កីឡា

កីឡាការិនីឆ្នើម៤រូបនេះសុទ្ធតែទទួលបានមេដាយមាសស៊ីហ្គេមជូនជាតិ

បានផុស

៤ ខែ មុន

នៅ

ថ្ងៃពុធ ១០ ឧសភា ២០២៣

ដោយ

ក្នុងចំណោមកីឡា៣៧ប្រភេទដែលត្រូវប្រកួតក្នុងព្រឹត្តិការណ៍កីឡាអាស៊ីអាគ្នេយ៍ លើកទី៣២ ដែលកម្ពុជាធ្វើជាម្ចាស់ផ្ទះមានកីឡាមួយចំនួនទទួលបានការចាប់អារម្មណ៍ និងគាំទ្រច្រើនពីមហាជនទៅលើអត្តពលិក ជាពិសេសកីឡាការិនីដែលទទួលបានមេដាយមាសតែម្តង។

ថ្ងៃនេះ សារព័ត៌មានកម្ពុជាថ្មី សូមបង្ហាញកីឡាការិនីឆ្នើម៤រូបដែលបានសម្រេចបានមេដាយមាសជូនជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. ស្រួង ភាវី ជាកីឡាការិនីស្នូកឃ័រ និងប៊ឺយ៉ាការ៉ុមឆ្នើមមួយរូបរបស់ជម្រើសជាតិកម្ពុជាបាននាំយកមេដាយមាសជូនជាតិ បន្ទាប់ពីបានប្រកួតឈ្នះកីឡាការិនីរៀតណាម វគ្គផ្តាច់ព្រ័ត្រ លើវិញ្ញាសាប៊ឺយ៉ាការ៉ុម៣បាំង។

២. ខាន់ ចេសា ជាកីឡាការិនីជឺជីតស៊ូឆ្នើមមួយរូបបានមេដាយមាស បន្ទាប់ពីបានឃ្លេជើងកីឡាការិនីហ្វីលីពីនឲ្យសុំចុះចាញ់ លើវិញ្ញាសាទម្ងន់៥២គីឡូក្រាម។ កាលពីឆ្នាំ២០១៩កីឡាការិនីរូបនេះបានឈ្នះមេដាយមាសកីឡាស៊ីហ្គេម និងឆ្នាំ២០១៨ឈ្នះមេដាយមាសកីឡាទ្វីបអាស៊ី។

៣. ប៉ាល់ ឆរស្ម៊ី ជាកីឡាការិនីវ៉ូវីណាមជម្រើសជាតិកម្ពុជាបានឈ្នះមេដាយមាស៤គ្រឿងដែលនេះជាការសម្រេចបានជោគជ័យលើសពីការរំពឹងទុក៣គ្រឿង។ កីឡាការិនីរូបនេះធ្លាប់បានចូលរួមស៊ីហ្គេមចំនួន៣ដងរួចមកហើយ ដោយការចូលរួមក្នុងមួយលើកទទួលបានត្រឹមមេដាយមួយប៉ុណ្ណោះ។

៤. ពៅ សុខា កីឡាការិនីវ៉ូវីណាមជម្រើសជាតិកម្ពុជាបានមេដាយមាស៣គ្រឿងក្នុងកីឡាស៊ីហ្គេម លើកទី៣២ ឆ្នាំ២០២៣។ កីឡាការិនីរូបនេះទទួលបានមេដាយមាសទី១ លើវិញ្ញាសាមេគុណដាវក្រុមនារី៥នាក់ ទី២លើវិញ្ញាសាក្រុមបុរសបួននាក់ នារីបីនាក់ និងទី៣ វិញ្ញាសាក្រុមដាវនារីពីរនាក់៕