កីឡា

Barcelona ឈានមុខគេក្នុងការនាំយកតារាកំពុងរះ William

បានផុស

១១ ខែ មុន

នៅ

ថ្ងៃអង្គារ ១៦ កក្កដា ២០២៤

ដោយ

ខ្សែបម្រើប្រយុទ្ធ Nico William ទទួលបានការចាប់អារម្មណ៍ខ្លាំងពីក្លិបធំៗនៅតំបន់អឺរ៉ុប ក្រោយរូបគេបង្ហាញសមត្ថភាពយ៉ាងល្អដែលបានជួយក្រុមជម្រើសជាតិអេស្ប៉ាញឈ្នះពានរង្វាន់ EURO ឆ្នាំ២០២៤។

កីឡាករវ័យក្មេង Nico William ត្រូវបានក្លិប Barcelona, Chelsea, Paris Saint-Germain និង Arsenal កំពុងចាប់អារម្មណ៍ក្នុងការនាំយករូបគេចូលរួមនៅរដូវកាលថ្មី។ បេក្ខភាពឈានមុខគេគឺក្លិប Barcelona។ ពួកគេពិតជាចង់បាន Williams ដើម្បីចាប់ដៃជាមួយកីឡាករ Lamine Yamal នៅកីឡដ្ឋាន Nou Camp បន្ទាប់ពីឃើញពួកគេទាំង២សហការគ្នាយ៉ាងល្អក្នុងព្រឹត្តិការណ៍ EURO។

យ៉ាងណាមិញ ក្លិប Athletic Bilbao បានប្តេជ្ញារក្សា Nico Williams ឲ្យស្នាក់នៅបន្ដជាមួយខ្លួនទៀត។ ដើម្បីរក្សាទុកបន្តទៅទៀត ពួកគេត្រូវផ្ដល់តម្លៃពលកម្មខ្ពស់ បើពុំនោះទេពិតជាពិបាកក្នុងការចងជើងរូបគេណាស់។

ចំពោះតម្លៃផ្ទេររបស់ Williams ត្រូវបានគេប៉ាន់ស្មានថា ប្រមាណ៦៣លានអឺរ៉ូឡើង។ រូបគេជាយុវជនរបស់ក្លិប Bilbao ដែលបានបង្ហាញខ្លួនលើទីលានជាមួយក្រុមធំ១២២ប្រកួត និងស៊ុតបាន២០គ្រាប់៕

ប្រែសម្រួល៖ ផា រតនា