កីឡា
គ្រូកម្ពុជា Félix Dalmás រៀបរាប់ពីការប្រកួតចាញ់បង់ក្លាដែសយប់មិញ
ក្រុមជម្រើសជាតិកម្ពុជាបានចាញ់ជម្រើសជាតិបង់ក្លាដែសដោយលទ្ធផល ០-១ ក្នុងជំនួបមិត្តភាពអន្តរជាតិ ក្រោមក្រសែភ្នែកទស្សនិជកជិត៣ម៉ឺននាក់នៅពហុកីឡដ្ឋានជាតិអូឡាំពិកយប់ថ្ងៃទី១៥ ខែមិថុនា ឆ្នាំ ២០២៣។
ក្នុងសន្នីសីទសារព័ត៌មានក្រោយចប់ការប្រកួត លោក Félix Dalmás គ្រូបង្វឹកកម្ពុជាបាននិយាយថា៖«សម្រាប់ខ្ញុំរឿងជំហរ និងទីតាំងគឺកីឡាករយើងធ្វើបានល្អ។ នៅតំបន់ការពារគឺកម្ពុជាបានបង្កើតកំហុសមួយ។ ខ្ញុំត្រូវការអភិវឌ្ឍបន្ថែម។ ចំពោះការបង្កើតឱកាស និងការបំលាស់ទីគឺយើងធ្វើបានល្អ ដោយពេលបាត់បាល់ព្យាយាមដេញដណ្ដើមយកបាល់មកវិញ។ នេះហើយគឺជាតាំងចិត្ត និងជាឆន្ទៈកើតចេញពីបេះដូងកីឡាករផ្ទាល់»។
ជាក់ស្តែងទម្រង់លេងរបស់កម្ពុជាគាបសង្កត់ និងដាក់សម្ពាធខ្លាំងលើបង់ក្លាដែសដែលព្យាយាមលេងការពារ និងវាយបកម្តងម្កាលប៉ុណ្ណោះ ប៉ុន្តែកម្ពុជាហាក់គ្មានសំណាង និងធ្វើមិនបានល្អនៅតំបន់ប្រយទ្ធ។
លោក Félix Dalmás បាននិយាយថា៖«សម្រាប់ខ្ញុំផ្ទាល់គឺខ្ញុំចង់ឈ្នះ ជាពិសេសការប្រកួតនេះ កម្ពុជាគួរតែឈ្នះ»។ នេះក៏ជាការធ្វើតេស្តកីឡាករសាជាថ្មី បន្ទាប់ពីលោកចូលដឹកនាំសាថ្មី ហើយលោកបានប្តេជ្ញាដឹកនាំកូនក្រុមឆ្ពោះទៅរកភាពរីកចម្រើន និងស្វែងរកឲ្យបានលទ្ធផលល្អប្រសើរដើម្បីតបស្នងដល់ទំហំទឹកចិត្តរបស់អ្នកគាំទ្រ។
កម្ពុជាចាញ់ពិតមែន ប៉ុន្តែបើសង្កេតមើលលើទម្រង់លេងរបស់កម្ពុជាគឺគាបសង្កត់លើបង់ក្លាដែសច្រើន។ ជាពិសេសនៅវគ្គទី២ នៅពេលដាក់ លឹម ពិសុទ្ធ និង ចាន់ វឌ្ឍនាកា ចូល។
ទោះបីជាយ៉ាងណា លោកគ្រូបង្វឹកកម្ពុជារូបនេះបានចាប់អារម្មណ៍ទៅលើរបៀបលេងរបស់បង់ក្លាដែសដែលបង្កឲ្យមានបញ្ហា និងពន្យារពេលវេលាច្រើន។ លោកបាននិយាយថា ៖«ពេលខ្លះបាល់ទាត់គឺអយុត្តិធម៌។ ប្រកួតនេះ បើមានវីដេអូ VAR ប្រហែលជាកីឡាករបង់ក្លាដែសខ្លះត្រូវបានបណ្តេញចេញពីលាន។ ពួកគេបង្កកំហុស អូសបន្លាយពេលវេលា មើលទៅអាក្រក់ តែនេះហើយជាបាល់ទាត់»។
អ្វីដែលធ្វើឲ្យអ្នកគាំទ្ររាប់ម៉ឺននាក់ចាប់អារម្មណ៍នោះ គឺការលេងកីឡាករខ្សែបម្រើការពារកណ្តាលចាស់វស្សា គួច សុកុម្ភៈ វ័យ ៣៦ឆ្នាំនៅតែល្អ។ គ្រូបង្វឹករូបនេះបាននិយាយថា ប្រធានក្រុមរូបនេះល្អទាំងនៅលើទីលាន និងក្រៅទីលានដែលស័ក្តិមសជាកីឡាករគំរូសម្រាប់ក្មេងជំនាន់ក្រោយ។
នេះជាការចាញ់លើកទី៥របស់កម្ពុជាទល់នឹងបង់ក្លាដែស បន្ទាប់ពីធ្លាប់ជួបគ្នា៦លើកគឺស្មើ១ និងចាញ់៥ ដូច្នេះកម្ពុជានៅតែរក្សាកំណត់ត្រាមិនឈ្នះលើក្រុមជម្រើសជាតិមួយនេះ៕
អត្ថបទ៖ ផា រតនា
-
ព័ត៌មានអន្ដរជាតិ១៧ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ