កីឡា

Sacha សម្រេចក្តីស្រមៃលេងឲ្យក្លិប Bayern Munich

បានផុស

២ ខែ មុន

នៅ

ថ្ងៃចន្ទ ២៩ មករា ២០២៤

ដោយ

ក្លិប Bayern Munich បានចុះហត្ថលេខានាំយកខ្សែការពារស្តាំ Sacha Boey ពីក្លិប Galatasaray ក្នុងកិច្ចសន្យារយៈពេល៤ឆ្នាំកន្លះ ដែលមានសុពលភាពរហូតដល់ខែមិថុនា ឆ្នាំ២០២៨ ក្នុងតម្លៃផ្ទេរសរុប៣៥លានអឺរ៉ូ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ Sacha Boey និយាយថា៖ «សុបិនរបស់ខ្ញុំបានក្លាយជាការពិតហើយ។ វាពិតជាមានកិត្តិយសសម្រាប់ខ្ញុំដែលបានលេងឱ្យក្លិបធំដូចជា Bayern។ ខ្ញុំទន្ទឹងរង់ចាំក្នុងការចូលរួមជាមួយក្រុមថ្មី និងបានលេងជាមួយកីឡាករដ៏អស្ចារ្យនាពេលខាងមុខ»។

ខ្សែការពារស្លាបស្ដាំ Sacha Boey ដែលកើតនៅជាយក្រុងប៉ារីស ប្រទេសបារាំង បានចាប់ផ្តើមលេងបាល់ទាត់នៅ FC Romainville និង Red Star FC មុនពេលចូលរួមសាលាបាល់ទាត់ Rennes ក្នុងឆ្នាំ២០១៤។ រូបគេបានបង្ហាញខ្លួនជាលើកដំបូងនៅក្នុង Ligue 1 នៅអាយុ១៨ឆ្នាំកាលពីខែឧសភា ឆ្នាំ២០១៩ ហើយត្រូវបានខ្ចីជើងទៅក្លិប Dijon មុនពេលចុះហត្ថលេខាផ្ទេរទៅកាន់ Galatasaray នៅរដូវកាលឆ្នាំ ២០២១-២២។ កីឡាករសញ្ជាតិបារាំងរូបនេះបានបង្ហាញខ្លួនចំនួន៨៣ប្រកួត ស៊ុតបញ្ចូលទីបាន៤គ្រាប់ និងឈ្នះពានរង្វាន់តួកគី Süper Lig កាលពីរដូវក្តៅមុន។

លោក Christoph Freund នាយកផ្នែកកីឡារបស់ Bayern បានលើកឡើងថា ៖«Sacha Boey ជាខ្សែការពារស្តាំដ៏រហ័ស និងរឹងមាំ ដែលគ្រប់គ្រងបាល់ក្រោមច្រើន។ គាត់ជាកីឡាករដែលអ្នកគាំទ្រចូលចិត្តនៅក្លិបGalatasaray និងបានអភិវឌ្ឍខ្លួនយ៉ាងល្អក្នុងរយៈពេលប៉ុន្មានឆ្នាំចុងក្រោយ ជាមួយក្លិបដែលមានបទពិសោធ Champions League»៕

ប្រែសម្រួល៖ ផា រតនា
ប្រភព៖ Theathletic