កីឡា
ចាម៉ៃកា ផ្តល់ឱកាស Greenwood ប្តូរសញ្ជាតិពីអង់គ្លេសដើម្បីអាជីពជាមួយជម្រើសជាតិ
ប្រទេសចាម៉ៃការបានផ្តល់ឱកាសឲ្យកីឡាករ Mason Greenwood ប្តូរសញ្ជាតិពីអង់គ្លេសដើម្បីចូលរួមជាមួយក្រុមបាល់ទាត់ជម្រើសជាតិចាម៉ៃកា បន្ទាប់ពី រូបគេត្រូវបានចោទប្រកាន់ពីបទរំលោភសេពសន្ថវៈ និងរំលោភបំពានផ្លូវភេទពីខែមករា ឆ្នាំ២០២២។
យ៉ាងណាកាលពីខែកុម្ភៈ ឆ្នាំ២០២៣ ការចោទប្រកាន់ទាំងអស់ប្រឆាំងនឹងរូបគេត្រូវបានលើកលែងដោយសារ “ការដកសាក្សីសំខាន់ៗ” និង “ការលេចឡើងនៃភស្តុតាងថ្មី” ។ ចាប់តាំងពីពេលនោះមក ការរំពឹងទុកថា រូបគេនឹងត្រលប់មកកាន់ទីលាន Old Trafford វិញ និងចាប់ផ្ដើមមានអារម្មណ៍ថា កីឡាករវ័យ២១ឆ្នាំរូបនេះអាចនឹងត្រូវបានគេឃើញពាក់អាវរបស់ United ម្តងទៀត។ ទោះជាយ៉ាងណា នៅពេលមានព័ត៌មានថា Man Utd អាចនឹងពិចារណាការត្រលប់មកវិញ វាត្រូវបានមហាជនប្រតិកម្មប្រឆាំងយ៉ាងខ្លាំង។
បន្ទាប់ពីការរំពឹងទុកជាច្រើនសប្តាហ៍ និងការស៊ើបអង្កេតផ្ទៃក្នុងរបស់ United អស់រយៈពេល៦ខែ វាត្រូវបានគេបង្ហាញថា ក្លិប និងកីឡាករនឹងត្រូវចែកផ្លូវគ្នា ដោយសារប្រវត្តិរបស់ខ្សែប្រយុទ្ធត្រូវបានគេចាត់ទុកថាមិនសមនឹងទំនាក់ទំនងជាមួយក្លិប។ លើសពីនោះ ការត្រួតពិនិត្យជាសាធារណៈ និងប្រព័ន្ធផ្សព្វផ្សាយខ្លាំងៗនឹងធ្វើឱ្យប៉ះពាល់ដល់អាជីពកីឡាករឡើងវិញ។
ចាប់តាំងពីការប្រកាសថា នឹងចាកចេញពីក្លិប រូបគេត្រូវបានភ្ជាប់ទំនាក់ទំនងនឹងការចង់បានពីក្លិបដូចជា A.S Roma និងក្លិប Saudi Al-Ettifaq។ យ៉ាងណាមិញ ក្លិបទាំងពីរបានចេញមកនិយាយជាសាធារណៈថា ព័ត៌មាននេះគ្រាន់តែជាពាក្យចចាមអារ៉ាមប៉ុណ្ណោះ ដោយ Al-Ettifaq ហៅវាថា ព័ត៌មានក្លែងក្លាយ។
Mason Greenwood ក៏មិនត្រូវបានគេរំពឹងថា នឹងត្រូវបានគេមើលឃើញសម្រាប់ក្រុមជម្រើសជាតិអង់គ្លេសរបស់ លោក Gareth Southgate ក្នុង Euro 2024 ខាងមុខឡើយ។ ជាមួយគ្នានេះ សហព័ន្ធបាល់ទាត់ចាម៉ៃកា បានទាក់ទងរូបគេដោយផ្តល់ជូនពីការប្តូរសញ្ជាតិពីអង់គ្លេស ទៅលេងឱ្យចាម៉ៃកាវិញ។ នេះជាលើកទី២ ហើយដែលរូបគេត្រូវបានប្រទេសចាម៉ៃកា ទាក់ទងឲ្យចូលរួមក្នុងក្រុមបាល់ទាត់ជម្រើសជាតិរបស់ខ្លួន បន្ទាប់ពីលើកទី១កាលពីឆ្នាំ២០២១។
ច្បាប់របស់ FIFA នឹងអនុញ្ញាតឱ្យមានការផ្លាស់ប្តូរ ដោយសារតែ Greenwood បានបង្ហាញមុខប្រកួតប្រជែងត្រឹមតែ១ដងប៉ុណ្ណោះឲ្យក្រុមបាល់ទាត់ជម្រើសជាតិអង់គ្លេស។
Greenwood មានកំណើតនៅទីក្រុង Bradford ប្រទេសអង់គ្លេស ប៉ុន្តែគ្រួសាររបស់ខ្លួនមានឈាមជ័រជាចាម៉ៃកា៕
ប្រែសម្រួល៖ មន្នីរ័ត្ន
ប្រភព៖ mirror.co.uk
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ