Connect with us

កីឡា

ក្លិបបាល់ទាត់ម៉ិកស៊ិកមួយចុះបញ្ជីផ្សារភាគហ៊ុនរកលុយជួសជុលកីឡដ្ឋានត្រៀម World Cup 2026

បានផុស

នៅ

Club America នឹងក្លាយជាក្លិបបាល់ទាត់ម៉ិកស៊ិកដំបូងគេដែលត្រូវបានចុះបញ្ជីនៅក្នុងផ្សារហ៊ុន ជាមួយ​ប្រាក់មួយចំនួនដែលរៃអង្គាសបានពីការលក់ផ្សារហ៊ុន នឹងទុកសម្រាប់ការជួសជុលកីឡដ្ឋាន Azteca នៅមុនការប្រកួតបាល់ទាត់ពិភពលោក ឆ្នាំ២០២៦ (FIFA World Cup 2026) លើទឹកដីរបស់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមដែលមានមូលដ្ឋាននៅទីក្រុងម៉ិកស៊ិកនឹងត្រូវចុះបញ្ជីនៅផ្សារហ៊ុនម៉ិកស៊ិក (BMV) ក្រោមឈ្មោះក្រុមហ៊ុន Ollamani ដែលគ្រប់គ្រងប្រតិបត្តិការរបស់ក្លិប កីឡដ្ឋាន និងអាជីវកម្មផ្សេងទៀត​ក្រុមហ៊ុនប្រព័ន្ធផ្សព្វផ្សាយ Grupo Televisa។

ភាគហ៊ុននឹងមានតម្លៃដំបូង ២.៥៩ប៉េសូម៉ិកស៊ិក (ប្រហាក់ប្រហែល ០.១៥ដុល្លារ) ដែលជាតម្លៃទាបបំផុតមួយនៅក្នុងទីផ្សារភាគហ៊ុន។ នេះបើយោងតាម BMV នៅក្នុងយុទ្ធសាស្រ្តរបស់ Grupo Televisa ដើម្បីរកហិរញ្ញប្បទានពី ១៥០ដល់១៦០លានដុល្លារ សម្រាប់ការជួសជុលកីឡដ្ឋាននេះ។

Club America ដែលជាក្លិបជោគជ័យបំផុតរបស់ម៉ិកស៊ិក និងជាម្ចាស់ជើងឯក គឺជាក្រុមបាល់ទាត់ដែលមានតម្លៃបំផុតទី១០ នៅអាមេរិកឡាទីន។ យោងតាមបញ្ជីឈ្មោះ Forbes កាលពីឆ្នាំមុន ជាមួយនឹងតម្លៃ ២៥៦.១លានដុល្លារអាមេរិក រួមទាំងកីឡដ្ឋានផងដែរ។

កីឡដ្ឋានដែលសាងសង់រួចរាល់នៅឆ្នាំ១៩៦៦ និងមានកៅអីផ្ទុកទស្សនិកជន ៨៣,២៦៤នាក់មួយនេះ គឺជាកីឡដ្ឋានដំបូងគេដែលធ្វើជាម្ចាស់ផ្ទះការប្រកួត World Cup វគ្គផ្តាច់ព្រ័ត្រចំនួនពីរដង ក្នុងឆ្នាំ១៩៧០ ដោយពេលនោះ លើកពានដោយកីឡាកររបស់ប្រេស៊ីល លោក Pele និងលើកទី២ ក្នុងឆ្នាំ១៩៨៦ លើកពានដោយអាហ្សង់ទីន Diego Maradona។

ការប្រកួតបាល់ទាត់ពិភពលោកឆ្នាំ២០២៦ នឹងត្រូវធ្វើជាម្ចាស់ផ្ទះរួមគ្នាដោយសហរដ្ឋអាមេរិក កាណាដា និងម៉ិកស៊ិក។ ការប្រកួតវគ្គផ្តាច់ព្រ័ត្រនឹងធ្វើឡើងនៅទីក្រុង East Rutherford រដ្ឋ New Jersey។

កីឡដ្ឋាន Azteca នឹងរៀបចំការប្រកួតបើកឆាក ការប្រកួតវគ្គចែកពូលចំនួន២ ផ្សេងទៀត មួយប្រកួតក្នុងវគ្គជម្រុះដំបូង និងមួយប្រកួតក្នុងវគ្គ ១៦ក្រុមចុងក្រោយ៕

ប្រែសម្រួល៖ មន្នីរ័ត្ន
ប្រភព៖ Reuters

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

រដ្ឋមន្ត្រីក្រសួងសាធារណការ​ចេញយន្តការ ៥ ចំណុច ទប់ស្កាត់សកម្មភាពអនាធិបតេយ្យតាម​ដងផ្លូវ

សន្តិសុខសង្គម២ ម៉ោង មុន

អាវុធហត្ថខេត្តបាត់ដំបង ឃាត់ខ្លួនជនសង្ស័យ​២នាក់ ករណីប្រើប្រាស់ឯកសណ្ឋាន និងក្លែងបន្លំឯកសារកងទ័ព

ព័ត៌មានជាតិ២ ម៉ោង មុន

តំណាងកម្ពុជានៅ UN ជំរុញក្រុមប្រឹក្សាសន្តិសុខ ធ្វើការជិតស្និទ្ធជាមួយគ្រប់ភាគីជម្លោះ ដើម្បីស្តារទំនុកចិត្ត

ជីវិតកម្សាន្ដ២ ម៉ោង មុន

ម្ចាស់បទ “Smoke” ខឹងខ្លាំងដល់ថ្នាក់ប្ដឹងប៉ូលិសជួយរកយុត្តិធម៌ ក្រោយធ្លាយរូបអាក្រាតកាយ

ជីវិតកម្សាន្ដ២ ម៉ោង មុន

ស្ងាត់ៗ កូនប្រុសពៅកំពូលតារាចម្រៀង ព្រាប សុវត្ថិ ចុះកុងត្រាចូលផលិតកម្ម Galaxy

Sokha Hotels

ព័ត៌មានពេញនិយម