កីឡា

គិតត្រឹមម៉ោង ១ រសៀល កម្ពុជាបំបែកកំណត់ត្រាមេដាយមាសស៊ីហ្គេមនៅវៀតណាម

បានផុស

២ years មុន

នៅ

ថ្ងៃសៅរ៍ ៦ ឧសភា ២០២៣

ដោយ

កម្ពុជាបានបង្កើតកំណត់ត្រារកបានមេដាយមាស ដោយគិតត្រឹមម៉ោង ១ រសៀលនេះ ក្នុងនាមជាម្ចាស់ផ្ទះកម្ពុជាបានបំបែកកំណត់ត្រាមេដាយមាសពីព្រឹត្តិការណ៍ស៊ីហ្គេមដែលរៀបចំនៅប្រទេសវៀតណាមកាលពីឆ្នាំ ២០២២។

គិតត្រឹមម៉ោង ១ រសៀលនេះ កម្ពុជាដណ្តើមបានមេដាយមាសចំនួន ១០ គ្រឿង ខណៈព្រឹត្តិការណ៍ប្រកួតស៊ីហ្គេមនៅប្រទេសវៀតណាមកាលពីឆ្នាំ ២០២២ កម្ពុជាប្រជែងបានមេដាយមាសតែ ៩ គ្រឿងប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅព្រឹកមិញនេះ កម្ពុជាអាចស្វែងរកបានមេដាយមាសចំនួន ៥ គ្រឿងទៀតលើប្រភេទកីឡាអេឡិចត្រូនិក AK 2 (ឯកត្តជន) កីឡាវ៉ូវីណាមវិញ្ញាសា Five gate form កីឡាអុកចត្រង្គ វិញ្ញាសា ៥ នាទីបុរសឯកត្តជន កីឡាទ្រីយ៉ាថ្លុង វិញ្ញាសា Aquathlon (ហែលទឹក ៥០០ ម៉ែត្រ +រត់ ២,៥ គម) និងកីឡា សូហ្វតិន្នីសវិញ្ញាសា វាយគូបុរស-នារី។

ក្នុងព្រឹត្តិការណ៍ប្រកួតស៊ីហ្គេមលើកទី ៣១ នៅប្រទេសវៀតណាម ក្រោយបញ្ចប់ព្រឹត្តិការណ៍ប្រកួត កម្ពុជារកបានមេដាយមាស ៩ គ្រឿង ប្រាក់ ១៣គ្រឿង និងសំរឹទ្ធ ៤១គ្រឿង។

ក្រោយពីអាចបំបែកកំណត់ត្រាស៊ីហ្គេមនៅវៀតណាម កម្ពុជារំពឹងខ្ពស់នឹងអាចដណ្តើមបានមេដាយមាសជាច្រើនទៀតក្នុងព្រឹត្តិការណ៍ប្រកួតស៊ីហ្គេមលើកទី ៣២ ដែលកម្ពុជាជាម្ចាស់ផ្ទះ ខណៈមានវិញ្ញាសាជាច្រើនដែលកម្ពុជាមានសក្តានុពលក្នុងការដណ្តើមបានមេដាយមាសជូនជាតិ៕