កីឡា
Keisuke Honda ផ្ញើសារ២ឃ្លាផ្សេងគ្នា លើ Facebook និង Twitter ក្រោយបន្តកិច្ចសន្យាដឹកនាំក្រុមកម្ពុជាដល់ឆ្នាំ២០២៣
នៅថ្ងៃពុធ ទី២៤ ខែមីនា ឆ្នាំ២០២១ នេះសហព័ន្ធកីឡាបាល់ទាត់កម្ពុជា បានបញ្ជាក់នៅលើទំព័រហ្វេសប៊ុកផ្លូវការរបស់ខ្លួនថាលោក Keisuke Honda នឹងបន្តដឹកនាំក្រុមជម្រើសជាតិកម្ពុជា ទាំងឈុតយុវជនក្រោមអាយុ២៣ឆ្នាំនិងឈុតធំ រហូតដល់ឆ្នាំ២០២៣ ខាងមុខ ខណៈកិច្ចសន្យាចាស់របស់ភាគីទាំង២ធ្វើឡើងលើកទី១កាលពីឆ្នាំ២០១៨ កន្លងទៅ។
«សហព័ន្ធកីឡាបាល់ទាត់កម្ពុជា និងលោក Keisuke Honda រួមជាមួយសហការីរបស់គាត់ បានព្រមព្រៀងបន្តកុងត្រាថ្មី ដើម្បីដឹកនាំក្រុមជម្រើសជាតិកម្ពុជា ទាំងឈុតធំ និងអាយុក្រោម ២៣ឆ្នាំ ឆ្ពោះទៅ ស៊ីហ្គេមឆ្នាំ២០២៣ ដែលកម្ពុជានឹងត្រូវធ្វើជាម្ចាស់ផ្ទះ»។ នេះជាសារទាំងស្រុករបស់សហព័ន្ធកីឡាបាល់ទាត់កម្ពុជា។
ប៉ុន្មានម៉ោងក្រោយសហព័ន្ធកីឡាបាល់ទាត់កម្ពុជា ប្រកាសផ្លូវការ លោក Keisuke Honda បានសរសេរសារ២ឃ្លារផ្សេងគ្នាទាំងនៅលើទំព័រហ្វេសប៊ុក និងtwitter។ «ខ្ញុំនឹងខំបន្តធ្វើអោយអស់ពីសមត្ថភាពរបស់ខ្ញុំ សូមអរគុណចំពោះការគាំទ្រកន្លងមក!»។ នេះជាសំណេរជាភាសាខ្មែរនៅលើហ្វេសប៊ុករបស់ Honda។ ចំណែកនៅលើគណនី twitter វិញ Honda បានសរសេរឃ្លាថ្មីថា៖«ខ្ញុំមានកិត្តិយសណាស់ដែលបានបន្តកិច្ចសន្យាជាមួយក្រុមជម្រើសជាតិកម្ពុជា រហូតដល់ធ្វើជាម្ចាស់ផ្ទះព្រឹត្តិការណ៍កីឡាស៊ីហ្គេមឆ្នាំ២០២៣ ខាងមុខ»។
ក្រៅពីផែនការទៅដល់ឆ្នាំ២០២៣ Honda មានតួនាទីដឹកនាំក្រុមជម្រើសជាតិកម្ពុជា ក្នុងយុទ្ធនាការជាច្រើននៅក្នុងឆ្នាំ២០២១ នេះដូចជា ប្រកួតជម្រុះក្នុងវគ្គជម្រុះពានរង្វាន់ 2022 FIFA World Cup ជុំទី២ប្រចាំទ្វីបអាស៊ី ប្រកួតក្នុងវគ្គជម្រុះជើងឯកទ្វីបអាស៊ី នៅប្រទេសបារ៉ែន ប្រកួតកីឡាស៊ីហ្គេមឆ្នាំ២០២១ នៅវៀតណាម និងប្រកួតពានរង្វាន់ជើងឯកតំបន់អាស៊ាន AFF Suzuki Cup 2020 ជាដើម។ កីឡាករ Keisuke Honda បានចូលនិវត្តន៍ពីបាល់ទាត់ជម្រើសជាតិជប៉ុន ក្រោយចប់បេសកម្មក្នុងពានរង្វាន់ 2018 FIFA World Cup នៅប្រទេសរុស្ស៊ី ពេលក្រុមជម្រើសជាតិជប៉ុន ធ្លាក់នៅវគ្គ១៦ក្រុមចុងក្រោយ។ ថ្មីៗនេះរូបគេបានចុះកិច្ចសន្យាប្រកបអាជីពជាមួយក្លិបបាល់ទាត់ Neftçi PFK ក្នុងលីគកំពូលប្រទេសអាហ្សេបៃហ្សង់ ក្នុងទ្វីបអឺរ៉ុប៕
អត្ថបទ៖ ម៉េង ហួរ
សូមចុចអាន៖ ថ្នាក់ដឹកនាំ និង បុគ្គលិក ក្លិបវិសាខាចំនួន១៦៦នាក់ ធ្វើតេស្តកូវីដ១៩លើកទី២ អវិជ្ជមានទាំងអស់
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៥ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង