កីឡា
ប្រធានក្រុមបាល់ទះកម្ពុជាយល់ឃើញ«ការចាប់ឆ្នោតឡើងវិញជារឿងមិនល្អ»
សួន ចាន់ណារ៉ូ ប្រធានក្រុមបាល់ទះក្នុងសាលជម្រើសជាតិកម្ពុជាយល់ឃើញមិនល្អនៅពេលការចាប់ឆ្នោតរួចរាល់ហើយ បែរជាសម្រេចចាប់ឆ្នោតឡើងវិញ។
ការមិនពេញចិត្តនេះកើតឡើង បន្ទាប់ពីគណៈកម្មាធិការជាតិរៀបចំការប្រកួតកីឡាស៊ីហ្គេម (CAMSOC) បានសម្រេច ឲ្យមានការចាប់ឆ្នោតឡើងវិញ បន្ទាប់ពីក្រុមហ្វីលីពីនស្នើសុំចូលរួមប្រកួត ដោយសារមិនបានចុះឈ្មោះមុនពេលចាប់ឆ្នោត។
សួន ចាន់ណារ៉ូ បានរៀបរាប់ថា ៖«ចាប់ឆ្នោតហើយបែរជាដាក់ ហ្វីលីពីនចូលវិញអត់យល់? ខ្ញុំជាកីឡាករបាល់ទះមួយរូប ខ្ញុំមិនដែលឃើញគេចាប់ឆ្នោតដូចបាយឡុកបាយឡបែបនេះទេ។ ធ្វើអញ្ចឹងប្រទេសជិតខាងគេមើលងាយប្រទេសកម្ពុជាយើងណាស់»។
កាលពីថ្ងៃទី៥ ខែមេសា វិញ្ញាសាបាល់ទះបុរសក្នុងសាល មានការចាប់ពូលដែលសម្រេចបាន ពូល A មានម្ចាស់ផ្ទះ កម្ពុជា ឥណ្ឌូណេស៊ី និងសិង្ហបុរី។ ចំណែកពូល B មាន វៀតណាម ថៃ ម៉ាឡេស៊ី និងមីយ៉ាន់ម៉ា។ ពេលនោះមិនមានឈ្មោះក្រុមបាល់ទះជម្រើសជាតិហ្វីលីពីនទេ ដោយសារមិនឃើញមានការចុះឈ្មោះចូលក្នុងប្រព័ន្ធ Games IT ប៉ុន្តែត្រូវបានគេដឹងថា ក្រុមហ្វីលីពីនក៏បានត្រៀមខ្លួន និងចេញទៅហ្វឹកហាត់នៅប្រទេសជប៉ុនទៀតផង។
ដំណឹងចុងក្រោយបំផុត ខាងភាគីហ្វីលីពីន បានស្នើសុំមកម្ចាស់ផ្ទះកម្ពុជាដើម្បីចូលរួម។ យោងតាមសេចក្ដីប្រកាសរបស់ គណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ លើកទី៣២ ឆ្នាំ២០២៣ (CAMSOC) ដោយមានសម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ជាប្រធាន លោក ថោង ខុន រដ្ឋមន្ត្រីក្រសួងទេចរណ៍ និងអនុប្រធានអចិន្ត្រៃយ៍ ព្រមទាំងលោក វ៉ាត់ ចំរើន អគ្គលេខាធិការ បានសម្រេចពីការត្រៀមចាប់ឆ្នោបែងចែកពូលឡើងវិញ។ យ៉ាងណា ត្រូវមានការយល់ព្រមពីប្រទេសផ្សេងទៀតដែរ។
ចំពោះវិញ្ញាសា លទ្ធផលចាប់ឆ្នោតបែងចែកពូលសម្រាប់វិញ្ញាសាបាល់ទះនារី នៅរក្សាដដែល៕
អត្ថបទ៖ វីរបុត្រ
-
ព័ត៌មានអន្ដរជាតិ២០ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ