កីឡាករ៥រូបចុងក្រោយឈ្នះពានកីឡាករល្អបំផុតប្រចាំព្រឹត្តិការណ៍ EURO

គិតចាប់តាំងពីព្រឹត្តិការណ៍ EURO ឆ្នាំ១៩៩៦ ដល់ឆ្នាំ២០២០ សហព័ន្ធបាល់ទាត់ទ្វីបអឺរ៉ុបបានធ្វើកំណែទម្រង់ ដោយសម្រេចផ្ដល់ពានរង្វាន់ដល់កីឡាករឆ្នើមក្រោយព្រឹត្តិការណ៍បញ្ចប់។ ថ្ងៃនេះសារព័ត៌មានកម្ពុជាថ្មីសូមបង្ហាញពីកីឡាករ ៥រូបចុងក្រោយឈ្នះពានកីឡាករល្អបំផុតប្រចាំព្រឹត្តិការណ៍ EURO។

១. កីឡាករ Gianluigi Donnarumma

អ្នកចាំទី Gianluigi Donnarumma របស់ក្រុមជម្រើសជាតិអុីតាលីឈ្នះពានរង្វាន់កីឡាករឆ្នើមនៅព្រឹត្តិការណ៍ EURO ឆ្នាំ២០២០។ លោក​ជាតួអង្គសំខាន់មួយរូមក្នុងជួយក្រុមអុីតាលីឈ្នះ​ជើង​ឯក​ បន្ទាប់ពីឈ្នះក្រុមអង់គ្លេសនៅវគ្គផ្ដាច់ព្រ័ត្រ ដោយបាល់១១ម៉ែត្រសេចក្ដី ៣-២។

២. កីឡាករ Antoine Griezmann

កីឡាករ Antoine Griezmann បានឈ្នះពានរង្វាន់កីឡាករឆ្នើមនៅព្រឹត្តិការណ៍ EURO ឆ្នាំ២០១៦។ ទោះបីមិនអាចជួយក្រុមជម្រើសជាតិបារាំងឈ្នះពានរង្វាន់ EURO ក្នុងទឹកដីកំណើតខ្លួន ប៉ុន្តែ Griezmann ឈ្នះពានកីឡាករឆ្នើម ដោយសាររូបគេបង្ហាញទម្រង់លេងបានយ៉ាងល្អ និងស៊ុតបញ្ចូលទី៦គ្រាប់នាពេលនោះ។

៣. កីឡាករ Andrés Iniesta

ខ្សែបម្រើឆ្នើម Andrés Iniesta បានឈ្នះពានរង្វាន់កីឡាករឆ្នើមនៅព្រឹត្តិការណ៍ EURO ឆ្នាំ២០១២ បន្ទាប់ពីជួយក្រុមជម្រើសជាតិអេស្ប៉ាញឈ្នះពានរង្វាន់នេះ ក្រោយយកឈ្នះក្រុមអុីតាលី នៅវគ្គផ្ដាច់ព្រ័ត្រ ក្នុងលទ្ធផល ៤-០​។

៤. កីឡាករ Xavi Hernández

កីឡាករ Xavi Hernández បានឈ្នះពានរង្វាន់កីឡាករឆ្នើមនៅព្រឹត្តិការណ៍ EURO ឆ្នាំ២០០៨។ លោកជាសមាជិកសំខាន់ ជួយក្រុមអេស្ប៉ាញយកឈ្នះ​អាល្លឺម៉ង់​ នៅវគ្គផ្ដាច់ព្រ័ត្រ ក្នុងលទ្ធផល ១-០។

៥. កីឡាករ Theodoros Zagorakis

កីឡាករ Theodoros Zagorakis បានឈ្នះពានរង្វាន់កីឡាករឆ្នើមនៅព្រឹត្តិការណ៍ EURO ឆ្នាំ២០០៤  បន្ទាប់ពីជួយក្រុមជម្រើសជាតិក្រិក ឈ្នះជើងឯក ក្រោយយកឈ្នះក្រុមព័រទុយហ្គោល នៅវគ្គផ្ដាច់ព្រ័ត្រ ១-០៕

អត្ថបទ៖ ផា រតនា