កីឡា

ឱកាសល្អសម្រាប់យុវជន ក្លិបព្រះខ័នរាជស្វាយរៀងប្រកាសជ្រើសរើសថ្នាលយុវជន

បានផុស

២ years មុន

នៅ

ថ្ងៃព្រហស្បតិ៍ ២៨ ធ្នូ ២០២៣

ដោយ

ក្លិបបាល់ទាត់ព្រះខ័នរាជស្វាយរៀងបានប្រកាសជ្រើសរើសកីឡាករវ័យក្មេង ដែលមានទេពកោស្យ និងស្រឡាញ់ចូលចិត្តបាល់ទាត់ចាប់ពីអាយុ១០ឆ្នាំទៅ១២ឆ្នាំ អាចចូលរួមធ្វើតេស្តសមត្ថភាពដើម្បីទទួលបានឱកាសបណ្តុះបណ្តាលក្លាយជាកីឡាករបាល់ទាត់អាជីព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្អូនៗនៅខេត្តស្វាយរៀងដែលមានទេពកោស្យ និងចំណងចំណូលចិត្តបាល់ទាត់អាចដាក់ពាក្យដើម្បីចូលរួមតេស្តនៅថ្ងៃទី៧ ខែមករា ឆ្នាំ២០២៤ ចាប់ពីវេលាម៉ោង៩ ដល់១១ព្រឹក នៅតារាងបាល់ទាត់ CRS SPORT។

សម្រាប់លក្ខខណ្ឌក្នុងការចូលរួម យុវជនត្រូវមានសំបុត្រកំណើតចន្លោះឆ្នាំ២០១១ ដល់ ២០១៣ ហើយការចុះឈ្មោះចាប់ផ្តើមទទួលពាក្យពីថ្ងៃទី២៧ ខែធ្នូ ឆ្នាំ២០២៣ និងបញ្ចប់នៅថ្ងៃទី៦ ខែមករា ឆ្នាំ២០២៤។ ចំពោះប្អូនៗដែលជាប់ក្នុងការធ្វើតេស្តនឹងក្លាយជាក្រុមយុវជនរបស់ព្រះខ័នរាជស្វាយរៀងសម្រាប់ការសិក្សារៀនសូត្រ ហ្វឹកហាត់ និងបណ្តុះបណ្តាលបាល់ទាត់លក្ខណៈអាជីព។ ជាពិសេស ពួកគេនឹងបានលេងក្នុងពានរង្វាន់យុវជនផ្សេងៗដើម្បីអភិវឌ្ឍខ្លួនក្លាយជាកីឡាករបាល់ទាត់អាជីព៕