កីឡា
កម្ពស់អាចជាកត្តាធ្វើឲ្យក្រុមបាល់ទះកម្ពុជា ចាញ់ U19 បារាំងម្សិលមិញ
ក្រុមបាល់ទាត់ជម្រើសជាតិកម្ពុជាបានប្រកួតចាញ់ក្រុមបាល់ទះជម្រើសជាតិបារាំងក្រោមអាយុ១៩ឆ្នាំ (U19) ដោយលទ្ធផល៣សិត០ (០-៣) ក្នុងជំនួបមិត្តភាពអន្តរជាតិកាលពីល្ងាចថ្ងៃអាទិត្យ ទី១៩ ខែកុម្ភៈ ឆ្នាំ២០២៣ នៅពហុកីឡដ្ឋានជាតិ។
ការប្រកួតចាប់ផ្តើមសិតទី១ ក្រុមកម្ពុជាធ្វើបានល្អដោយបាននាំមុខក្រុម U19 បារាំង ប៉ុន្តែក្រុមភ្ញៀវធ្វើបានល្អវិញ និងបើកការនាំមុខរហូតទទួលបានជ័យជម្នះដោយគ្រាប់បាល់ ២៣-២៥។ សម្រាប់ការប្រកួតសិតទី២ និងទី៣ ក្រុម U19 ធ្វើបានល្អរហូតដោយមិនបណ្តោយឲ្យក្រុមម្ចាស់ផ្ទះនាំមុខឡើយ ហើយទទួលបានជ័យជម្នះទាំងពីរសិតបន្ថែមទៀតជាមួយគ្រាប់បាល់ ២១-២៥ និង ២៣-២៥។ លទ្ធផលនេះគឺកម្ពុជាចាញ់ដោយមិនអាចតដៃបានឡើយ។
បើនិយាយពីបច្ចេកទេសនៅលើទីលានវិញឃើញថា មិនលើសខ្វះគ្នាប៉ុន្មានឡើយរវាងក្រុមទាំងពីរ។ ក្រុមកម្ពុជាមានបទពិសោធច្រើនក្នុងការប្រកួតអន្តរជាតិ និងមានបច្ចេកទេសល្អ ខណៈក្រុម U19 បារាំងអាយុក្មេងខ្ចីមែន ប៉ុន្តែពួកគេក៏មានបច្ចេកទេសល្អមិនចាញ់កម្ពុជាឡើយ។
អ្វីដែលជាចំណុចមានប្រៀបខ្លាំងរបស់ក្រុម U19 បារាំងគឺកាយសម្បទា។ សមាជិកបារាំងភាគច្រើនខ្ពស់ជាងក្រុមកម្ពុជាពោលគឺកម្ពស់ប្រហែលជាជាង២ម៉ែត្រ។ ដូច្នេះពួកគេមានអំណោយផលល្អក្នុងការបិទពីការវ៉ៃផ្តាច់របស់កម្ពុជាណាស់។ គន្លឹះសំខាន់ពីរដែលយុវជនបារាំងរកបានពិន្ទុពីម្ចាស់ផ្ទះកម្ពុជាគឺ លោតវ៉ៃផ្តាច់ (គប់) ដែលធ្វើឲ្យកម្ពុជាពិបាកខ្លាំងក្នុងការទប់ណាស់ និងមួយទៀត ពួកគេលើកដៃបាំងការគប់របស់កម្ពុជាមានប្រសិទ្ធភាពខ្ពស់។ គន្លឹះសំខាន់ទាំងពីរដ៏មានប្រសិទ្ធភាពនេះគឺអំណោយផលពីកម្ពស់របស់ពួកគេ។
យ៉ាងណា ការប្រកួតនេះជាមិត្តភាពអន្តរជាតិដែលកម្ពុជាត្រៀមខ្លួនសម្រាប់ការប្រកួតស៊ីហ្គេម នាពេលខែឧសភាខាងមុខ។ វានឹងផ្តល់ឲ្យម្ចាស់ផ្ទះកម្ពុជាបង្កើនបទពិសោធ និងពង្រឹងសមត្ថភាពកាន់តែច្រើននៅពេលប្រកួតជាមួយក្រុមខ្លាំងៗពិតប្រាកដ។
ម្សិលមិញ បើទោះបីជាការប្រកួតលក់សំបុត្រតម្លៃ៨ពាន់រៀល និងផ្សាយផ្ទាល់តាម BTV ក៏នៅតែមានអ្នកគាំទ្រចូលទស្សនាផ្ទាល់ពេញវិមានពហុកីឡដ្ឋានជាតិដែលប្រហែលជា៥ពាន់នាក់។ ម្ចាស់ផ្ទះកម្ពុជា និង U19 បារាំង នឹងប្រកួតគ្នាម្តងទៀតនៅថ្ងៃទី២២ ខែកុម្ភៈ ខាងមុខនេះនៅទីលានដដែល៕
អត្ថបទ៖ វីរបុត្រ
-
ព័ត៌មានអន្ដរជាតិ២១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ