កីឡា

កីឡាករហុល្លង់ជាប់ចោទជួញដូរគ្រឿងញៀនត្រូវបានចាប់ខ្លួននៅឌូបៃ

បានផុស

១ year មុន

នៅ

ថ្ងៃអង្គារ ៥ មីនា ២០២៤

ដោយ

អតីតខ្សែបម្រើស្លាបជម្រើសជាតិហុល្លង់ កីឡាករ Quincy Promes ដែលត្រូវបានកាត់ទោសឱ្យជាប់ពន្ធនាគាររយៈពេល៦ឆ្នាំនៅប្រទេសហុល្លង់កាលពី២សប្តាហ៍មុនពីបទជួញដូរគ្រឿងញៀន ត្រូវបានចាប់ខ្លួននៅទីក្រុងឌូបៃ ពីបទបង្កគ្រោះថ្នាក់ចរាចរណ៍។ នេះបើយោងតាមការផ្សាយរបស់ទូរទស្សន៍សាធារណៈរបស់ហុល្លង់ NOS។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Franklin Wattimena អ្នកនាំពាក្យសាធារណជនបាននិយាយថា ព្រះរាជអាជ្ញាហុល្លង់បានបញ្ជាក់ដូច្នេះថា៖«យើងបានផ្ទៀងផ្ទាត់របាយការណ៍ប្រព័ន្ធផ្សព្វផ្សាយអំពីការចាប់ខ្លួនរបស់កីឡាករ Promes។ យើងយល់ពីអ្នកទំនាក់ទំនងរបស់យើងនៅទីនោះថា Promes ត្រូវបានចាប់ខ្លួនសម្រាប់បទល្មើសក្នុងស្រុក ហើយមិនមែនករណីគ្រឿងញៀននៅហុល្លង់នោះទេ»។

យោងតាម NOS រាជអាជ្ញាហុល្លង់កំពុង “ពិភាក្សាជាមួយប្រទេសអារ៉ាប់រួម” អំពីការឃុំខ្លួន Promes។ កិច្ចខិតខំប្រឹងប្រែងពីមុនដើម្បីធ្វើបត្យាប័នរូបគេពីទីក្រុងមូស្គូ ប្រទេសរុស្ស៊ី មិនបានជោគជ័យឡើយ ហើយចៅក្រមនៅតុលាការខណ្ឌ Amsterdam បានចេញដីកាសម្រាប់ការចាប់ខ្លួនកីឡាកររូបនេះ បន្ទាប់ពីការកាត់ទោសកាលពីថ្ងៃទី១៤ ខែកុម្ភៈ។

យោងតាមតុលាការ កីឡាករ Promes បានដឹកជញ្ជូនកូកាអ៉ីនសរុបចំនួន ១.៣៦៣ គីឡូក្រាម ពីប្រទេសប្រេស៊ីល ក្នុងឆ្នាំ២០២០ ដោយមានជំនួយពីអ្នកសមគំនិតបាននាំទៅប្រទេសហុល្លង់តាមរយៈកំពង់ផែ Antwerp ប្រទេសបែលហ្ស៊ិក។ កូកាអ៉ីនត្រូវបានលាក់ទុកក្នុងបាវអំបិលក្នុងកុងតឺន័រលើកប៉ាល់។

គួរដឹងដែរថា បច្ចុប្បន្ន Promes កំពុងលេងឱ្យក្លិប Spartak Moscow លីគរុស្ស៊ី។ រូបគេបានបង្ហាញខ្លួនឱ្យក្រុមជម្រើសជាតិហុល្លង់ចំនួន ៥០ដង ដោយស៊ុតបញ្ចូលទីបាន ៧គ្រាប់ និងបញ្ចូនបាល់ឱ្យមិត្តរួមក្រុមចំនួន៧ដង៕