Connect with us

កីឡា

អតីតជម្រើសជាតិហូឡង់ម្នាក់ជាប់ពន្ធនាគារ៦ឆ្នាំពីបទជួញដូរគ្រឿងញៀន

បានផុស

នៅ

តុលាការហូឡង់បានកាត់ទោសអតីតខ្សែបម្រើស្លាបក្រុមជម្រើសជាតិ និងសមាជិកក្លិប Ajax កីឡាករ Quincy Promes ឱ្យជាប់ពន្ធនាគាររយៈពេល៦ឆ្នាំពីបទរត់ពន្ធកូកាអ៉ីនជាងមួយពាន់គីឡូក្រាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យម្នាក់បានប្រាប់ AFP ថា កីឡាករវ័យ​៣២ឆ្នាំ​ដែល​លេងឱ្យក្លិប Spartak Moscow មិនមានវត្តមាន​នៅ​​តុលាការដើម្បីស្តាប់សាលក្រម​ឡើយ។ ការប៉ុនប៉ងពីមុនដើម្បីធ្វើបត្យាប័នរូបគេពីទីក្រុងម៉ូស្គូបានបរាជ័យហើយកាលពីថ្ងៃពុធចៅក្រមនៅតុលាការខណ្ឌ Amsterdam បានចេញដីកាសម្រាប់ការចាប់ខ្លួនកីឡាកររូបនេះ។

ក្នុង​ខ្លឹមសារ​សង្ខេប ប្រធានចៅក្រម លោក M. Vaandrager បាននិយាយថា Promes គឺជាគំរូដល់មនុស្សជាច្រើន ជាពិសេសយុវជន ដោយសារ​ទេពកោសល្យបាល់ទាត់របស់គេ។ ចៅ​ក្រម​​បាននិយាយថា ៖«ជនសង្ស័យគឺតែងតែនៅក្នុងព័ត៌មាន, សកម្មនៅលើប្រព័ន្ធផ្សព្វផ្សាយសង្គម និងមានអ្នកគាំទ្រទូទាំងពិភពលោក»។

ចៅក្រមបាននិយាយនៅក្នុងសេចក្តីថ្លែងការណ៍មួយថា ៖«នេះគឺជាការធ្វើឱ្យកាន់តែធ្ងន់ធ្ងរឡើងដោយសារគាត់ព្យាយាមបង្កើនទ្រព្យសម្បត្តិរបស់ខ្លួន…ដោយ​បាន​ចូលរួមក្នុងការជួញដូរគ្រឿងញៀនអន្តរជាតិធំៗ។ តុលាការចាត់ទុកថា ការផ្តន្ទាទោសដាក់ពន្ធនាគាររយៈពេល៦ឆ្នាំគឺសមរម្យ»។

តុលាការបាននិយាយថា Promes ដោយមានជំនួយពីអ្នកសមគំនិតបានរត់ពន្ធកូកាអ៉ីន​សរុបចំនួន ១,៣៦៣គីឡូក្រាមពីប្រទេសប្រេស៊ីល ទៅកាន់ប្រទេសហូឡង់ តាមរយៈកំពង់ផែ Antwerp ក្នុង​ប្រទេសបែលហ្ស៊ិក កាល​ពី​ឆ្នាំ២០២០។ កីឡាករបាល់ទាត់នឹងប្តឹងឧទ្ធរណ៍ប្រឆាំង​ការកាត់ទោសកាលពីថ្ងៃពុធ។

ក្នុង​ករណីដាច់ដោយឡែកមួយ Promes ត្រូវបានកាត់ទោសឱ្យជាប់គុក ១៨ខែរួចហើយ និងបង្គាប់ឱ្យបង់ប្រាក់សំណងសម្រាប់ការចាក់សម្លាប់បងប្អូនជីដូនមួយរបស់គេលើខ្សែកដែលលួច។

គួរដឹងដែរថា Promes ស៊ុតបញ្ចូលទីបាន ៧គ្រាប់ក្នុងការបង្ហាញខ្លួន ៥០លើក សម្រាប់ក្រុមជម្រើសជាតិហូឡង់ និងជាផ្នែកមួយនៃក្រុមដែលបានចាញ់សាធារណរដ្ឋឆេក ក្នុងវគ្គ១៦ក្រុមចុងក្រោយនៃ Euro 2020 ដែលត្រូវបានពន្យារពេលដល់ឆ្នាំ២០២១ ដោយសារតែកូវីដ១៩។

ឆ្នាំ២០១៩ Promes បានចូលរួមជាមួយក្លិបយក្សហូឡង់ Ajax ក្នុងទីក្រុង Amsterdam បន្ទាប់ពីការផ្ទេរ ១៥លានអឺរ៉ូពីក្លិប Sevilla របស់អេស្ប៉ាញ។ ឆ្នាំ២០២១ រូបគេបានចាកចេញពីរដ្ឋធានីហូឡង់ ទៅកាន់ទីក្រុងម៉ូស្គូ ជាកន្លែងដែលចូលលេងឱ្យ Spartak តាំងពីពេលនោះមក៕

ប្រែសម្រួល៖ មន្នីរ័ត្ន
ប្រភព៖ AFP

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៦ ម៉ោង មុន

សហរដ្ឋអាមេរិកនិយាយថា ករណីវាយប្រហារនៅសាលប្រគំតន្ត្រី Crocus City Hall គឺជាការអាម៉ាស់របស់រុស្ស៊ី

ព័ត៌មានជាតិ៧ ម៉ោង មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៩ ម៉ោង មុន

ក្រសួង​ការងារ​នាំ​យក​ប្រាក់​ឈ្នួល និង​ប្រាក់​បំណាច់​ជូន​កម្មករ​រោងចក្រ Y&W ដែល​កំពុង​សម្រាលកូន​ដល់​មន្ទីរពេទ្យ

ព័ត៌មានជាតិ១០ ម៉ោង មុន

ទីតាំងចែកចាយនំបាយក្តាំង និងគ្រឿងសមុទ្របង្កក៣ទីតាំង ត្រូវបានរកឃើញថា គ្មានស្តង់ដារបច្ចេកទេសត្រឹមត្រូវ

ព័ត៌មានជាតិ១០ ម៉ោង មុន

ប្រាង្គអាយុកាលពាន់ឆ្នាំ លើកំពូលភ្នំដងរែក កំពុងចែងចាំង អួតអ្នកទេសចរ អំឡុងព្រឹត្តិការណ៍សមរាត្រី

ព័ត៌មានអន្ដរជាតិ៣ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានជាតិ៧ ម៉ោង មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

កីឡា៤ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៣ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

ព័ត៌មានជាតិ៧ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម