កីឡា
កីឡាករហុល្លង់ជាប់ចោទជួញដូរគ្រឿងញៀនត្រូវបានចាប់ខ្លួននៅឌូបៃ
អតីតខ្សែបម្រើស្លាបជម្រើសជាតិហុល្លង់ កីឡាករ Quincy Promes ដែលត្រូវបានកាត់ទោសឱ្យជាប់ពន្ធនាគាររយៈពេល៦ឆ្នាំនៅប្រទេសហុល្លង់កាលពី២សប្តាហ៍មុនពីបទជួញដូរគ្រឿងញៀន ត្រូវបានចាប់ខ្លួននៅទីក្រុងឌូបៃ ពីបទបង្កគ្រោះថ្នាក់ចរាចរណ៍។ នេះបើយោងតាមការផ្សាយរបស់ទូរទស្សន៍សាធារណៈរបស់ហុល្លង់ NOS។
![](https://www.kampucheathmey.com/wp-content/uploads/2024/03/Player-Quincy-Promes-1-1024x585.png)
លោក Franklin Wattimena អ្នកនាំពាក្យសាធារណជនបាននិយាយថា ព្រះរាជអាជ្ញាហុល្លង់បានបញ្ជាក់ដូច្នេះថា៖«យើងបានផ្ទៀងផ្ទាត់របាយការណ៍ប្រព័ន្ធផ្សព្វផ្សាយអំពីការចាប់ខ្លួនរបស់កីឡាករ Promes។ យើងយល់ពីអ្នកទំនាក់ទំនងរបស់យើងនៅទីនោះថា Promes ត្រូវបានចាប់ខ្លួនសម្រាប់បទល្មើសក្នុងស្រុក ហើយមិនមែនករណីគ្រឿងញៀននៅហុល្លង់នោះទេ»។
យោងតាម NOS រាជអាជ្ញាហុល្លង់កំពុង “ពិភាក្សាជាមួយប្រទេសអារ៉ាប់រួម” អំពីការឃុំខ្លួន Promes។ កិច្ចខិតខំប្រឹងប្រែងពីមុនដើម្បីធ្វើបត្យាប័នរូបគេពីទីក្រុងមូស្គូ ប្រទេសរុស្ស៊ី មិនបានជោគជ័យឡើយ ហើយចៅក្រមនៅតុលាការខណ្ឌ Amsterdam បានចេញដីកាសម្រាប់ការចាប់ខ្លួនកីឡាកររូបនេះ បន្ទាប់ពីការកាត់ទោសកាលពីថ្ងៃទី១៤ ខែកុម្ភៈ។
![](https://www.kampucheathmey.com/wp-content/uploads/2024/03/Player-Quincy-Promes-3.jpg)
យោងតាមតុលាការ កីឡាករ Promes បានដឹកជញ្ជូនកូកាអ៉ីនសរុបចំនួន ១.៣៦៣ គីឡូក្រាម ពីប្រទេសប្រេស៊ីល ក្នុងឆ្នាំ២០២០ ដោយមានជំនួយពីអ្នកសមគំនិតបាននាំទៅប្រទេសហុល្លង់តាមរយៈកំពង់ផែ Antwerp ប្រទេសបែលហ្ស៊ិក។ កូកាអ៉ីនត្រូវបានលាក់ទុកក្នុងបាវអំបិលក្នុងកុងតឺន័រលើកប៉ាល់។
គួរដឹងដែរថា បច្ចុប្បន្ន Promes កំពុងលេងឱ្យក្លិប Spartak Moscow លីគរុស្ស៊ី។ រូបគេបានបង្ហាញខ្លួនឱ្យក្រុមជម្រើសជាតិហុល្លង់ចំនួន ៥០ដង ដោយស៊ុតបញ្ចូលទីបាន ៧គ្រាប់ និងបញ្ចូនបាល់ឱ្យមិត្តរួមក្រុមចំនួន៧ដង៕
![](https://www.kampucheathmey.com/wp-content/uploads/2024/03/promc-1024x559.png)
ប្រែសម្រួល៖ មន្នីរ័ត្ន
ប្រភព៖ Dailymail
-
សន្តិសុខសង្គម១ សប្តាហ៍ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម១ សប្តាហ៍ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម១ សប្តាហ៍ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៧ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ១ សប្តាហ៍ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៥ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៤ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ២ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ