Connect with us

កីឡា

មីយ៉ាន់ម៉ាភ្ញាក់ផ្អើលនឹងគុនខ្មែរល្បី​សុះ​សាយលឿន៣ឆ្នាំចុងក្រោយ

បានផុស

នៅ

ប្រជាជន​មីយ៉ាន់ម៉ា និង​ថ្នាក់​ដឹក​នាំ​សហព័ន្ធ​កីឡា​ប្រដាល់​ Lethwei បាន​ភ្ញាក់​ផ្អើល​នឹង​កីឡា​ប្រដាល់​គុន​ខ្មែរ​បាន​រីក​ចម្រើន និង​មាន​កេរ្តិ៍​ល្បី​សុះ​សាយ​ខ្លាំង​លើ​ឆាក​អន្តរ​ជាតិ​ក្នុង​រយៈ​ពេល​ប្រមាណ​៣​ឆ្នាំ​ចុង​ក្រោយ​។

លោក គីម ថូមី អ្នករៀបចំកម្មវិធីប្រដាល់នៅសង្វៀនទូរទស្សន៍ថោនបានអញ្ជើញទៅភ្ជាប់ការទំនាក់ទំនងជាមួយសហព័ន្ធកីឡាប្រដាល់ Lethwei មីយ៉ាន់ម៉ាដើម្បីជំរុញផ្សព្វផ្សាយ និងបង្កើនកិច្ចសហប្រតិបត្តិការរវាងប្រទេសទាំងពីរ ជាពិសេសផ្តោតលើការងារកីឡាប្រដាល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបាន​និយាយថា ៖«ការប្រជុំជាមួយសហព័ន្ធ Lethwei ភូមា ទទួលបានផ្លែផ្កាជាទីគាប់ប្រសើរ ក្នុងនោះការជួបទំនាក់ទំនង ជាមួយអគ្គលេខាធិការសហព័ន្ធ ប្រធានសហព័ន្ធ និងតំណាងមន្ត្រីទទួលបន្ទុកសហព័ន្ធកីឡា Lethwei»។

«អ្វីដែលរំភើបជាងគេ ពួកគេសប្បាយចិត្តដែលបានចូលរួមស៊ីហ្គេមនៅកម្ពុជា ដែលការចំណាយទាំងអស់របស់ពួកគេ គឺរដ្ឋាភិបាលប្រទេសកម្ពុជា​មានសម្តេចតេជោ ហ៊ុន សែន ជាអ្នករ៉ាប់រង។ គេនិយាយថា ប្រទេសកម្ពុជាហ្វ្រីម្ហូបអាហារ ការស្នាក់នៅ ហើយនៅឲ្យមេដាយមាសត្រឡប់មកស្រុកវិញទៀត»។ លោកបានរៀបរាប់។

លោក ថូមី បញ្ជាក់ថា ៖«សំខាន់ខាងសហព័ន្ធកីឡា Lethwei ភ្ញាក់ផ្អើលមែនទែន ជាពិសេសរយៈពេល៣ឆ្នាំចុងក្រោយនេះ គុនខ្មែរគឺហក់ឡើងយ៉ាងខ្លាំង…។ កីឡាករ ធឿន ធារ៉ា និង ព្រំ សំណាង កំពុងល្បី ហើយ​​នៅមីយ៉ាន់ម៉ាតាមដានមើលតាំងពីចំណុចខ្លាំង និងចំណុចខ្សោយរបស់កីឡាករយើង…។ អីចឹងមានតែប្រឹងហាត់បន្ថែម កុំឲ្យគេខកចិត្តពេលគេមកប៉ះនឹងយើង»។

ការ​ចាប់​អារម្មណ៍​ និង​ភ្ញាក់​ផ្អើល​បែប​នេះ បន្ទាប់​ពី​ប៉ុន្មាន​ឆ្នាំ​ចុង​ក្រោយ​មាន​កីឡាករ​ប្រដាល់​ជា​ច្រើន​បាន​ចេញ​ទៅ​ប្រកួត​នៅ​ក្រៅ​ប្រទេស ក្នុង​នោះ​ក៏​មាន​កីឡាករ​ប្រដាល់​គុន​ខ្មែរ​ទៅ​ប្រទេស​នៅ​មីយ៉ាន់ម៉ា​ដែរ។ ជា​ពិសេស​នៅ​ពេល​ប្រដាល់​គុន​ខ្មែរ​ត្រូវ​បាន​ដាក់​បញ្ចូល​ក្នុង​កីឡា​​ស៊ីហ្គេម​ លើក​ទី​៣២ ឆ្នាំ​២០២៣ ដែល​មាន​ប្រទេស​អាស៊ាន​​ជា​ច្រើន​ចូល​រួម​ប្រកួត​ដណ្តើម​មេដាយ។

តាមកិច្ចសហព័ន្ធការរបស់លោក គីម ថូមី ទំនងជានាំយកកីឡាករមីយ៉ាន់ម៉ាមកប្រកួតនៅប្រទេសកម្ពុជា ហើយក៏យកកីឡាករប្រដាល់កម្ពុជាទៅប្រកួតនៅមីយ៉ាន់ម៉ាដែរ។ កាលពីថ្ងៃទី២៥ ខែកញ្ញា លោកបានបង្ហើបឲ្យដឹងថា អាចនឹងចាប់ដៃជាមួយមីយ៉ាន់ម៉ាដើម្បីរៀបចំព្រឹត្តិការណ៍ប្រកួតប្រដាល់ឲ្យល្បីនៅតំបន់អាស៊ាន៕

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៥ នាទី មុន

ទេសរដ្ឋមន្រ្តី លី ធុជ ៖ តាមរយៈការងារបោសសម្អាតមីន មានតែស្នាមញញឹម និងសុភមង្គលរបស់ប្រជាជនកម្ពុជា

ព័ត៌មានជាតិ២៧ នាទី មុន

ផ្អាក​អាជីវកម្ម អាហារដ្ឋាន​បណ្ដោះអាសន្នក្នុងរាជធានីភ្នំពេញ នៅ​ជុំវិញ​មណ្ឌល​ប្រឡង​បាក់​ឌុប រយៈពេល​២​ថ្ងៃ

ព័ត៌មានជាតិ៣២ នាទី មុន

សមាសភាពឧត្ដមក្រុមប្រឹក្សាពិគ្រោះយោបល់ចំនួន១៤៥រូប ត្រូវបានតែងតាំងជាផ្លូវការ

ព័ត៌មានជាតិ១ ម៉ោង មុន

ក្រសួងអប់រំ ប្រជុំបើកបេសកកម្មលើកទី១១ គាំទ្រគម្រោងកែលម្អការអប់រំឧត្តមសិក្សា

ព័ត៌មានជាតិ២ ម៉ោង មុន

លោកបណ្ឌិត តូច ប៉ូលីវ៉ា បើកវេទិកាដោះស្រាយបញ្ហាប្រឈមរបស់ពលរដ្ឋក្នុងស្រុកស្វាយជ្រំ

Sokha Hotels

ព័ត៌មានពេញនិយម