Connect with us

កីឡា

អាស៊ានបង្កើត​ពាន​រង្វាន់​​បាល់ទះផ្លូវ​ការ​២ផ្សេងគ្នា ខណៈកម្ពុជាទទួល​ធ្វើម្ចាស់ផ្ទះ១

បានផុស

នៅ

សមាគម​កីឡា​បាល់ទះ​អាស៊ាន (SAVA) បាន​សម្រេច​ជា​ផ្លូវ​ការ​រៀប​ចំ​ឲ្យ​​មាន​ពាន​រង្វាន់​២​ផ្សេង​គ្នា​ប្រចាំ​តំបន់​អាស៊ាន​ដែល​​មាន​៤​ប្រទេស​ប្រកួត​ក្នុង​ពាន​រង្វាន់​កម្រិត១ និង​​៤​ប្រទេស​ទៀត​ប្រកួត​ក្នុង​ពាន​រង្វាន់​កម្រិត​២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាន​រង្វាន់​ដែល​ធ្លាប់​បាន​រៀបចំ​កន្លង​មក​​ SEA V League គឺ​ក្លាយ​ជា​​ពាន​រង្វាន់​​បាល់ទះ​កម្រិត​ទី១​ប្រចាំ​តំបន់​អាស៊ាន ហើយ​ក៏​បង្កើត​ពាន​រង្វាន់​មួយ​ទៀត​គឺ SEA V League Challenge Cup ដែល​ស្ថិត​នៅ​កម្រិត​ទី​២។

តាម​លក្ខខណ្ឌ​ដែល​បាន​កំណត់​គឺ​ប្រទេស​​ជា​ស្ថាបនិក​ពាន​រង្វាន់ SEA V League មាន​សិទ្ធិ​លេង​កម្រិត​១​មាន ថៃ ឥណ្ឌូណេស៊ី វៀតណាម និង​ហ្វីលីពីន។ ពាន​រង្វាន់​នេះ​ធ្លាប់​បាន​រៀបចំ៣​ដង​ហើយ ហើយ​សម្រាប់​ឆ្នាំ​២០២៤​នេះ​គឺ​ជា​លើក​ទី​៤។

ចំណែក​ពាន​រង្វាន់ SEA V League Challenge Cup កម្រិត​ទី២​គឺ​មាន​ប្រទេស កម្ពុជា ម៉ាឡេស៊ី សិង្ហបុរី និង​មីយ៉ាន់ម៉ា។ ក្រុមដែល​បាន​ក្លាយ​ជា​ជើង​ឯក​ SEA V League Challenge Cup ឆ្នាំ​២០២៤​ ​​ត្រូវ​ឡើង​ទៅ​លេង​ពាន​រង្វាន់ SEA V League ឆ្នាំ​២០២៥។ ចំណែក​ក្រុម​ស្ថិត​លេខ​៤​ពាន​រង្វាន់ SEA V League ឆ្នាំ​២០២៤​ ធ្លាក់​មក​លេង​ពាន​រង្វាន់ SEA V League Challenge Cup ឆ្នាំ​២០២៥។

ថ្វី​បើ​សហព័ន្ធ​កីឡា​បាល់ទះ​កម្ពុជា​មិន​ទាន់​ប្រកាស​ជា​ផ្លូវ​ការ​ពី​ការ​ទទួល​ធ្វើ​ម្ចាស់​ផ្ទះ​រៀបចំ​ការ​ប្រកួត​ពាន​រង្វាន់​កម្រិត​ទី​២ ប៉ុន្តែ​​យោង​តាម​​ការ​ផ្សាយរបស់​សមាគមកីឡាបាល់ទះ​ម៉ាឡេស៊ី​ដែល​បាន​ចូល​រួម​​កិច្ច​ប្រជុំ​កាល​ពី​ចុង​សប្តាហ៍​កន្លង​ទៅ​​នៅ​ប្រទេស​ថៃ​ថា កម្ពុជា​​​បាន​ទទួល​ធ្វើ​ម្ចាស់​ផ្ទះ​រៀបចំ​ការ​ប្រកួត​ SEA V League Challenge Cup for Men 2024 ដែល​មាន​ប្រទេស​ម៉ាឡេស៊ី សិង្ហបុរី និង​មីយ៉ាន់ម៉ា​ចូល​រួម​ប្រកួត។

កាល​ពី​​​ថ្ងៃ​អាទិត្យ ទី​៧ ខែ​មេសា ឆ្នាំ​២០២៤ លោក អាំង សិរីពិសិដ្ឋ អនុប្រធាន និង​ជា​អគ្គលេខាធិការ​សហព័ន្ធ​កីឡា​បាល់ទះ​កម្ពុជា​បាន​ចូល​រួម​កិច្ច SEA V League  លើក​ទី​៤ ជា​មួយ​សមាគម​កីឡាបាល់ទះ​អាស៊ី​អាគ្នេយ៍​នៅ​ប្រទេស​ថៃ៕

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៣ នាទី មុន

មិត្តហ្វូន ប្រារព្ធកម្មវិធីសប្បុរសធម៌ ពិនិត្យសុខភាព ផ្តល់ថ្នាំ ដោយឥតគិតថ្លៃ និងចែកអំណោយជាង៦០០នាក់ ក្នុងខេត្តកំពង់ឆ្នាំង

ព័ត៌មានជាតិ៤ នាទី មុន

មន្រ្តីជំនាញសុខភាពសត្វ ចុះបាញ់ថ្នាំសម្លាប់មេរោគ លើមធ្យោបាយដឹកជញ្ជូនសត្វរស់

ព័ត៌មានអន្ដរជាតិ៦ នាទី មុន

រុស្ស៊ី ចោទ អ៊ុយក្រែន ថាប្រើយន្តហោះដ្រូនវាយប្រហាររោងចក្រនុយក្លេអ៊ែរ​របស់ខ្លួន

ព័ត៌មានជាតិ១៩ នាទី មុន

ត្រូវតែបង្រៀនសិស្សចេញពីបេះដូង មិនមែនចេញពីសៀវភៅមួយមុខទេ

កីឡា២១ នាទី មុន

អាស៊ានបង្កើត​ពាន​រង្វាន់​​បាល់ទះផ្លូវ​ការ​២ផ្សេងគ្នា ខណៈកម្ពុជាទទួល​ធ្វើម្ចាស់ផ្ទះ១

Sokha Hotels

ព័ត៌មានពេញនិយម