កីឡា

ខ្សែប្រយុទ្ធស្រីលង្កា៣រូបនេះគ្រោះថ្នាក់ខ្លាំងសម្រាប់កម្ពុជាល្ងាចនេះ

បានផុស

២ years មុន

នៅ

ថ្ងៃព្រហស្បតិ៍ ៥ កញ្ញា ២០២៤

ដោយ

ក្រុមបាល់ទាត់ជម្រើសជាតិកម្ពុជា នឹងប្រកួតជាមួយម្ចាស់ផ្ទះស្រីលង្កា វេលាម៉ោង៥:១៥នាទីល្ងាច ថ្ងៃព្រហស្បតិ៍ ទី៥ ខែកញ្ញា ឆ្នាំ២០២៤ នៅទីក្រុង Colombo ជើងទី១ វគ្គជម្រុះ 2027 AFC Asian Cup។

ស្រីលង្កាត្រូវបានគេមើលឃើញថា ត្រៀមខ្លួនបានយ៉ាងល្អ និងទ្រង់ទ្រាយធំបំផុតមិនធ្លាប់មាននៅពេលពួកគេបានកោះហៅកីឡាករមកពីក្រៅប្រទេសរហូតដល់១៥នាក់ដើម្បីពង្រឹងក្រុមត្រៀមប្រកួតនឹងកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករមកពីក្រៅប្រទេសទាំង១៥នាក់មានអ្នកចាំទី ខ្សែការពារ ខ្សែបម្រើ និងប្រយុទ្ធ។ នៅតំបន់ជួរមុខមានខ្សែប្រយុទ្ធ៣រូបដែលគួរឲ្យចាប់អារម្មណ៍ និងបង្កគ្រោះថ្នាក់ខ្លាំងដល់កម្ពុជា។ កីឡាករ Mohamed Aakib អាយុទើប២៤ឆ្នាំ ប៉ុន្តែរូបគេបានបង្ហាញខ្លួនក្រុមជម្រើសជាតិស្រីលង្កា២៦ដងហើយ។ កីឡាករមកពីក្លិប Colombo នៃលីគស្រីលង្ការូបនេះ រកបាន៣គ្រាប់ឲ្យជម្រើសជាតិ។

កីឡាករមានដើមកំណើតនៅប្រទេសអូស្ត្រាលី Oliver Kelaart អាយុ២៦ឆ្នាំមកពីក្លិប Haukar លីគទី២របស់ប្រទេសអ៉ិស្លង់។ រូបគេបានបង្ហាញឲ្យជម្រើសជាតិស្រីលង្កាបាន៤ដង និងរកបាន១គ្រាប។

កីឡាករ Ahmed Waseem Razeek អាចត្រូវបានចាត់ទុកជាខ្សែប្រយុទ្ធដ៏ឆ្នើមបំផុតរបស់ស្រីលង្កា។ រូបគេមានដើមកំណើតនៅប្រទេសអាល្លឺម៉ង់ កំពុងលេងនៅក្លិប Eastern District នៃលីគកំពូលទីក្រុងហុងកុង។ កីឡាករអាយុ២៩ឆ្នាំបានលេងឲ្យជម្រើសជាតិស្រីលង្កាតាំងពីឆ្នាំ២០១៩ដោយបង្ហាញខ្លួនបាន១៩លើក និងរកបាន៩គ្រាប់។

ខាងលើគ្រាន់តែខ្សែប្រយុទ្ធ៣រូបប៉ុណ្ណោះ ប៉ុន្តែស្រីលង្កាមានខ្សែបម្រើ និងការពារល្អៗច្រើន។ ខាងក្រោមគឺជាកីឡាករ១៥ដែលលេងនៅក្រៅប្រទេស។

អ្នកចាំទី Sujan Perera ប្រធានក្រុម អាយុ៣២ឆ្នាំ ក្លិប TC Sports (ម៉ាល់ឌីវ)
ខ្សែការពារ Jason Thayaparan អាយុ២៩ឆ្នាំ ក្លិប SV Eintracht Trier (អាល្លឺម៉ង់)
ខ្សែការពារ Jack Hingert អាយុ៣៣ឆ្នាំ ក្លិប Brisbane Roar (អង់គ្លេស)
ខ្សែការពារ Claudio Matthias អាយុ២៥ឆ្នាំ ក្លិប SG Dynamo Dresden (អាល្លឺម៉ង់)
ខ្សែការពារ Bharath Suresh អាយុ២១ឆ្នាំ ក្លិប Langwarrin (អូស្ត្រាលី)
ខ្សែបម្រើ Mohamed Aman អាយុ២៤ឆ្នាំ ក្លិប Club Lagoons (ម៉ាល់ឌីវ)
ខ្សែបម្រើ Adhavan Rajamohan អាយុ៣៣ឆ្នាំ ក្លិប IFK Haninge (ស៊ុយអែត)
ខ្សែបម្រើ Sacay Steven អាយុ២៧ឆ្នាំ ក្លិប Onet-let Chateau (បារាំង)
ខ្សែបម្រើ Leon Perera អាយុ២៧ឆ្នាំ ក្លិប Luneburger SK Hansa (អាល្លឺម៉ង់)
ខ្សែបម្រើ Anujan Rajendram អាយុ២៤ឆ្នាំ ក្លិប Oppsal (ន័រវេស)
ខ្សែបម្រើ Thenuka Ranaweera អាយុ១៩ឆ្នាំ ក្លិប Nairobi United (កេនយ៉ា)
ខ្សែបម្រើ Samuel Durrant អាយុ២២ឆ្នាំ ក្លិប Dundalk (អ៉ិស្លង់)
ខ្សែប្រយុទ្ធ Waseem Razeek អាយុ២៩ឆ្នាំ ក្លិប Eastern District (ហុងកុង)
ខ្សែប្រយុទ្ធ Oliver Kelaart អាយុ២៦ឆ្នាំ ក្លិប Haukar (អ៉ិស្លង់)
ខ្សែប្រយុទ្ធ Wade Dekker អាយុ៣០ឆ្នាំ ក្លិប Dandenong Thunder (អូស្ត្រាលី)

អត្ថបទ៖ វីរបុត្រ

Related Topics:ក្រុមបាល់ទាត់ជម្រើសជាតិកម្ពុជា AFC Asian Cup

ព័ត៌មានអន្ដរជាតិ២១ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា