កីឡា

យុវជនខ្មែរ-បារាំង Loic Chan ប្តេជ្ញាខំប្រឹងដើម្បីឱកាសជាប់ក្រុមកម្ពុជាលើកក្រោយ

បានផុស

៣ years មុន

នៅ

ថ្ងៃពុធ ១៦ សីហា ២០២៣

ដោយ

យុវជនខ្មែរ-បារាំង Loic Chan ពិតជាមានមោទនភាពខ្លាំង បើទោះបីជាបានស្ថិតនៅជាក្រុមបាល់ទាត់ជម្រើសជាតិកម្ពុជាអាយុក្រោម២៣ឆ្នាំត្រឹមរយៈពេលខ្លីក្នុងពេលធ្វើតេស្តជ្រើសរើសកីឡាករត្រៀមប្រកួតជើងឯកយុវជនអាស៊ាន 2023 AFF U23 Championship នៅប្រទេសថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Loic Chan មិនបានជាប់ឈ្មោះក្នុងបញ្ជី២៣នាក់ចុងក្រោយទេ បន្ទាប់ពីរូបគេបានចូលរួមធ្វើតេស្ត និងហ្វឹកហាត់ជាមួយក្រុមជម្រើសជាតិជាងមួយសប្តាហ៍។ លោក Maurice Chan ដែលជាតារាសម្តែងក្បាច់គុនជនជាតិខ្មែរនៅហូលីវូដបានប្រាប់សារព័ត៌មាន«កម្ពុជាថ្មី»ថា កូនប្រុសរបស់លោកបានជាប់បញ្ជីឈ្មោះ២៣នាក់ចុងក្រោយដើម្បីធ្វើដំណើរទៅប្រទេសថៃទេ ពីព្រោះមិនមានឯកសារគ្រប់គ្រាន់។

ទោះបីជាកូនប្រុសរបស់លោកអាយុ១៨ឆ្នាំមិនបានជាប់២៣នាក់ចុងក្រោយ ក៏យុវជនមកពីក្លិបអេស្ប៉ាញ RCD Mallorca មានមោទនភាពដែលទទួលបានឱកាសជាមួយជម្រើសជាតិក្នុងរយៈប្រហែលជាពីរសប្តាហ៍ ហើយលោកពិតជាអរគុណយ៉ាងខ្លាំងចំពោះសហព័ន្ធកីឡាបាល់ទាត់កម្ពុជាដែលខំប្រឹងជួយប្រែង។

លោក Maurice Chan បាននិយាយថា ៖«ខ្ញុំចង់ប្រាប់ថា កូន Loic ពិតជារីករាយខ្លាំងដែលទទួលបានបទពិសោធក្នុងរយៈពេលខ្លីជាមួយក្រុមជម្រើសជាតិ U23 កម្ពុជា។ ខ្ញុំសូមអរគុណដល់សហព័ន្ធកីឡាបាល់ទាត់កម្ពុជា ក្រុមការងារគ្រូ និងកីឡាករដែលបានខំប្រឹង ជួយជ្រោមជ្រែង និងផ្តល់ឲ្យកូនខ្ញុំមានការជឿជាក់»។

លោកបានបន្តថា ៖«យើងខ្ញុំដឹងថា សហព័ន្ធបានប្រឹងប្រែងអស់លទ្ធភាពហើយដើម្បីឲ្យមាន Loic ជាមួយក្រុមជម្រើសជាតិ ហើយខ្ញុំពិតជាអរគុណខ្លាំងណាស់។ Loic នឹងខិតប្រឹងប្រែងហ្វឹកហាត់ខ្លាំងនៅប្រទេសបារាំង និងសង្ឃឹមថា ថ្ងៃណាមួយ គាត់អាចតំណាងឲ្យជម្រើសជាតិកម្ពុជា»។

«Loic ពិតជាមានមោទនភាពណាស់ដែលទទួលបានឱកាសនៅជាមួយក្រុមជម្រើសជាតិមួយរយៈពេលខ្លី និងសូមអរគុណច្រើនចំពោះប្រជាជនកម្ពុជាដែលបានគាំទ្រ»។ លោកបានសង្កត់ធ្ងន់។

នៅព្រឹកថ្ងៃទី១៥ ខែសីហានេះ យុវជន Loic Chan មានវត្តមានជាមួយក្រុម U23 កម្ពុជានៅអាកាសយានដ្ឋានអន្តរជាតិភ្នំពេញនៅពេលក្រុមកម្ពុជាធ្វើដំណើរទៅប្រទេសថៃដើម្បីប្រកួតក្នុងពានរង្វាន់ AFF U23 Championship 2023 នៅថ្ងៃទី១៧ ខែសីហា។

យុវជនខ្មែរ-បារាំង Loic Chan បានចាប់ផ្តើមហ្វឹកហាត់ និងលេងបាល់ទាត់តាំងពីអាយុ៥ឆ្នាំ។ រូបគេបានលេងក្រុម៣ផ្សេងគ្នានៅប្រទេសបារាំងគឺ Revel រយៈពេល៣ឆ្នាំ ក្រុម Castelnaudary រយៈពេល៤ មុនពេលផ្លាស់ទៅលេងឲ្យក្រុម Balma SC រយៈពេល២ឆ្នាំកន្លះ និងបច្ចុប្បន្នជាយុវជនអាយុក្រោម១៨ឆ្នាំរបស់ក្រុម RCD Mallorca នៅប្រទេសអេស្ប៉ាញ៕

អត្ថបទ៖ វីរបុត្រ

Related Topics:ក្រុមបាល់ទាត់ជម្រើសជាតិកម្ពុជា Loic Chan

ព័ត៌មានអន្ដរជាតិ២៣ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា