កីឡា

ពានបាល់ទាត់ក្រសួងមហាផ្ទៃ លើកទី២ ឈានដល់វគ្គពាក់កណ្ដាលផ្ដាច់ព្រ័ត្រថ្ងៃស្អែក

បានផុស

៣ ម៉ោង មុន

នៅ

ថ្ងៃព្រហស្បតិ៍ ៦ មីនា ២០២៥

ដោយ

ពានរង្វាន់បាល់ទាត់ក្របខណ្ឌនគរបាលជាតិរបស់ក្រសួងមហាផ្ទៃ បានឈានដល់វគ្គពាក់កណ្ដាលផ្ដាច់ព្រ័ត្រហើយនៅថ្ងៃសុក្រ ទី៧ ខែមីនា ឆ្នាំ២០២៥ ខណៈការប្រកួតនឹងចាប់ផ្ដើមពីម៉ោង ៤ល្ងាចតទៅនៅតារាងវិទ្យាល័យបឹងត្របែក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្មវិធីវគ្គពាក់កណ្ដាលផ្ដាច់ព្រ័ត្រ

ចាប់តាំងពីប្រកួតដំបូងថ្ងៃទី១៦ ខែមករា ឆ្នាំ២០២៥ រហូតមកដល់ពេលនេះសរុបមាន ១៩ប្រកួតមកហើយដោយរកឃើញក្រុមខ្លាំងចំនួន ៤ក្រុមដែលអាចឡើងដល់វគ្គពាក់កណ្ដាលផ្ដាច់ព្រ័ត្រនៅថ្ងៃស្អែកនេះ។ ក្រុមឆ្នើមទាំង ៤នោះរួមមាន៖ ក្រុមប្រឹក្សាកីឡាក្រសួងមហាផ្ទៃ ក្រុមអន្តោប្រវេសន៍មានជ័យ ក្រុមខុទ្ទកាល័យឯកឧត្ដមអភិសន្តិបណ្ឌិត និង ក្រុមអគ្គស្នងការនគរបាលជាតិ។

រូបភាពផេកក្រុមប្រឹក្សាកីឡាក្រសួងមហាផ្ទៃ

សម្រាប់ជំនួបវគ្គពាក់កណ្ដាលផ្ដាច់ព្រ័ត្រនេះគឺ ក្រុមប្រឹក្សាកីឡាក្រសួងមហាផ្ទៃ ប៉ះ ក្រុមអគ្គស្នងការនគរបាលជាតិ ចំណែក ក្រុមអន្តោប្រវេសន៍មានជ័យ ប៉ះ ក្រុមខុទ្ទកាល័យឯកឧត្ដមអភិសន្តិបណ្ឌិត។ រង់ចាំតាមដាន និងទស្សនាមើលរវាងក្រុមជើងឯកឆ្នាំមុន និងក្រុមខ្លាំងទាំង៣ខាងលើនរណាអាចឡើងទៅវគ្គផ្ដាច់ព្រ័ត្របាននៅស្អែកនេះ។

រូបភាពផេកក្រុមប្រឹក្សាកីឡាក្រសួងមហាផ្ទៃ

បញ្ជាក់ដែរថា ពានរង្វាន់បាល់ទាត់ក្រសួងមហាផ្ទៃនេះជាការផ្ដួចផ្ដើមបង្កើតឲ្យមានឡើងដោយឯកឧត្ដមអភិសន្តិបណ្ឌិត ស សុខា ក្នុងគោលបំណងរឹតចំណងមិត្តភាព បង្កើនសាមគ្គីភាព និងលើកកម្ពស់សុខមាភាពដល់មន្ត្រីនគរបាលផងដែរ។ នេះជាឆ្នាំទី២ ហើយដែលបានរៀបចំឲ្យមានជាការប្រកួតនេះឡើង ស្របពេលវគ្គផ្ដាច់ព្រ័ត្រនឹងធ្វើឡើងនៅថ្ងៃទី១១ ខែមីនា ឆ្នាំ២០២៥ ខាងមុខនេះ៕