កីឡា
ក្តៅៗ ក្លិប Bali United ប្រកាសកីឡាករ Privat ត្រូវបានកោះហៅចូលជម្រើសជាតិកម្ពុជា
ក្លិបបាល់ទាត់អាជីពរបស់លីគបាល់ទាត់កំពូលឥណ្ឌូណេស៊ី Bali United មុននេះបន្តិចបានប្រកាសពីកីឡាកររបស់ខ្លួន៣រូបត្រូវបានកោះហៅចូលជម្រើសជាតិដើម្បីប្រកួតក្នុងថ្ងៃ FIFA Days ក្នុងនោះមានកីឡាករ Privat Mbarga ត្រូវបានកោះហៅចូលជម្រើសជាតិកម្ពុជា។
តាមព័ត៌មានលេចឮតៗគ្នា កីឡាករ Privat Mbarga អតីតខ្សែប្រយុទ្ធនឹងត្រូវបានផ្តល់សញ្ជាតិកម្ពុជាដើម្បីចូលរួមជាមួយជម្រើសជាតិកម្ពុជា បន្ទាប់ពីកីឡាករជប៉ុន Yudai Ogawa ត្រូវបានប្រកាសផ្តល់សញ្ជាតិជាផ្លូវការកាលពីពេលថ្មីនេះ។
ប៉ុន្តែប៉ុន្មានថ្ងៃមុនមិនត្រូវបានប្រកាសទេដោយសារ Privat ត្រូវមានភារកិច្ចជួយក្រុម Bali United សម្រាប់ការប្រកួតកាលពីថ្ងៃទី៨ ខែតុលា ឆ្នាំ២០២៣ ហើយពេលនេះថ្ងៃចន្ទ ទី៩គឺក្លិបរបស់ឥណ្ឌូណេស៊ីប្រកាសតែម្តង។
ទោះបីជាយ៉ាងណា សហព័ន្ធកីឡាបាល់ទាត់កម្ពុជានៅមិនទាន់ប្រកាសជាផ្លូវការអំពីកីឡាករកាម៉េរូននេះទេ។
Privat អាយុ៣១ឆ្នាំធ្លាប់លេងនៅលីគកំពូលកម្ពុជាជាច្រើនរដូវកាលក្នុងនោះចូលរួមជាមួយបឹងកេតនៅឆ្នាំ២០១៣ ហើយនៅឆ្នាំ២០១៤-១៥ចូលរួមជាមួយ វេស្ទើនយូណាញធីត។ ឆ្នាំ២០១៥-១៦ រូបគេបានចូលរួមជាមួយអង្គរថាយហ្គឺរ និងឆ្នាំ២០១៦-១៧ចូលរួមជាមួយណាហ្គាវើលដ៍មុនពេលផ្លាស់ទៅក្លិបថៃ Samut Prakan ២០១៧-១៨។ ឆ្នាំ២០១៨-១៩ រូបគេបានត្រឡប់មកកម្ពុជាវិញចូលរួមជាមួយអាស៊ីអឺរ៉ុប មុនពេលចូលរួមជាមួយព្រះខ័នរាជស្វាយរៀង៣រដូវកាលគឺ២០១៩-២០២០ និង២០២១ ជាពេលដែលរូបគេឈ្នះស្បែកជើងមាស២ដង និងជាកីឡាករល្អបំផុតប្រចាំរដូវកាល២០១៩ មុនពេលផ្លាស់ទៅ Bali United របស់ប្រទេសឥណ្ឌូណេស៊ីនៅចុងឆ្នាំ២០២១៕
អត្ថបទ៖ វីរបុត្រ
-
ព័ត៌មានអន្ដរជាតិ១៩ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ