កីឡា
សុខ ធី ប្រាប់មូលហេតុដែលឡើងសង្វៀនជាថ្មីវិញឈ្នះ២ប្រកួតជាប់គ្នា
អ្នកលេងគុនខ្មែរ សុខ ធី ទទួលបានជ័យជម្នះដោយពិន្ទុលើដៃគូចាស់ Jaosueyai Sor. Dechpant ដែលមានបច្ចេកទេសល្អ នៅសង្វៀន Rajadamnern កាលពីថ្ងៃសៅរ៍ ទី១៨ ខែមីនា កន្លងទៅនេះ។

នេះជាជ័យជម្នះលើកទី២សម្រាប់អ្នកលេងគុនខ្មែរ សុខ ធី បន្ទាប់ពីវិលត្រឡប់មកកាន់សង្វៀនជាថ្មី កាលពីខែកុម្ភៈកន្លងទៅដោយបានយកឈ្នះកីឡាករថៃ Petchdam ដោយពិន្ទុ។ កាលពីឆ្នាំ២០២២ កីឡាករកម្ពុជារូបនេះមិនបានឡើងសង្វៀនទេដោយសារមានបញ្ហាខ្លះៗជាមួយក្លឹបហ្វឹកហាត់ និងឃ្លាតឆ្ងាយពីប្រពន្ធកូនដែលជំរុញឲ្យរូបគេមិនបានឡើងប្រកួត និងការហ្វឹកហាត់មួយរយៈពេលធំ។
បន្ទាប់ពីបញ្ហាត្រូវបានដោះស្រាយរួចរាល់ រូបគេបានវិលត្រឡប់កាន់ក្លឹបហ្វឹកហាត់វិញកាលពីដើមឆ្នាំ២០២៣ និងជួបជុំប្រពន្ធកូនវិញ ហើយបន្ទាប់មកក៏ទទួលបានឱកាសឡើងសង្វៀនតែម្តង។ ទោះបីជាយ៉ាងណា រូបគេបានប្រាប់ថា ក្រោយខកខានប្រកួតយូរបានធ្វើឲ្យរាងកាយ និងសមត្ថភាពរបស់ខ្លួនមិនទាន់ល្អដូចដើមទេ។

សុខ ធី បានប្រាប់ពីប្រទេសថៃមកថា រូបគេមានកម្រិតគុណភាពប្រកួតល្អប្រសើរច្រើនហើយ ប៉ុន្តែត្រូវការហ្វឹកហាត់ និងប្រកួតប្រហែលជាពីរឬបីដងទៀតទើបកម្រិតសមត្ថភាពអាចល្អដូចដើមវិញ។
«ឥឡូវ សមត្ថភាពខ្ញុំជិតដូចដើមហើយ។ និយាយទៅបានប្រពន្ធកូននៅជិត ខ្ញុំសប្បាយចិត្ត។ ខ្ញុំមានកម្លាំងចិត្តវ៉ៃ មានកម្លាំងចិត្តហ្វឹកហាត់»។ សុខ ធី និយាយពីកម្លាំងចិត្តនៃការតស៊ូក្នុងអាជីពប្រដាល់ជាថ្មី បន្ទាប់ពីបានជួបជុំប្រពន្ធកូនឡើងវិញ។

សុខ ធី មានភរិយាជាជនជាតិថៃ និងមានកូនប្រុសម្នាក់ដែលមានអាយុប្រហែលជា២ឆ្នាំហើយ។ បងប្រុសរបស់គេគឺ សុខ រិទ្ធ ជាកីឡាករឃីកបុកស៊ីងជម្រើសជាតិកកម្ពុជាដែលត្រៀមខ្លួនប្រកួតកីឡាស៊ីហ្គេម លើកទី៣២ ឆ្នាំ២០២៣ នាពេលដ៏ខ្លីខាងមុខនេះ៕
អត្ថបទ៖ វីរបុត្រ
-
ព័ត៌មានជាតិ៣ ថ្ងៃ មុន
សម្តេចតេជោ ៖ ខ្ញុំនឹងចុះហត្ថលេខា លើកិច្ចព្រមព្រៀងក្រមខណ្ឌគម្រោង សាងសង់ផ្លូវល្បឿនលឿន ភ្នំពេញ-សៀមរាប-ប៉ោយប៉ែត រសៀលនេះ
-
ជីវិតកម្សាន្ដ១ សប្តាហ៍ មុន
Jisoo តេស្តវិជ្ជមានកូវីដ ក្រោយវិលពីការប្រគំតន្ត្រីនៅថៃវិញ
-
ជីវិតកម្សាន្ដ៥ ថ្ងៃ មុន
ប្រកួតឆ្នាំដំបូង បវរកញ្ញាកម្ពុជា ឈ្នះមកុដ Miss Culture Global នៅឥណ្ឌូនេស៊ី
-
ជីវិតកម្សាន្ដ៦ ថ្ងៃ មុន
ក្រោយលែងលះជាមួយ Angelababy តារាប្រុស Huang Xiaoming មានមិត្តស្រីថ្មីការពារលើសមុន
-
ព័ត៌មានជាតិ៨ ម៉ោង មុន
អ្នកជំនាញអចលនទ្រព្យយល់ឃើញយ៉ាងណា ក្រោយសម្តេចតេជោ ឱ្យម្ចាស់បុរីបញ្ឈប់ការរឹបអូសយកផ្ទះពលរដ្ឋ?
-
ជីវិតកម្សាន្ដ៦ ថ្ងៃ មុន
ម្ចាស់មេដាយមាសស៊ីហ្គេម កូនកាត់ខ្មែរអាមេរិក លេចមុខថតសំអាងការ
-
សន្តិសុខសង្គម១ សប្តាហ៍ មុន
តខ្សែភ្លើងខុសបច្ចេកទេស ឆ្លងចរន្ដឆេះផ្ទះមួយខ្នង និងរថយន្ដមួយគ្រឿងទាំងស្រុង
-
ព័ត៌មានអន្ដរជាតិ៧ ថ្ងៃ មុន
លោក ថាក់ស៊ីន បញ្ជាក់ច្បាស់ៗពីពេលវេលាវិលត្រឡប់ចូលស្រុកវិញ