Connect with us

កីឡា

ហ្វីលីពីនធ្វើម្ចាស់ផ្ទះជើងឯកបាល់ទះពិភពលោក FIVB ឆ្នាំ២០២៥

បានផុស

នៅ

សហព័ន្ធកីឡាបាល់ទះអន្តរជាតិ (FIVB) និងសហព័ន្ធបាល់ទះពិភពលោក បានប្រកាសជាផ្លូវការ​ពី​ប្រទេសហ្វីលីពីន ទទួល​បាន​សិទ្ធិ​រៀបចំ​ការប្រកួត​បាល់ទះ​ជើង​ឯក​ពិភព​លោក​ FIVB Volleyball Men’s World Championship ឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហ្វីលីពីន​ទទួល​ជោគជ័យក្នុងការដេញថ្លៃ បន្ទាប់ពីយកឈ្នះ​បេក្ខភាពមក ៣១ប្រទេសផ្សេងទៀត។ បេក្ខភាព៣ប្រទេសចុងក្រោយរួមមានប្រទេសជប៉ុន ឥណ្ឌូណេសុី និងហ្វីលីពីន។ ចំពោះការសម្រេចចិត្តចុងក្រោយត្រូវបានធ្វើឡើង បន្ទាប់ពីដំណើរការវាយតម្លៃយ៉ាងម៉ត់ចត់ របស់សហព័ន្ធបាល់ទះអន្ដរជាតិ FIVB និងសហព័ន្ធបាល់ទះពិភពលោក បានរកឃើញថា ការដេញថ្លៃរបស់ហ្វីលីពីនមានភាពរឹងមាំប្រកប​ដោយស្ដង់ដា។ ព្រឹត្តិការណ៍នេះគ្រោងនឹងប្រព្រឹត្តទៅចាប់ពីថ្ងៃទី១២ ដល់ថ្ងៃទី២៨ ខែកញ្ញា ដែល​ត្រូវ​មាន​ក្រុម​បាល់ទះ​ជម្រើស​ជាតិ​៣២​ទូទាំង​ពិភព​លោក​។

ប្រធានសហព័ន្ធកីឡាបាល់ទះអន្តរជាតិ (FIVB) លោក Ary S. Graça បាននិយាយថា៖«ព្រឹត្តិការណ៍ដ៏មានកិត្យានុភាព​នេះ មិនត្រឹមតែជំរុញទឹកចិត្តអត្តពលិកជំនាន់ថ្មីប៉ុណ្ណោះទេ ប៉ុន្តែក៏នឹងជួយជំរុញឱ្យមានការកើនឡើងនៃការចូលរួម​ពី​គ្រប់កម្រិតក្នុងប្រទេស និងតំបន់​យ៉ាង​ទូលំទូលាយ»។

«យើងមានទំនុកចិត្តថា ហ្វីលីពីន ដែល​មាន​សមត្ថភាព​ប្រកបដោយភាពច្នៃប្រឌិត នឹងធ្វើជាម្ចាស់ផ្ទះ​ដ៏អស្ចារ្យ​ ហើយបន្សល់ទុកនូវកេរ្តិ៍​ឈ្មោះ​យូរ​អង្វែង​ និង​សាង​អនាគតដ៏ត្រចះត្រចង់»។

លោក Finn Taylor នាយកប្រតិបត្តិសហព័ន្ធបាល់ទះពិភពលោក បាននិយាយថា ៖«វាពិតជារំភើប​ដែលយើងប្រកាស​ហ្វីលីពីនធ្វើជាម្ចាស់ផ្ទះ​ការប្រកួតបាល់ទះបុរសពិភពលោកឆ្នាំ២០២៥។ ការសម្រេចចិត្តនេះបញ្ជាក់ពីការយកចិត្តទុកដាក់របស់យើង និងការចូលរួមជាមួយអ្នកគាំទ្រទូទាំងពិភពលោក។ ហ្វីលីពីន ជាប្រទេសមួយមានកំណត់ត្រាល្អក្នុងការធ្វើជាម្ចាស់ផ្ទះព្រឹត្តិការណ៍កីឡាបាល់ទះធំៗ ជាពិសេសមានអ្នកគាំទ្រដ៏អស្ចារ្យ មានទីតាំងល្អក្នុងការរៀបចំព្រឹត្តិការណ៍»។

ការដេញថ្លៃរបស់ហ្វីលីពីនត្រូវបានដឹកនាំដោយរដ្ឋាភិបាល និង​មានកិច្ចសហការរវាងនាយកប្រតិបត្តិសំខាន់ៗ នាយកដ្ឋានរដ្ឋបាល​ រួមទាំងលេខាធិការដ្ឋាន​ទេសចរណ៍របស់ប្រទេស។ ជាពិសេសសហព័ន្ធបាល់ទះហ្វីលីពីន (PNVF) និងអ្នកពាក់ព័ន្ធឯកជន​ជា​ច្រើនទៀត៕

ប្រែសម្រួល៖ ផា រតនា
ប្រភព៖ volleyballworld

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម