កីឡា

ដឹងអត់ថា ម្ចាស់ផ្ទះស៊ីហ្គេមមុនៗយកតម្លៃអាហារ ស្នាក់នៅ ធ្វើដំណើរប៉ុន្មានពីប្រតិភូកីឡាម្នាក់ៗក្នុង១ថ្ងៃ?

បានផុស

៣ years មុន

នៅ

ថ្ងៃព្រហស្បតិ៍ ២០ មេសា ២០២៣

ដោយ

ប្រទេសកម្ពុជាបានក្លាយជាម្ចាស់ផ្ទះរៀបចំការប្រកួតកីឡាស៊ីហ្គេមដំបូងគេបង្អស់ក្នុងប្រវត្តិសាស្ត្រកីឡាស៊ីហ្គេម ដែលមិនយកតម្លៃលើសំបុត្រចូលទស្សនាពិធីបិទ-បើក និងការប្រកួតគ្រប់ប្រភេទកីឡានៃកីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្ពុជាក្នុងនាមជាម្ចាស់ផ្ទះស៊ីហ្គេម-អាស៊ានប៉ារ៉ាហ្គេម ក៏មិនយកតម្លៃលើសិទ្ធិផ្សព្វផ្សាយ ផ្សាយផ្ទាល់ និងផ្សាយបន្តផ្ទាល់គ្រប់ស្ថាប័នសារព័ត៌មានទាំងក្នុងប្រទេស និងក្រៅប្រទេស។

កាន់តែអស្ចារ្យទៀតនោះ កម្ពុជាក៏មិនយកតម្លៃលើការស្នាក់នៅ ម្ហូបអាហារ និងការធ្វើដំណើរក្នុងប្រទេសពីគ្រប់អត្តពលិក និងប្រតិភូកីឡាមកពីតំបន់អាស៊ាន។ ចំណុចនេះមិនធ្លាប់មានប្រទេសណាមួយដែលធ្វើជាម្ចាស់ផ្ទះរៀបចំការប្រកួតស៊ីហ្គេម-អាស៊ានប៉ារ៉ាហ្គេម លើកលែងលើតម្លៃនៃការស្នាក់នៅ ម្ហូបអាហារ និងការធ្វើដំណើរក្នុងប្រទេសឡើយ។

តើបងប្អូនដឹងទេថា តាមធម្មតាប្រទេសជាម្ចាស់ផ្ទះរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេមកន្លងមកតែងតែយកតម្លៃ៥០ដុល្លារអាមេរិក ក្នុង១ថ្ងៃពីមនុស្ស១នាក់ដែលជាអត្តពលិក និងប្រតិភូកីឡារបស់ប្រទេសអាស៊ាន។ បន្ថែមលើនេះ អត្តពលិក ឬប្រតិភូកីឡាអាចចំណាយរហូតច្រើនជាង៥០ដុល្លារអាមេរិកក្នុង១ថ្ងៃ អាស្រ័យលើសណ្ឋាគារដែលពួកគេស្នាក់នៅថែមទៀត។ អត្តពលិក ឬប្រតិភូកីឡាណាស្ថិតនៅក្នុងប្រទេសម្ចាស់ផ្ទះស៊ីហ្គេមកាន់តែច្រើនថ្ងៃ ដូច្នេះការបង់ប្រាក់ឲ្យប្រទេសម្ចាស់ផ្ទះកាន់តែច្រើន ហើយប្រសិនបើ ប្រទេសណាមួយចុះឈ្មោះចំនួនប្រតិភូកីឡាកាន់តែច្រើន ត្រូវបង់ប្រាក់ឲ្យប្រទេសជាម្ចាស់ផ្ទះកាន់តែច្រើន។

តាមរយៈការលើកលែងលើតម្លៃនៃការស្នាក់នៅ ម្ហូបអាហារ និងការធ្វើដំណើរទៅវិញ-ទៅមកពីកន្លែងស្នាក់នៅទៅកន្លែងប្រកួតពីម្ចាស់ផ្ទះកម្ពុជា ប្រតិភូកីឡាពីប្រទេសអាស៊ានទាំង១០នឹងសន្សំប្រាក់បានរាប់ម៉ឺនដុល្លារអាមេរិក។

តាមការផ្សាយរបស់ vnexpress ថា ប្រទេសវៀតណាមអាចសន្សំប្រាក់បានប្រមាណ៥ម៉ឺនដុល្លារអាមេរិកក្នុង១ថ្ងៃៗ បន្ទាប់ពីកម្ពុជាមិនយកតម្លៃលើការស្នាក់នៅ ម្ហូបអាហារ និងការធ្វើដំណើរ ស្របពេលវៀតណាមគ្រោងបញ្ជូនប្រតិភូកីឡារបស់ខ្លួនចំនួន១៦៦៣នាក់៕

អត្ថបទ៖ វីរបុត្រ

Related Topics:កីឡាស៊ីហ្គេម

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា