កីឡា

គួរឲ្យសរសើរ! នៅរុស្ស៊ីបានរៀបចំការប្រកួតគុនខ្មែរដ៏ធំ

បានផុស

២ years មុន

នៅ

ថ្ងៃចន្ទ ២៦ កុម្ភៈ ២០២៤

ដោយ

សហព័ន្ធកីឡាប្រដាល់គុនខ្មែរប្រចាំប្រទេសរុស្ស៊ីបានរៀបចំព្រឹត្តិការណ៍ប្រកួតគុនខ្មែរ All-Russian Cup of Kun Khmer ដែលមានកីឡាករ កីឡាការិនីប្រហែល២០០នាក់ចូលរួមប្រកួតពីថ្ងៃទី២៣ដល់២៥ ខែកុម្ភៈ ឆ្នាំ២០២៤ នៅសង្វៀន “ONE X ONE”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Oleg Kudrinsky ជានាយក និងជាស្ថាបនិកសហព័ន្ធកីឡាប្រដាល់គុនខ្មែរនៅប្រទេសរុស្ស៊ី បានរៀបរាប់ថា ការប្រកួតគុនខ្មែរ All-Russian Cup មានកីឡាករ កីឡាការិនីប្រហែលជា២០០នាក់បានចូលរួមប្រកួត។ កីឡាករ កីឡាការិនីទាំងអស់មកពីកន្លែងផ្សេងៗគ្នាក្នុងប្រទេសរុស្ស៊ី។ វាជាបទពិសោធដ៏ល្អសម្រាប់អ្នកចូលរួមដើម្បីអភិវឌ្ឍ និងជំរុញកីឡាគុនខ្មែរឲ្យរីកចម្រើន។

លោកបានបញ្ជាក់ថា សហព័ន្ធគុនខ្មែរប្រចាំប្រទេសរុស្ស៊ីគ្រោងនឹងរៀបចំការប្រកួតគុនខ្មែរអន្តរជាតិនៅខែមេសាខាងមុខដែលមានកីឡាករ កីឡាការិនីមកពីប្រទេសផ្សេងៗចូលរួម ក្នុងនោះប្រទេសកម្ពុជាដែលជាម្ចាស់ក្បាច់គុនក៏នឹងចូលរួមដែរ។

សហព័ន្ធកីឡាប្រដាល់គុនខ្មែរប្រចាំប្រទេសរុស្ស៊ីបាននិងកំពុងធ្វើសកម្មភាពយ៉ាងសកម្ម បន្ទាប់ពីត្រូវបានបង្កើតឡើងជាផ្លូវការកាលពីឆ្នាំ២០១៨ និងបានក្លាយជាសមាជិកផ្លូវការរបស់សហព័ន្ធកីឡាប្រដាល់គុនខ្មែរអន្តរជាតិ។

កាលពីខែវិច្ឆិកា ឆ្នាំ២០២៣ កន្លងទៅ សហព័ន្ធគុនខ្មែររុស្ស៊ីក៏បានចូលរួមក្នុងមហាសន្និបាតគុនខ្មែរនៅខេត្តសៀមរាប ហើយក៏បានបញ្ជូនអត្តពលិករុស្ស៊ីចូលរួមការប្រកួតគុនខ្មែរអន្តរជាតិដែរ ក្នុងនោះកីឡាកររុស្ស៊ីម្នាក់បានឈ្នះខ្សែក្រវាត់គុនខ្មែរអន្តរជាតិ។ ជាពិសេសបន្ទាប់ពីចូលរួមក្នុងមហាសន្និបាតមក កីឡាកររុស្ស៊ីខ្លះក៏បានស្នាក់នៅ និងហ្វឹកហាត់គុនខ្មែរនៅប្រទេសកម្ពុជា៕

អត្ថបទ៖ វីរបុត្រ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា