កីឡា
ប្រធាន UEFA ទទួលស្គាល់ការប្រកួតវគ្គផ្តាច់ព្រ័ត្រ UCL 2023 មិនល្អគ្រប់គ្រាន់
ប្រធានសហព័ន្ធកីឡាបាល់ទាត់អឺរ៉ុប (UEFA) លោក Aleksander Ceferin បានទទួលស្គាល់ពីការប្រកួតទាំងអស់មិនមែនសុទ្ធតែល្អឥតខ្ចោះនោះទេ ក្រោយអ្នកគាំទ្ររិះគន់អំពីការប្រកួតវគ្គផ្តាច់ព្រ័ត្រ Champions League ឆ្នាំ២០២៣ នៅទីក្រុង អ៉ិស្តង់ប៊ុល។
តាមសេចក្តីរាយការណ៍ថា អ្នកគាំទ្របានតម្រង់ជួរដើរចម្ងាយឆ្ងាយតាមដងផ្លូវដ៏មមាញឹកដោយចំណាយពេលច្រើនម៉ោងដើម្បីឆ្ពោះទៅកីឡដ្ឋាន ដែលធ្វើឲ្យពួកគេជួបការលំបាក នឿយហត់ អស់កម្លាំង អត់មានទឹកគ្រប់គ្រាន់ដើម្បីទស្សនាការប្រកួតវគ្គផ្តាច់ព្រ័ត្រដែល Manchester City បានយកឈ្នះ Inter Milan ១-០ កាលពីថ្ងៃទី១០ ខែមិថុនា។
អ្នកគាំទ្របាល់ទាត់អឺរ៉ុបកំពុងប្រមូលគណនីអ្នកគាំទ្រពីទីក្រុងអ៉ិស្តង់ប៊ុលដើម្បីបង្ហាញរបាយការណ៍ទៅស្ថាប័នគ្រប់គ្រងកីឡាបាល់ទាត់ទ្វីបអឺរ៉ុប UEFA។ ករណីបែបនេះ UEFA ធ្លាប់បានសុំទោសម្តងហើយ បន្ទាប់ពីអ្នកគាំទ្រ Liverpool បានសរសេរសារ និងសម្រក់ទឹកភ្នែកមុនការប្រកួតវគ្គផ្តាច់ព្រ័ត្រកាលពីឆ្នាំមុននៅទីក្រុងប៉ារីស។
លោក Ceferin បាននិយាយថា ៖«ការប្រកួតវគ្គផ្តាច់ព្រ័ត្រដ៏សំខាន់ផ្សេងទៀតរបស់ UEFA ទាំងការប្រកួតបុរស និងស្ត្រីបានប្រព្រឹត្តទៅដោយគ្មានបញ្ហា»។
«សម្រាប់ការរៀបចំឆ្នាំ២០២៤ នៅកីឡដ្ឋាន Wembley ធ្វើជាម្ចាស់ផ្ទះសម្រាប់ការប្រកួតវគ្គផ្តាច់ព្រ័ត្រ Champions League និងប្រទេសអាឡឺម៉ង់ធ្វើជាម្ចាស់ផ្ទះជើងឯកទ្វីបអឺរ៉ុប នឹងក្លាយជាបទពិសោធថ្មីពិសេស សម្រាប់អ្នកគាំទ្របាល់ទាត់»។ លោកបានបញ្ជាក់។
កាលពីដើមសប្តាហ៍នេះ ក្រុម West Ham បង្ខំចិត្តឈប់លក់សំបុត្រដល់អ្នកគាំទ្រសម្រាប់ការប្រកួតក្នុងពូល Europa League លើកដំបូងរបស់ពួកគេនៅរដូវកាលក្រោយ ដោយសារអាកប្បកិរិយារបស់អ្នកគាំទ្រនៅវគ្គផ្តាច់ព្រ័ត្រ Europa Conference League នៅទីក្រុង Prague ។
អាជ្ញាកណ្តាលរបស់ Premier League លោក Anthony Taylor ក៏ត្រូវបានយាយីដោយពាក្យសំដីមិនល្អនៅឯអាកាសយានដ្ឋានក្នុងទីក្រុង Budapest កាលពីខែមុន បន្ទាប់ពីការប្រកួតវគ្គផ្តាច់ព្រ័ត្រ Europa League។
រាល់ការប្រកួតតែងមានបញ្ហា និងសកម្មភាពអសកម្មថ្មីជាច្រើនដែលបានកើតឡើង ប៉ុន្ដែសម្រាប់ថ្នាក់ដឹកនាំកំពូលៗក្នុងការរៀបចំព្រឹត្តិការណ៏ធំៗក៏បានព្យាយាមកែប្រែចំពោះបញ្ហាដែលបានកើតឡើងជាហូរហែដើម្បីធ្វើយ៉ាងណាឲ្យកាន់តែមានភាពល្អប្រសើរ៕
ប្រែសម្រួល៖ ផា រតនា
ប្រភព៖ BBC
-
ព័ត៌មានអន្ដរជាតិ៣ ថ្ងៃ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
KPT+២ ថ្ងៃ ago
ខ្លះៗពីទិវាកុហក ១ មេសា ឬ April Fools’ Day
-
ព័ត៌មានជាតិ៣ ថ្ងៃ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ចរាចរណ៍៥ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ២ ថ្ងៃ ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
ព័ត៌មានអន្ដរជាតិ១ ថ្ងៃ ago
អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល
-
ព័ត៌មានអន្ដរជាតិ១ សប្តាហ៍ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore
-
ព័ត៌មានជាតិ១ សប្តាហ៍ ago
ផ្លូវប្របមាត់ព្រែកពីគល់ស្ពានថ្មីដល់ស្ពានចាស់ រួមជាមួយសួនកម្សាន្ត និងលេចរូបរាងឆាប់ៗក្នុងខេត្តកំពត