ស៊ីហ្គេម នៅ កម្ពុជា ច្រើនប្រភេទកីឡាបន្ថែមទៀត
ស្ថានីយទូរទស្សន៍ថៃ (TV Pool) រំពឹងថា នឹងសួរទៅអាជ្ញាធរកីឡាកម្ពុជា អំពីការផ្ដល់ការផ្សាយផ្ទាល់លើព្រឹត្តិការណ៍កីឡាជាច្រើនទៀតក្នុងព្រឹត្តិការណ៍ស៊ីហ្គេម លើកទី ៣២ បន្ទាប់ពីប្រទេសម្ចាស់ផ្ទះបានប្រកាសថា មានតែ ១៦ ប្រភេទកីឡាប៉ុណ្ណោះ ក្នុងចំណោម ៣៦ ដែលនឹងផ្សាយផ្ទាល់។
លោក Thana Chaiprasit ប្រមុខគណៈប្រតិភូថៃ បាននិយាយថា កម្ពុជា នឹងធ្វើការផ្សាយផ្ទាល់ភាគច្រើន ប៉ុន្តែ TV Pool ដែលមានសិទ្ធិផ្សាយដោយគណៈកម្មាធិការជាតិអូឡាំពិកថៃ នឹងត្រូវចរចាជាមួយប្រទេសម្ចាស់ផ្ទះ ដើម្បីឲ្យអ្នកទស្សនាក្នុងប្រទេសថៃបានទស្សនាការផ្សាយផ្ទាល់បន្ថែមទៀត។
យោងតាមទំព័រហ្វេសប៊ុក Cambodia 2023 ប្រទេសម្ចាស់ផ្ទះ នឹងផ្សាយពីពិធីបើក និងបិទ និងព្រឹត្តិការណ៍កីឡាចំនួន ១៦ ប្រភេទ មានដូចខាងក្រោម ៖
ថៃ និងកម្ពុជា បច្ចុប្បន្នកំពុងជាប់គាំងក្នុងជម្លោះជុំវិញការសម្រេចចិត្តរបស់ម្ចាស់ផ្ទះក្នុងការហៅព្រឹត្តិការណ៍ប្រដាល់គុនខ្មែរជំនួសឲ្យប្រដាល់ថៃ។ ថៃ បាននិយាយថា ខ្លួននឹងធ្វើពហិការព្រឹត្តិការណ៍គុនខ្មែរ។
ជាមួយគ្នានេះផងដែរ ការិយាល័យសហព័ន្ធកីឡាស៊ីហ្គេម នឹងកោះប្រជុំជាមួយតំណាងប្រទេសសមាជិកអាស៊ានទាំង ១០ រួមទាំងកម្ពុជាផងដែរ ព្រោះព្រឹត្តិការណ៍មួយចំនួនមិនទាន់ត្រូវបានបញ្ចប់នៅឡើយ។ លោក Thana Chaiprasit បាននិយាយថា កិច្ចប្រជុំដែលគ្រោងនឹងធ្វើឡើងនៅប្រទេសថៃ គឺមានគោលបំណងដោះស្រាយបញ្ហាទាំងអស់ទាក់ទងនឹងហ្គេមនៅខែនេះ ដើម្បីឲ្យអត្តពលិកអាចចាប់ផ្ដើមរៀបចំខ្លួនបាន។
ស៊ីហ្គេម លើកទី ៣២ នឹងប្រព្រឹត្តទៅចាប់ពីថ្ងៃទី ៥ ដល់ថ្ងៃទី ១៧ ខែឧសភា ឆ្នាំ ២០២៣៕
ប្រភព ៖ bangkokpost.com
អត្ថបទ ៖ មន្នីរ័ត្ន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង