កីឡា
វៀតណាមនឹងបញ្ជូនអត្តពលិកជិត២០០នាក់មកប្រកួតអាស៊ានប៉ារ៉ាហ្គេមនៅកម្ពុជា
អត្តពលិកជនពិការវៀតណាម បានត្រៀមខ្លួនរួចជាស្រេចសម្រាប់ព្រឹត្តិការណ៍កីឡាអាស៊ានប៉ារ៉ាហ្គេម លើកទី១២ បន្ទាប់ពីបានរៀបចំពិធីជូនដំណើរអត្តពលិកកាលពីថ្ងៃពុធ នៅទីក្រុងហូជីមិញ។
ការប្រកួតកីឡាជនពិការថ្នាក់តំបន់ដ៏ធំបំផុតនឹងប្រព្រឹត្តទៅនៅថ្ងៃទី០៣ ដល់ថ្ងៃទី០៩ ខែមិថុនា នៅរាជធានីភ្នំពេញ។
ប្រតិភូវៀតណាម ប្រមូលផ្តុំសមាជិកចំនួន ១៦៤នាក់ ក្នុងនោះមានអត្តពលិក ១២៥នាក់ និងមគ្គុទ្ទេសក៍ ២រូប គ្រូបង្វឹក ២១នាក់ រួមទាំងមន្ត្រី និងបុគ្គលិកចំនួន ១៦នាក់។
ពួកគេនឹងចូលរួមប្រកួតក្នុង ៨ប្រភេទកីឡា ក្នុងចំណោមកីឡា ១៣ប្រភេទ ដែលរៀបចំនៅក្នុងព្រឹត្តិការណ៍លើកនេះ។ កីឡាទាំងនោះមានដូចជា អត្តពលកម្ម ហែលទឹក លើកទម្ងន់ វាយសី វាយកូនឃ្លីលើតុ អុក យូដូ និងប៊ូស្យា។
លោក Nguyen Hen Minh នាយបេសកជនវៀតណាមបានមានប្រសាសន៍ថា ៖«បន្ទាប់ពីជោគជ័យរបស់យើងពីការប្រកួតមុនៗ និងការបំផុសគំនិតដោយសមិទ្ធផលរបស់គណៈប្រតិភូវៀតណាមនៅស៊ីហ្គេម លើកទី៣២ អត្តពលិកជនពិការវៀតណាម នឹងយកឈ្នះលើកីឡាក្នុងតំបន់ប្រកបដោយស្មារតី និងការប្តេជ្ញាចិត្តខ្ពស់»។
លោកបានបន្តទៀតថា ៖«នេះមិនត្រឹមតែជាព្រឹត្តិការណ៍កីឡាប៉ុណ្ណោះទេ ប៉ុន្តែជាព្រឹត្តិការណ៍វប្បធម៌ដែលដើរតួនាទីយ៉ាងសំខាន់ក្នុងការពង្រឹងទំនាក់ទំនងល្អ មិត្តភាព សាមគ្គីភាព និងការយោគយល់គ្នារវាងប្រទេសក្នុងតំបន់អាស៊ាន។ ព្រឹត្តិការណ៍កីឡានេះនឹងប្រមូលផ្តុំអត្តពលិកប៉ារ៉ាខ្លាំងបំផុត ដែលពួកគេនឹងបង្ហាញពីឆន្ទៈដ៏វិសេសវិសាលរបស់ពួកគេ។ ទំនុកចិត្ត និងថាមពលដើម្បីជម្នះការលំបាកក្នុងជីវិត ដើម្បីអនុវត្ត និងប្រកួតប្រជែង។ ទន្ទឹមនឹងនោះ ពួកគេអាចបញ្ជាក់ពីបំណងប្រាថ្នារបស់ពួកគេក្នុងការឈ្នះ សមាហរណកម្ម និងរួមចំណែកដល់កីឡាជាតិ»។
ក្នុងការប្រកួតកីឡាអាស៊ានប៉ារ៉ហ្គេមលើកមុន នៅប្រទេសឥណ្ឌូណេស៊ី កាលពីឆ្នាំមុន ម្ចាស់ផ្ទះឈរលេខ១ពីការឈ្នះមេដាយសរុប១៧៥មាស ថៃឈរលេខ២ មានមេដាយមាស១១៧ និងវៀតណាមនៅលេខ៣ ឈ្នះមេដាយមាស ៦៥គ្រឿង៕
ប្រែសម្រួល៖ មន្នីរ័ត្ន
ប្រភព៖ vietnamnews.vn
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង