កីឡា
កម្ពុជា ឈ្នះ ទីម័រខាងកើត ៦លើក ក្នុងជំនួប៩លើកចុងក្រោយ មុនប៉ះគ្នាល្ងាចនេះ
ការជួបគ្នា៩លើកចុងក្រោយ ក្រុមបាល់ទាត់ជម្រើសជាតិទីម័រខាងកើត បានយកឈ្នះ ក្រុមបាល់ទាត់ជម្រើសជាតិកម្ពុជាតែ១លើកប៉ុណ្ណោះ ខណៈកម្ពុជាឈ្នះ៦លើក និងស្មើគ្នា២លើក។
វេលាម៉ោង៥:៤៥នាទីល្ងាច ថ្ងៃទី១៧ ខែធ្នូ ឆ្នាំ២០២៤ ជាការជួបគ្នាលើកទី១០ចុងក្រោយដែល ក្រុមទីម័រខាងកើត លេងដោយគ្មានក្តីព្រួយបារម្ភអ្វីទាំងអស់ ដោយសារពួកគេបានធ្លាក់រួចទៅហើយ ដូច្នេះពួកគេនឹងលេងដើម្បីស្វែងរកកំណត់ត្រាល្អលើកម្ពុជា។
លោក Simón Elissetche គ្រូបង្វឹកក្រុមបាល់ទាត់ជម្រើសជាតិទីម័រខាងកើតបាននិយាយថា លោកសង្ឃឹមស្វែងរកបានពិន្ទុពីការប្រកួតជាមួយកម្ពុជា បើទោះបីជាក្រុមរបស់លោកបានធ្លាក់ហើយក្តី។ សម្រាប់បរាជ័យ៣លើកកន្លងមកបានធ្វើឲ្យក្រុមរបស់លោកមិនអាចស្វែងរកបានពិន្ទុសោះ ដូច្នេះលោកសង្ឃឹមអាចទទួលបានពិន្ទុសម្រាប់ការប្រកួតចុងក្រោយ។
លោកបាននិយាយថា លោកពិតជារីករាយណាស់ដែលបានដឹកនាំក្រុមមកប្រកួតជាមួយកម្ពុជា។ លោកបានតាមដានសកម្មភាពបាល់ទាត់កម្ពុជាយូរមកហើយគឺរីកចម្រើនគួរឲ្យកត់សំគាល់ មានក្លិបល្អៗច្រើន ការប្រកួតប្រជែងក្នុងលីគកំពូលកម្ពុជាកាន់តែខ្ពស់។ ជាពិសេសកីឡាកររបស់ទីម័រខាងកើតបានមកលេងនៅកម្ពុជាបន្តបន្ទាប់។ ទាំងនេះបញ្ជាក់ឲ្យឃើញពីភាពរីកចម្រើនរបស់បាល់ទាត់កម្ពុជាទាំងក្លិប និងជម្រើសជាតិ។
ចំណែក លោក Koji Gyotoku គ្រូបង្វឹកក្រុមកម្ពុជាពិតជាផ្តោតសំខាន់ខ្លាំងណាស់សម្រាប់ការប្រកួតល្ងាចនេះ។ លោកត្រូវរៀបចំកូនក្រុមយ៉ាងណាដើម្បីរកឲ្យបាន៣ពិន្ទុដាច់ខាតដើម្បីបន្តក្តីសង្ឃឹមឡើងទៅវគ្គបន្ត។ ប្រសិនបើលទ្ធផលត្រឹមស្មើគឺកម្ពុជាអស់ឱកាសហើយ។
លោកបាននិយាយថា ៖«និយាយពីក្ដីសង្ឃឹម និងឱកាសយើងនៅមាន។ គ្រាន់តែវាស្ដួចស្ដើងសម្រាប់យើង។ យើងនៅសល់២ប្រកួតទៀត។ អ្វីដែលខ្ញុំផ្ដោតសំខាន់បំផុតគឺការប្រកូតនៅថ្ងៃស្អែក ធ្វើយ៉ាងណាឲ្យទទួលបានលទ្ធផលល្អ ហើយនឹងការប្រកួតបន្ទាប់»។
ការជួបគ្នា៩លើកចុងក្រោយ កម្ពុជាបានឈ្នះ៦លើក ស្មើគ្នា២លើក និងទីម័រខាងកើតឈ្នះ១លើក។
- កម្ពុជា ឈ្នះ ៤-១ ក្នុងពាន AFF Championship ឆ្នាំ២០០៦
- កម្ពុជា ស្មើ ២-២ ក្នុងពាន AFF Championship ឆ្នាំ២០០៨
- កម្ពុជា ឈ្នះ ៤-២ ក្នុងពាន AFF Championship ឆ្នាំ២០១០
- កម្ពុជា ចាញ់ ១-៥ ក្នុងពាន AFF Championship ឆ្នាំ២០១២
- កម្ពុជា ឈ្នះ ៣-២ ក្នុងពាន AFF Championship ឆ្នាំ២០១៤
- កម្ពុជា ឈ្នះ ២-០ ក្នុងពាន AFF Championship ឆ្នាំ២០១៦
- កម្ពុជា ឈ្នះ ៣-២ ក្នុងពាន AFF Championship ឆ្នាំ២០១៦
- កម្ពុជា ស្មើ ២-២ មិត្តភាពអន្តរជាតិ ឆ្នាំ២០១៨
- កម្ពុជា ឈ្នះ ២-១ មិត្តភាពអន្តរជាតិ ឆ្នាំ២០២២
អត្ថបទ៖ វីរបុត្រ
-
ព័ត៌មានអន្ដរជាតិ១១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ