កីឡា

វឿន វាសនា អាចប្រជែងពានឯកត្តជន៣ជាមួយ Bagunas លីគបាល់ទះតៃវ៉ាន់

បានផុស

២ years មុន

នៅ

ថ្ងៃអង្គារ ២៧ កុម្ភៈ ២០២៤

ដោយ

ក្រុមបាល់ទះ Winstreak ដែលកីឡាករកម្ពុជា វឿន វាសនា កំពុងលេង បានក្លាយជាម្ចាស់ជើងឯកលីគបាល់ទះកំពូលតៃវ៉ាន់ រដូវកាល២០២៣-២៤ បន្ទាប់ពីរកបានពិន្ទុដាច់ឆ្ងាយលើគូប្រជែង។

ក្រុម Winstreak អបអរក្នុងការក្លាយជាជើងឯក

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លីគបាល់ទះតៃវ៉ាន់ Enterprise Volleyball League មាន៦ក្រុមដោយការប្រកួតមាន៤ជុំ។ ក្រុមនីមួយៗត្រូវប៉ះគ្នា៤ដង។ Winstreak បានឆ្លងកាត់១៨ប្រកួត រកបាន៤៦ពិន្ទុ បន្ទាប់ពីឈ្នះ១៧ និងចាញ់១ បានក្លាយជាជើងឯកដោយស្វ័យប្រវត្តិ បើទោះជានៅសល់២ប្រកួតទៀត។

នៅពេលនេះ ម្ចាស់ជើងឯករកឃើញ នៅឡើយតែម្ចាស់ពានរង្វាន់ឯកត្តជន។ វឿន វាសនា ជាកីឡាករលេចធ្លោម្នាក់របស់ Winstreak ដែលមានលទ្ធភាពឈ្នះពានរង្វាន់ឯកត្តជន ប៉ុន្តែរូបគេត្រូវប្រជែងជាមួយកីឡាករល្អរបស់ហ្វីលីពីន Bryan Bagunas ដែលជាសមាជិកលេចធ្លោរបស់ Winstreak ក្នុងលីគបាល់ទះតៃវ៉ាន់រដូវកាលនេះ។

កាលពីរដូវកាលមុន លីគបាល់ទះតៃវ៉ាន់មានពានរង្វាន់ឯកត្តជនចំនួន៩គឺកីឡាករល្អបំផុតប្រចាំព្រឹត្តិការណ៍ កីឡាកររកបានពិន្ទុល្អបំផុត កីឡាករប្រយុទ្ធល្អបំផុត កីឡាករប្រយុទ្ធស្តាំល្អបំផុត កីឡាករប្រយុទ្ធឆ្វេងល្អបំផុត កីឡាករបិទកណ្តាលល្អបំផុត២រូប កីឡាករកាពារល្អបំផុត និងកីឡាករប៉ះសេល្អបំផុត។

ក្នុងរដូវកាលនេះ វឿន វាសនា និង Bryan Bagunas បានក្លាយជាកីឡាករល្អប្រចាំការប្រកួតច្រើនលើកដូចគ្នា ដូច្នេះពួកគេត្រូវប្រជែងពានរង្វាន់ដល់ទៅ៣គឺទី១ ពានរង្វាន់កីឡាករប្រយុទ្ធល្អបំផុត ទី២ កីឡាកររកបានពិន្ទុល្អបំផុត និងទី៣កីឡាករល្អបំផុតប្រចាំព្រឹត្តិការណ៍។

កាលពីរដូវកាលមុន កីឡាករ Bryan Bagunas បានក្លាយជាកីឡាករហ្វីលីពីនដំបូងគេដែលបានឈ្នះពានរង្វាន់កីឡាករល្អបំផុតប្រចាំរដូវកាលនៅលីគតៃវ៉ាន់ បន្ទាប់ពីរូបគេបានជួយក្លិប Winstreak ឈ្នះជើងឯកជាលើកដំបូង។ តាមពិតទៅ Bryan បានឈ្នះពានរង្វាន់ឯកត្តជនដល់៣គ្រឿងម្នាក់ឯងកាលពីរដូវកាលមុនគឺ កីឡាករល្អប្រចាំព្រឹត្តិការណ៍ កីឡាកររកបានពិន្ទុល្អបំផុត និងកីឡាករប្រយុទ្ធល្អបំផុត។

ដើម្បីក្លាយជាកីឡាករល្អបំផុតប្រចាំព្រឹត្តិការណ៍ កីឡាករម្នាក់ត្រូវបានគិតលើចំណុចសំខាន់៤គឺទី១ជាកីឡាកររកបានពិន្ទុច្រើនជាងគេ ជាកីឡាករវាយប្រយុទ្ធច្រើនជាងគេ ជាកីឡាករបិទបានច្រើនជាងគេ និងជាកីឡាកររួមចំណែកដ៏សំខាន់ដល់ក្រុមទាំងមូល។

កីឡាករ Bryan Bagunas ឈ្នះពានកីឡាករល្អប្រចាំព្រឹត្តិការណ៍រដូវកាលមុន

ពានរង្វាន់ឯកត្តជនចំនួន៩

កីឡាករល្អប្រចាំរដូវកាល (MPV)
កីឡាកររកបានពិន្ទុល្អ (Best Scorer)
កីឡាករប្រយុទ្ធល្អ (Best Opposite)
កីឡាករប៉ះសេល្អ (Best Setter)
កីឡាករបិទល្អ (Best Middle Blocker)
កីឡាករបិទល្អ (Best Middle Blocker)
កីឡាករការពារល្អ (Best Libero)
កីឡាករប្រយុទ្ធឆ្វេងល្អ (Best Outside Hitter)
កីឡាករប្រយុទ្ធស្តាំល្អ (Best Outside Hitter)

អត្ថបទ៖ វីរបុត្រ

Related Topics:កីឡាបាល់ទះ វឿន វាសនា

ព័ត៌មានអន្ដរជាតិ២៣ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា