កីឡា

គ្រូ U-20 នារីម៉ាឡេស៊ី ថា ពិបាកទទួលយកគ្រាប់បាល់ចុងម៉ោងរបស់ U-20 កម្ពុជា ដែលយកឈ្នះក្រុមលោក

បានផុស

៣ years មុន

នៅ

ថ្ងៃសៅរ៍ ១១ មីនា ២០២៣

ដោយ

ក្រុមជម្រើសជាតិនារីម៉ាឡេស៊ីអាយុក្រោម ២០ ឆ្នាំ បានរងបរាជ័យដោយលទ្ធផល ០-១ ក្រោមថ្វីជើងម្ចាស់ផ្ទះក្រុមជម្រើសជាតិនារីកម្ពុជាអាយុក្រោម ២០ ឆ្នាំ ក្នុងពានរង្វាន់បាល់ទាត់នារីប្រចាំទ្វីបអាស៊ី អាយុក្រោម ២០ ឆ្នាំ (AFC U-20 Women Asian Cup 2024 Qualifiers Round) ប្រចាំពូល G កាលពីម្សិលមិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ គ្រាប់ ដែលនាំឲ្យ U-20 នារីកម្ពុជា ទទួលបានជ័យជម្នះនៅចុងម៉ោង ធ្វើបានសម្រេចដោយកីឡាការិនី ទុន គឹមហុង ដែលបានបង្កើតកំណត់ត្រា និងប្រវត្តិសាស្ត្រថ្មីមួយរបស់ក្រុមកីឡាការិនីបាល់ទាត់ជម្រើសជាតិកម្ពុជាក្នុងពានរង្វាន់កម្រិតអាស៊ី បន្ទាប់ពីបាល់ទាត់នារីត្រូវបានអភិវឌ្ឍន៍ឡើងនាប៉ុន្មានឆ្នាំចុងក្រោយ។

យ៉ាងណាមិញជាមួយនឹងបរាជ័យរបស់ U-20 ម៉ាឡេស៊ី គ្រូបង្វឹករបស់គេផ្ទាល់ហាក់មានការសោកស្ដាយ និងពិបាកទទួលយក ប៉ុន្តែក៏សរសើរពីការខិតខំរបស់កូនក្រុមដែលធ្វើបានល្អផងដែរ។

លោក Cameron Ng បាននិយាយក្រោយចប់ការប្រកួតថា ៖ «ពិតណាស់ យើងខកចិត្តដែលបានរងបរាជ័យ ប៉ុន្តែខ្ញុំគិតថាកីឡាការិនីយើងលេងបានល្អណាស់ ពួកគេបានផ្ដល់ឲ្យទាំងអស់សម្រាប់ការប្រកួត ហើយការរបូតគ្រាប់បាល់នៅចុងម៉ោងគឺវាពិតជាពិបាកនឹងទទួលយក ប៉ុន្តែនេះគឺជាបាល់ទាត់»។

ចំពោះ U-20 នារីកម្ពុជាវិញ បើទោះបីជាបានយកឈ្នះ U-20 ម៉ាឡេស៊ី ប៉ុន្តែឱកាសឡើងវគ្គបន្តបានអស់បាត់ទៅហើយ បន្ទាប់ពីគិតរូបមន្ត Head to Head គឺចាញ់ U-20 មីយ៉ាន់ម៉ា ដែលកំពុងសល់ ១ ប្រកួតក្នុងដៃថែមទៀត។ ដូច្នេះទោះបីជាប្រកួតចុងក្រោយ ម៉ាឡេស៊ី ឈ្នះ មីយ៉ាន់ម៉ា ក៏ កម្ពុជា មិនអាចគ្រប់គ្រាន់ដើម្បីឡើងវគ្គបន្តបានដែរ។

ក្រុម U20 ម៉ាឡេស៊ី នឹងត្រូវប្រកួតជាមួយ U20 មីយ៉ាន់ម៉ា នៅថ្ងៃទី ១២ ខែមីនា ដើម្បីរកក្រុម ១ ឡើងទៅវគ្គបន្ត៕

អត្ថបទ ៖ មន្នីរ័ត្ន

Related Topics:កីឡាបាល់ទាត់

ព័ត៌មានអន្ដរជាតិ២២ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា