Connect with us

កីឡា

ជម្រះ​បញ្ជី! ក្រុម​​បាល់ទះ​​កម្ពុជា ប៉ះ ម៉ាឡេស៊ី វគ្គ​ផ្តាច់​​ព្រ័ត្រ​​ពាន​ Tri-Nation យប់​​នេះ

បានផុស

នៅ

ក្រុម​បាល់ទះ​ជម្រើស​ជាតិ​កម្ពុជា​បាន​ឡើង​ទៅ​កាន់​វគ្គ​ផ្តាច់​ព្រ័ត្រ​ជួប​ម្ចាស់​ផ្ទះ​ជម្រើស​ជាតិ​ម៉ាឡេស៊ី យប់​នេះ​ក្នុង​ពាន​រង្វាន់​មិត្តភាព​អន្តរជាតិ Tri-Nation Cup ឆ្នាំ​២០២៣ ដើម្បី​ត្រៀម​ស៊ីហ្គេម។

សម្រាប់​ការ​ប្រកួត​សន្សំ​ពិន្ទុ​កន្លង​មក បើក​ឆាក ​កម្ពុជា បាន​ចាញ់​ក្រុម​បាល់ទះ​ជម្រើស​ជាតិ​ម៉ាឡេស៊ី A ដោយ​លទ្ធផល ៣-០ (២៦-២៨, ២១-២៥ និង​១២-២៥) ប៉ុន្តែ​ប្រកួត​ទី​២ បាន​ឈ្នះ​ជម្រើស​ជាតិ​សិង្ហបុរី ៣-១ (២៥-២០, ២៥-១៩, ២២-២៥ និង ២៥-១២) និង​ប្រកួត​ទី​៣​កាល​ពី​យប់​មិញ​បាន​ឈ្នះ​ក្រុម​ម៉ាឡេស៊ី B ដោយ​លទ្ធផល ៣-០ (២៥-១៦, ២៥-២១ និង ២៥-១៧)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុម​កម្ពុជា​ឈរ​​លេខ​២ ខណៈ​ម្ចាស់​ផ្ទះ​ម៉ាឡេស៊ី A ស្ថិត​នៅ​លេខ​១ បន្ទាប់​ពី​ឈ្នះ​ទាំង​៣​ប្រកួត​គឺ​លើ​កម្ពុជា​​ថ្ងៃ​បើក​ឆាក បន្ទាប់​មក​ឈ្នះ​សិង្ហបុរី និង​ម៉ាឡេស៊ី B។

តាមរូប​មន្ត​ការ​ប្រកួត ក្រុម​​លេខ​២ ​ត្រូវ​​ប្រកួត​ជា​មួយ​ក្រុម​​លេខ​១ នៅ​វគ្គ​ផ្តាច់​ព្រ័ត្រ​ដើម្បី​ដណ្តើម​ជើង​ឯក​មិត្តភាព​អន្តរជាតិ​៣​ប្រទេស​ Tri-Nation Cup ដែល​នឹង​ធ្វើ​នៅ​យប់​ថ្ងៃ​ទី​១ ខែ​មេសា​នេះ​វេលា​ម៉ោងប្រហែល​ជា​៩​យប់។

នេះ​អាច​ចាត់​ជា​ការ​ប្រកួត​​ដើម្បី​​ជម្រះ​បញ្ជី​ឲ្យ​ស្រឡះ​ ហើយ​ក៏​ជា​ការ​ប្រកួត​ដែលក្រុម​ជម្រើស​ជាតិ​កម្ពុជា​នឹង​ប្រឹង​ប្រែង​ខ្លាំង​ជាងមុន​ដែល​​បាន​ចាញ់​ថ្ងៃ​បើក​ឆាក។ ថ្ងៃ​បើក​ឆាក​សិត​ដំបូង ស្វិត​ស្វាញ​ខ្លាំង​មែន​ទែន​  ពិន្ទុ​ឡើង​រហូត​ដល់ ២៦-២៨ ទើប​ម៉ាឡេស៊ី យក​ឈ្នះ​បាន ខណៈ​សិត​ទី​៣ ខាង​កម្ពុជា​ហាក់​បន្ធូរ​​ដៃ​ដោយ​ចាញ់​ដាច់​ឆ្ងាយ​គឺពិន្ទុ ១២-២៥។

ជំនួប​វគ្គ​ផ្តាច់​ព្រ័ត្រ​នេះ កីឡាករ សួន ចាន់ណារ៉ូ ប្រធាន​ក្រុម​បាល់ទះ​ជម្រើស​ជាតិ​កម្ពុជា​បាន​និយាយ​ថា ៖«នៅ​ទី​បំផុត យើង​​ជួប​គ្នា​ដដែល កម្ពុជា vs ម៉ាឡេស៊ី តែ​ជួប​គ្នា​លើក​នេះ គឺ​មិន​មែន ៣-០ ទៀត​ទេ»៕

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៤ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៧ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ៥ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

សេចក្ដីជូនដំណឹង៨ ម៉ោង មុន

តើអ្នកយល់យ៉ាងណាចំពោះក្រុមហ៊ុនផាសអ៊ែប (PassApp) បានធ្វើរឿងមួយនេះ???

Sokha Hotels

ព័ត៌មានពេញនិយម