កីឡា
សហព័ន្ធបាល់ទាត់កម្ពុជាបង្ហាញផែនការធំគួរឲ្យចាប់អារម្មណ៍ឆ្ពោះទៅឆ្នាំ២០៣៨
កាលពីថ្ងៃទី១៩ ខែមីនា ឆ្នាំ២០២៤ សហព័ន្ធកីឡាបាល់ទាត់បានរៀបចំកិច្ចប្រជុំពិភាក្សាដើម្បីដាក់ចេញផែនការអភិវឌ្ឍបាល់ទាត់កម្ពុជាឆ្ពោះទៅគោលដៅធំនៅឆ្នាំ២០៣៨។
ក្រុមហ៊ុន ខេមបូឌានព្រីមៀរលីគ បានបង្ហាញពីកម្រងរូបភាពនៃកិច្ចប្រជុំពិភាក្សា កំណែរទម្រង់ម្ចាស់ភាគហ៊ុនរបស់ក្រុមហ៊ុនខេមបូឌានព្រីមៀរលីគ និងកម្មវិធីពិសារអាហារពេលល្ងាច ជាមួយប្រធានក្លិប និងអគ្គលេខាធិការក្លិបបាល់ទាត់ នៃជម្រើសជើងឯកខេមបូឌានព្រីមៀរលីគ និងជម្រើសជើងឯកកម្ពុជាលីគ២ នៅថ្ងៃទី ១៩ ខែមីនា ឆ្នាំ២០២៤នៅសណ្ឋាគារ ត្រែប។
ខ្លឹមសារលំអិតនៃកិច្ចប្រជុំមិនត្រូវបានបង្ហាញឡើយ ប៉ុន្តែតាមរយៈរូបភាពគឺបង្ហាញគោលដៅសំខាន់បំផុតនៅឆ្នាំ២០៣៨។ ផែនការនោះគឺខេត្ត១ មានក្លិបបាល់ទាត់១ និងកីឡដ្ឋានបាល់ទាត់១។ ការដាក់ផែនការនេះអាចនិយាយបានថា ជាកម្រិតស្តង់ដាសម្រាប់ការអភិវឌ្ឍបាល់ទាត់កម្ពុជា ពីព្រោះខេត្តនីមួយៗមានក្លិបបាល់ទាត់អាជីពមួយ មានកីឡដ្ឋានស្តង់ដាមួយ ដូច្នេះអ្នកគាំទ្រខេត្តនីមួយៗនឹងមានក្លិបបាល់ទាត់ដែលខ្លួនស្រឡាញ់រៀងៗខ្លួនពិតប្រាកដ។
ប្រសិនបើកម្ពុជាអាចធ្វើបានតាមផែនការនេះគឺនឹងមានក្លិបបាល់ទាត់អាជីពពិតប្រាកដ២៥ ឬស្មើ២៥ខេត្ត-ក្រុងដែលអាចលេងក្នុងក្របខណ្ឌលីគបាល់ទាត់កំពូលកម្ពុជា ក្របខណ្ឌលីគទី២ ពានរង្វាន់សម្តេចតេជោ ហ៊ុន សែន និងពានរង្វាន់ផ្សេងៗទៀត។ បើក្រឡេកមើលប្រទេសជិតខាងនៅក្នុងតំបន់អាស៊ាន ក៏គេមានក្លិបបាល់ទាត់ប្រចាំខេត្តរបស់គេ ហើយជាទូទៅដាក់ឈ្មោះក្លិបតាមឈ្មោះខេត្តតែម្តង។
ផែនការយុទ្ធសាស្ត្រដែលបានបង្ហាញនេះ ស្របទៅនឹងលោក កែវ សារ៉េត អគ្គលេខាធិការសហព័ន្ធកីឡាបាល់ទាត់កម្ពុជាបានបង្ហើបឲ្យដឹងកាលពីថ្ងៃទី១៦ ខែមីនា ឆ្នាំ២០២៤ ក្នុងសន្និសីទសារព័ត៌មានជុំវិញវិសាខាប្រកាសដកខ្លួនថា កម្ពុជាបានដាក់គោលដៅឲ្យក្រុមបាល់ទាត់ជម្រើសជាតិកម្ពុជាទទួលបានកៅអីឡើងទៅដល់ជុំផ្តាច់ព្រ័ត្រជើងឯកពិភពលោក ឆ្នាំ២០៣៨ (FIFA World Cup 2038)។ នៅក្នុងកិច្ចប្រជុំកាលពីម្សិលមិញក៏បានបង្ហាញពីគោលដៅធំនេះដែរ។
ទោះបីជាយ៉ាងណា រហូតដល់ពេលនេះនៅមិនទាន់មានព័ត៌មានលំអិតជុំវិញផែនការរបស់សហព័ន្ធកីឡាបាល់ទាត់កម្ពុជាទេ។ ប្រសិនបើមានព័ត៌មានថ្មីយ៉ាងណា សារព័ត៌មាន«កម្ពុជាថ្មី» នឹងផ្សាយជូនពេលក្រោយទៀត៕
អត្ថបទ៖ វីរបុត្រ
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៦ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៦ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៥ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ២ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក