កីឡា
ល្ងាចនេះ«ភូមិកីឡា»ធ្វើពិធីក្រុងពាលីត្រៀមទទួលប្រតិភូកីឡាប្រមាណ៧ពាន់នាក់
ភូមិកីឡាជាកន្លែងសំខាន់ និងធំជាងគេសម្រាប់អត្តពលិក និងមន្ត្រីរៀបចំការប្រកួតស្នាក់នៅក្នុងព្រឹត្តិការណ៍កីឡាស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ ដែលប្រទេសកម្ពុជាធ្វើជាម្ចាស់ផ្ទះ។
គណៈកម្មាធិការជាតិរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេមនឹងរៀបចំពិធីក្រុងពាលីនាល្ងាចថ្ងៃទី២០ ខែមេសានេះក្រោមអធិបភាពសម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានគណៈកម្មាធិការជាតិរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេមដើម្បីចូលស្នាក់នៅជាផ្លូវការ បន្ទាប់ពីសម្រុកកសាងក្នុងរយៈពេលប៉ុន្មានខែចុងក្រោយ ហើយទីបំផុតរួចរាល់ជាស្ថាពរនៅពាក់កណ្តាលខែមេសានេះ។
លោក វ៉ាត់ ចំរើន អគ្គលេខាធិការគណៈកម្មាធិការជាតិរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ ធ្លាប់បានប្រាប់ថា «ភូមិកីឡា»ដែលស្ថិតក្នុងបរិវេណពហុកីឡដ្ឋានជាតិមរតកតេជោមានគ្រែប្រហែលជា៧ពាន់ ហើយក្នុង១ថ្ងៃៗ អត្តពលិក និងប្រតិភូកីឡាអន្តរជាតិអាចចូលស្នាក់នៅ និងទទួលទានអាហារចន្លោះពី៤ទៅ៦ពាន់នាក់។
ភូមិកីឡានេះបង្កលក្ខណៈងាយស្រួលច្រើនមែនទែនដល់ប្រតិភូកីឡាអន្តរជាតិ ដោយពួកគាត់មិនចាំបាច់ធ្វើដំណើរទៅណាឆ្ងាយ និងមានសុវត្ថិភាពខ្ពស់សម្រាប់ពួកគាត់ ហើយកីឡាជាច្រើនប្រភេទត្រូវប្រកួតក្នុងបរិវេណពហុកីឡដ្ឋានជាតិមរតកតេជោ។
តាមការគ្រោងទុក ប្រតិភូកីឡាអន្តរជាតិមួយចំនួននឹងចូលស្នាក់នៅចាប់ពីថ្ងៃទី២៥ ខែមេសា ខាងមុខនេះទៅ ពីព្រោះមានកីឡា១០ប្រភេទត្រូវប្រកួតមុនពេលពិធីបើកដូចជា អុកចត្រង្គ គ្រីឃីត អេឡិចត្រូនិក បាល់ទាត់បុរស-នារី ហុកគី កីឡាឧបសគ្គ ទូកក្តោង ជឺជីតស៊ូ គុនល្បុក្កតោ និងបាល់ទះ។
សម្រាប់មន្ត្រីជាន់ខ្ពស់អន្តរជាតិទាំងផ្នែកកីឡា និងប្រមុខរដ្ឋជាដើមនឹងស្នាក់នៅតាមសណ្ឋាគារលំដាប់ផ្កាយ។
កីឡាស៊ីហ្គេម លើកទី៣២ នឹងបើកជាផ្លូវការចាប់ពីថ្ងៃទី៥ ដល់ថ្ងៃទី១៧ ខែឧសភា ដែលនឹងមានអត្តពលិក និងប្រតិភូកីឡាប្រមាណជាង១ម៉ឺននាក់មកចូលរួមប្រកួតនៅប្រទេសកម្ពុជា៕
អត្ថបទ៖ វីរបុត្រ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត