កីឡា
វិសាខា បង្ហាញសមត្ថភាពពិតយកឈ្នះក្រុមខ្លាំងៗក្នុងសប្តាហ៍ចុងក្រោយជុំទី១
ក្រុមបាល់ទះវិសាខា បានបង្កការចាប់អារម្មណ៍យ៉ាងខ្លាំងក្នុងសប្តាហ៍ចុងក្រោយនៃជុំទី១ បាល់ទះតេជោលីគរដូវកាល២០២៥ បន្ទាប់ពីយកឈ្នះក្រុមខ្លាំង បញ្ជាការដ្ឋានអង្គរក្ស និងក្រសួងមហាផ្ទៃ។
នៅសប្តាហ៍ទី១ វិសាខា បានយកឈ្នះ ក្រុមខេត្តស្វាយរៀង ដោយលទ្ធផល ៣-២ ដែល គួន ម៉ុម បានក្លាយជាកីឡាករល្អប្រចាំការប្រកួត។ ការប្រកួតទី២ ពួកគេបានយកឈ្នះ ក្រុមខេត្តពោធិ៍សាត់ ដោយលទ្ធផល ៣-០ ដែល ស ពិសី បានក្លាយជាកីឡាករល្អប្រចាំការប្រកួត។ ការប្រកួតទី៣ ពួកគេ បានចាញ់ ស្នងការដ្ឋាននគរបាលរាជធានីភ្នំពេញ ដោយលទ្ធផល ២-៣ ដែលបានធ្វើឲ្យអ្នកគាំទ្រគិតថា ប្រសិនបើ នៅតែបង្ហាញទម្រង់លេងបែបនេះគឺពិបាកប្រជែងជើងឯករដូវកាលនេះណាស់។
ចូលសប្តាហ៍ទី២ ពួកគេបានយកឈ្នះ ក្រុមខេត្តតាកែវ ដោយលទ្ធផល ៣-១ ដែលកីឡាករ លឹម ចិត្រា បានក្លាយជាកីឡាករល្អប្រចាំការប្រកួត ប៉ុន្តែការប្រកួតទី៥ ពួកគេបានចាញ់ កងពលធំអន្តរាគមន៍លេខ៣ ដោយលទ្ធផល ២-៣។
សប្តាហ៍ចុងក្រោយនៃវគ្គសន្សំពិន្ទុជុំទី១ វិសាខា បានជួបសុទ្ធតែក្រុមខ្លាំងគឺ ក្រុមលេខ១ ក្រសួងមហាផ្ទៃ និងក្រុមលេខ២ បញ្ជាការដ្ឋានអង្គរក្ស ប៉ុន្តែពួកគេមិនបានធ្វើឲ្យអ្នកគាំទ្រខកបំណងឡើយ។ ពួកគេបានផ្តល់ឲ្យ ក្រុមក្រសួងមហាផ្ទៃ ស្គាល់បរាជ័យជាលើកដំបូងតាមរយៈលទ្ធផល ៣-២ និងចុងក្រោយបានយកឈ្នះ បញ្ជាការដ្ឋានអង្គរក្ស ដោយលទ្ធផល ៣-២ ទៀត។
អ្វីដែលគួរឲ្យចាប់អារម្មណ៍រាល់ការប្រកួតសិតទី៥ គឺ វិសាខា ធ្វើបានល្អណាស់។ ជាពិសេសតារាឆ្នើម គួន ម៉ុម វាយសេវាកាចធ្វើឲ្យដៃគូពិបាកទប់ និងពេលខ្លះរកបានពិន្ទុតាមរយៈវាយសេវាថែមទៀត។ ដូច្នេះហើយបានជា គួន ម៉ុម បានក្លាយជាកីឡាករល្អប្រចាំការប្រកួត២លើកចុងក្រោយ។
ការប្រកួតសន្សំពិន្ទុវិលជុំទី១ បានបញ្ចប់ហើយដោយក្រុមខេត្តពោធិ៍សាត់ និងក្រុមខេត្តតាកែវត្រូវបានកាត់ចេញ បន្ទាប់ពីពួកគេរកបាន៣ពិន្ទុដូចគ្នា ក្នុងការប្រកួតឈ្នះ១ និងចាញ់៦ដូចគ្នា។
ក្រុមឡើងវគ្គវិលជុំសន្សំពិន្ទុ ទី២គឺ
- ក្រសួងមហាផ្ទៃ (ឈ្នះ៦ ចាញ់១ រកបាន១៩ពិន្ទុ)
- បញ្ជាការដ្ឋានអង្គរក្ស (ឈ្នះ៥ ចាញ់២ រកបាន១៥ពិន្ទុ)
- វិសាខា (ឈ្នះ៥ ចាញ់២ រកបាន១៤ពិន្ទុ)
- រាជធានីភ្នំពេញ (ឈ្នះ៤ ចាញ់៣ រកបាន១២ពិន្ទុ(
- ខេត្តស្វាយរៀង (ឈ្នះ៣ ចាញ់៤ រកបាន១០ពិន្ទុ)
- កងពលធំអន្តរាគមន៍លេខ៣ (ឈ្នះ៣ ចាញ់៤ រកបាន៨ពិន្ទុ)
សូមបញ្ជាក់ថា ការប្រកួតជុំទី២ មិនរាប់ពិន្ទុកាលពីជុំទី១ចូលទេ គឺការប្រកួតសន្សំពិន្ទុជាថ្មីដើម្បីរក៤ក្រុមឡើងទៅកាន់វគ្គខ្វែង៕
អត្ថបទ៖ វីរបុត្រ
-
ព័ត៌មានអន្ដរជាតិ២១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ