កីឡា
សៀង ចន្ធា«បង្ហាញសញ្ញាវិជ្ជមានសម្រាប់ជម្រើស១១នាក់ដំបូង»នៅកាតារ
ខ្សែប្រយុទ្ធ សៀង ចន្ធា បានបង្ហាញផលវិជ្ជមានសម្រាប់អាជីពបាល់ទាត់របស់ខ្លួនដែលបានចូលរួមជាមួយក្លិប Al Shahaniya FC នៃលីគទី២របស់ប្រទេសកាតាររយៈពេលប្រហែលជាងមួយខែកន្លងទៅ។
ខ្សែប្រយុទ្ធលេខ៩បានត្រឡប់មកដល់ប្រទេសកម្ពុជានៅល្ងាចថ្ងៃចន្ទ ទី៤ ខែកញ្ញា ឆ្នាំ២០២៣ ដើម្បីចូលរួមជាមួយក្រុមបាល់ទាត់ជម្រើសជាតិកម្ពុជាត្រៀមប្រកួតមិត្តភាពអន្តរជាតិជាមួយ ហុងកុង ទី៧ ខែកញ្ញា និងម៉ាកាវ នៅថ្ងៃទី១១ ខែកញ្ញា។
សៀង ចន្ធា បានរៀបរាប់ថា នៅក្លិបថ្មី រូបគេជួបបញ្ហាប្រឈមច្រើនដូចជា ពេលវេលាខុសម៉ោងគ្នានឹងកម្ពុជា។ របៀបនៃការស្នាក់នៅ ម្ហូបអាហារ និងការហ្វឹកហាត់ដែលខុសប្លែកច្រើនពីកម្ពុជា។
«ពីដំបូង ធ្វើឲ្យខ្ញុំទ្រុឌទ្រោម អត់សូវមានកម្លាំង។ នៅខ្មែរ ញាំច្រើនកម្លាំងពេញ តែនៅទីនោះអត់សូវបានញាំ ធ្វើឲ្យមិនសូវមានកម្លាំង។ ខ្ញុំបានប្រាប់ក្រុមការងារគ្រូបង្វឹកដែរ ហើយពួកគាត់ជួយសម្របសម្រួល និងចាត់ចែងឲ្យខ្ញុំបានល្អដែរ»។ សៀង ចន្ធា បានរៀបរាប់។
កីឡាករបន្តថា ៖«មិនត្រឹមតែគ្រូធំទេ សូម្បីក្រុមការងារគ្រូបង្វឹកទាំងអស់តែងតែផ្តល់មតិយោបល់ ពីព្រោះខ្ញុំជាកីឡាករថ្មី យើងមិនទាន់យល់ច្បាស់ពីបច្ចេកទេសរបស់ក្រុម បច្ចេកទេសលេងនៅលើទីលាន ពួកគាត់តែងតែប្រាប់បានច្រើន»។
តាមរយៈការខិតខំប្រឹងប្រែង និងសម្របខ្លួនតាមក្លិបថ្មី សៀង ចន្ធា តែងតែទទួលបានការដាក់ឲ្យចូលលេងទាំងការប្រកួតមិត្តភាព និងពានរង្វាន់។ ជាពិសេសការប្រកួតផ្លូវការចុងក្រោយកាលពីថ្ងៃទី៣ ខែកញ្ញា រូបគេត្រូវបានប្តូរចូលក្នុងវគ្គទី២ និងរកបាន១គ្រាប់ដែលជាគ្រាប់បាល់ដំបូង។
សៀង ចន្ធា បាននិយាយថា ៖«នេះជាទំនុកចិត្តមួយចំពោះអ្វីដែលខ្ញុំខំប្រឹង។ ខ្ញុំទទួលបានផលប៉ុណ្ណឹងគឺជាសញ្ញាវិជ្ជមានសម្រាប់ខ្លួនខ្ញុំផ្ទាល់ដើម្បីអភិវឌ្ឍខ្លួន និងបង្ហាញសមត្ថភាពពិតប្រាកដដើម្បីឱកាសជម្រើស១១នាក់ដំបូង។ ខ្ញុំគិតថា ប្រសិនបើខ្ញុំចំណាយពេលយូរបន្តិចទៀត ខ្ញុំកាន់តែធ្លាប់នឹងស្ថានភាពនៅទីនោះ ខ្ញុំអាចនឹងទទួលបានការបង្ហាញខ្លួនជម្រើស១១នាក់ដំបូងច្រើន»។
ទោះបីជាយ៉ាងណា សៀង ចន្ធា បានសង្កត់ធ្ងន់ថា នៅទីនោះមានការហ្វឹកហាត់ធ្ងន់ជាងនៅកម្ពុជា ហើយកីឡាករម្នាក់សុទ្ធតែប្រឹងប្រែងដើម្បីឱកាសបង្ហាញខ្លួនលើទីលានដូចគ្នា។ ជាពិសេសក្នុងនាមជាកីឡាករបរទេស រូបគេត្រូវតែមានសមត្ថភាព គុណភាព និងកម្រិតលេងមិនឲ្យក្រោមកីឡាករក្នុងស្រុកឡើយ៕
អត្ថបទ៖ វីរបុត្រ
-
ព័ត៌មានអន្ដរជាតិ១៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ