កីឡា
U17 កម្ពុជា ឈ្នះ បង់ក្លាដែស ១-០ ទទួលបាន៣ពិន្ទុដ៏សំខាន់
ក្រុមបាល់ទាត់ជម្រើសជាតិកម្ពុជាអាយុក្រោម១៧ឆ្នាំ (U17) ទទួលបាន៣ពិន្ទុដ៏មានសារសំខាន់សម្រាប់ថ្ងៃបើកឆាកក្នុងពូល B វគ្គជម្រុះពានរង្វាន់យុវជនទ្វីបអាស៊ី AFC U17 Asian Cup 2025 នៅពហុកីឡដ្ឋានជាតិអូឡាំពិក ថ្ងៃទី១៩ ខែតុលា ឆ្នាំ២០២៤។
ការប្រកួតនេះពិតជាជួបការលំបាកខ្លាំងមែនទែនសម្រាប់យុវជនកម្ពុជាដោយត្រូវប្រឈមនឹងបង់ក្លាដែសដែលមានកាយសម្បទាធំ និងខ្ពស់ជាង។ ជាពិសេសការប្រកួតនៅវគ្គទី១បានតែ២៥នាទីប៉ុណ្ណោះសមាជិករបស់យុវជនកម្ពុជា គៀ វិសាល ត្រូវបានពិន័យកាតក្រហមបណ្តេញចេញពីទីលាន បន្ទាប់ពីទទួលបានកាតលឿងពីរដង ដូច្នេះយុវជនកម្ពុជាសល់គ្នាតែ១០នាក់លេងតទល់នឹងបង់ក្លាដែល១១នាក់។
បន្ទាប់ពីសល់គ្នា១០នាក់ ក្រុមភ្ញៀវបង់ក្លាដែសរឹតតែដាក់សម្ពាធខ្លាំងដែលជំរុញឲ្យម្ចាស់ផ្ទះកម្ពុជាកាន់តែព្យាយាមការពារ ប៉ុន្តែតែងតែដាក់សម្ពាធមិនឲ្យបង់ក្លាដែលលេងបាល់ដោយស្រួលនោះទេ។ ក្រៅពីការពារបានល្អ យុវជនកម្ពុជាក៏បានវាយសម្រុកទៅមុខទីរបស់ដៃគូប្រកួតដ៏គ្រោះថ្នាក់ផង ដោយទទួលបានឱកាសស៊ុតជាច្រើនលើកដែរ។
ទីបំផុត យុវជនកម្ពុជាបានបង្កើតភាពសប្បាយរីករាយយ៉ាងខ្លាំងដល់អ្នកគាំទ្ររបស់ខ្លួន បន្ទាប់ពីខ្សែប្រយុទ្ធ ថាច់ ដារ៉ូ ស៊ុតចូលនៅនាទី៨៥ដើម្បីទទួលបានជ័យជម្នះ និងទទួលបាន៣ពិន្ទុដ៏សំខាន់ដើម្បីប្រជែងកៅអីទៅជុំចុងក្រោយនៅឆ្នាំ២០២៥។
នៅថ្ងៃជាមួយគ្នានេះដែរ ក្រុមយុវជនហ្វីលីពីន ទទួលបានជ័យជម្នះយ៉ាងធំធេង លើ ម៉ាកាវ ដោយគ្រាប់បាល់ ៧-០។
នៅថ្ងៃចន្ទ ទី២១ ខែតុលា យុវជនកម្ពុជា នឹងប្រកួតជាមួយ ម៉ាកាវ ដែលជាការប្រកួតលើកទី២ ខណៈហ្វីលីពីន ត្រូវប្រកួតជាមួយក្រុម អាហ្វហ្គានីស្ថាន។
ពិន្ទុពូល B បណ្តោះអាសន្ន
- ហ្វីលីពីន មាន៣ពិន្ទុ (១ប្រកួត)
- កម្ពុជា មាន៣ពិន្ទុ (១ប្រកួត)
- អាហ្វហ្គានីស្ថាន មិនទាន់ប្រកួត
- បង់ក្លាដែស មាន០ពិន្ទុ (១ប្រកួត)
- ម៉ាកាវ មាន០ពិន្ទុ (១ប្រកួត)
អត្ថបទ៖ វីរបុត្រ
-
ព័ត៌មានអន្ដរជាតិ២១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ