កីឡា

ព្រឹត្តិការណ៍ប្រកួតបាល់ទាត់ Soccer Saturday ត្រូវបានរៀបចំលើកទី៥

បានផុស

២ years មុន

នៅ

ថ្ងៃអាទិត្យ ៣០ មិថុនា ២០២៤

ដោយ

ក្រុមអភិវឌ្ឍបាល់ទាត់ Elite Soccer Coaching Cambodia បានរៀបចំការប្រកួតបាល់ទាត់មិនអាជីព Elite Soccer Saturday ជាលើកទី៥កាលពីខែមិថុនា ឆ្នាំ២០២៤កន្លងទៅដោយមានក្រុមមិនអាជីពជាច្រើនបានចូលរួមប្រកួតដើម្បីអភិវឌ្ឍក្រុម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Christonpher Grant អ្នកចាត់ការទូទៅរបស់ក្លិបបាល់ទាត់ព្រះខ័នរាជស្វាយរៀង ដែលជាអ្នករៀបចំបានឲ្យដឹងថា ក្រុមអភិវឌ្ឍបាល់ទាត់ Elite Soccer Coaching Cambodia បានរៀបចំការប្រកួតបាល់ទាត់មិនអាជីព Soccer Saturday លើកទី៥ កាលពីថ្ងៃសៅរ៍ ទី១៥ ខែមិថុនា ឆ្នាំ២០២៤ នៅទីលាន DIB Club នៅកោះពេជ្រ។

កម្មវិធីប្រកួតលើកទី៥នេះមានក្រុមបាល់ទាត់មិនអាជីពមួយចំនួនបានចូលរួមប្រកួត។ ការប្រកួតគឺ៦រូបទល់នឹង៦រូបនៅលើទីលានដែលចាប់ផ្តើមប្រកួតពីវគ្គសន្សំពិន្ទុក្នុងពូលរហូតដល់វគ្គខ្វែង និងវគ្គផ្តាច់ព្រ័ត្រដើម្បីស្វែងរកក្រុមជយលាភី។

បន្ទាប់ពីការប្រកួតដែលប្រើពេលកន្លះថ្ងៃ ក្រុម Avatar FC បានក្លាយជាជើងដែលទទួលបានពានរង្វាន់១គ្រឿង និងប្រាក់រង្វាន់៣០០ដុល្លារអាមេរិក។

លោក Christonpher Grant បានប្រាប់ថា ក្នុងរយៈពេលជាង១០ឆ្នាំកន្លងទៅ ក្រុមការងារ Elite Soccer បានរៀបចំការប្រកួតបាល់ទាត់ Soccer Saturday ជាច្រើនលើកជាមួយគោលបំណងចម្បងគឺរួមចំណែកពង្រឹងមូលដ្ឋានគ្រឹះ និងការរៀបប្រកួតបាល់ទាត់ស្ម័គ្រចិត្តប្រកបដោយច្បាប់ត្រឹមត្រូវ។ ការផ្តល់ឱកាសឲ្យយុវជនបានចូលរួមលេងបាល់ទាត់ក្នុងការប្រកួតប្រជែងត្រឹមត្រូវតាមច្បាប់។

តាមការគ្រោងទុកកម្មវិធី Soccer Saturday នឹងរៀបចំចំនួន៤លើកក្នុងឆ្នាំ២០២៤ ហើយនេះជាការប្រកួតលើកទី២ក្នុងឆ្នាំនេះ បន្ទាប់ពីលើកទី១ ត្រូវបានរៀបចំថ្ងៃសៅរ៍ ទី២៧ ខែមេសា ឆ្នាំ២០២៤៕