រួសរាន់ឡើង! ការ​ចុះឈ្មោះ​ប្រកួត​បាល់ទាត់ហ្រ្វីស្តាយល៍ ជិត​ដល់​ថ្ងៃបិទ

ការទទួលពាក្យចុះឈ្មោះចូលរួមប្រកួតកម្មវិធីបាល់ទាត់ ហ្វ្រេនហ្ស៊ី​ ហ្វ្រីស្ទាយល៍ (Frenzy Freestyle) នឹងបិទបញ្ចប់ថ្ងៃទី០១ ខែមករា ឆ្នាំ២០២៥ ខាងមុខនេះ។ សម្រាប់បេក្ខជនដែលមានបំណងចង់ចូលរួមប្រកួត អាចដាក់ពាក្យតាមតំណភ្ជាប់នឹងលក្ខន្តិកៈដូចខាងក្រោម។

• បេក្ខជនតម្រូវឱ្យថតវីដេអូនៃការលេងបាល់ទាត់ហ្វ្រីស្តាយល៍របស់ខ្លួន ដោយមិនលើសពី 2នាទី ហើយបង្ហោះនៅលើគណនីហ្វេសប៊ុក ( Facebook Account ) ផ្ទាល់ខ្លួន ដោយភ្ជាប់មកជាមួយនូវ Caption ដ៏ទាក់ទាញ និង Hashtag #prksvayrieng #frenzyfreestyle #competition។
• រួចរាល់ហើយបេក្ខជនត្រូវ Copy Link របស់វីដេអូដែលខ្លួនបានបង្ហោះរួច ដាក់ចូលទៅក្នុងទម្រង់បែបបទនៃការចុះឈ្មោះ (Registration Link)ខាងក្រោមនេះជាការស្រេច​https://docs.google.com/…/1FAIpQLSesNhr3…/viewform…

កម្មវិធីប្រកួតនេះជាកម្មវិធីដ៏ថ្មីស្រឡាងមួយនៅកម្ពុជា ដែលការចុះឈ្មោះចូលរួមគឺបើកទូលាយ​ដល់សាធារណជនគ្រប់រូប និងគ្រប់ជាតិសាសន៍ ដែលមានអាយុចាប់ពី ១០ឆ្នាំដល់៤០ឆ្នាំ។ ក្នុងនោះផងដែរក្នុងការប្រកួតដ៏គួរអោយចាប់អារម្មណ៍មួយនេះ គណៈកម្មការវាយតម្លៃដែលមានជំនាញទៅតាមផ្នែកនីមួយៗនឹងជ្រើសរើសបេក្ខជនដែលមានសមត្ថភាព និងស្របតាមលក្ខខណ្ឌបច្ចេកទេសចំនួន ៣២នាក់ ក្រោយបានឆ្លងកាត់វគ្គជម្រុះដំបូង ដើម្បីមកប្រកួតគ្នានៅលើឆាក នៃស្ថានីយទូរទស្សន៍បាយ័នបឹងស្នោ (រាជធានីភ្នំពេញ)។

ជាឱកាសដ៏សំខាន់មួយដើម្បីលើកទឹកចិត្តដល់អ្នកដែលស្រឡាញ់ និងចូលចិត្តកីឡាមួយប្រភេទនេះ ឱ្យបានចូលរួមបង្ហាញសមត្ថភាព ទេពកោសល្យ និងជាការចូលរួមចំណែកពង្រីកសក្តានុពលនៃវិស័យកីឡាមួយនេះ ឱ្យឈានទៅមុខមួយកម្រិតទៀតផងដែរ។ គួរបញ្ជាក់ផងដែរថា កម្មវិធីប្រកួតកីឡាមួយប្រភេទនេះជាលើកទីមួយនៅកម្ពុជា ដែលក្លិបបាល់ទាត់ព្រះខ័នរាជស្វាយរៀងបានបង្កើតឡើង។ ចុះឈ្មោះជាមួយកម្មវិធីនេះ ដើម្បីបង្ហាញសមត្ថភាពរបស់អ្នក ពានរង្វាន់ មេដាយ និងទឹកប្រាក់សរុប ៥,០០០,០០០៛ កំពុងរង់ចាំអ្នក៕