កីឡា
AFC ថា នឹងមានមនុស្ស៦ម៉ឺននាក់លើកទឹកចិត្ត ព្រះខ័នរាជស្វាយរៀង យប់នេះ
សហព័ន្ធកីឡាបាល់ទាត់អាស៊ី (AFC) បានធ្វើការវិភាគលើការប្រកួតវគ្គផ្តាច់ព្រ័ត្រ ពានរង្វាន់ AFC Challenge League រវាង ព្រះខ័នរាជស្វាយរៀង និង FK Arkadag វេលាម៉ោង៧យប់ ថ្ងៃទី១០ ខែឧសភា ឆ្នាំ២០២៥ នៅពហុកីឡដ្ឋានជាតិ មរតកតេជោ ដោយរំពឹងមានអ្នកគាំទ្រប្រមាណ៦ម៉ឺននាក់មើលផ្ទាល់។
មុនឈានដល់វគ្គផ្តាច់ព្រ័ត្រ ព្រះខ័នរាជស្វាយរៀង បានកំពុងជោគជ័យនៅក្នុងរដូវកាលនេះដោយការពារជើងឯកលីគកំពូលកម្ពុជាបានសម្រេច និងឈានដល់វគ្គផ្តាច់ព្រ័ត្រ ពានរង្វាន់ AFC Challenge League ព្រមទាំងឈានដល់វគ្គពាក់កណ្តាលផ្តាច់ព្រ័ត្រពានរង្វាន់សម្តេចតេជោ ហ៊ុន សែន។
ចំណែកក្រុម Arkadag ទើបតែចាប់ផ្តើមយុទ្ធនាការការពារជើងឯកលីគកំពូលតួកមេនីស្ថានបាន៥ប្រកួតប៉ុណ្ណោះពោលគឺឈ្នះទាំង៥ប្រកួត ហើយឈានដល់វគ្គផ្តាច់ព្រ័ត្រ AFC Challenge League។
គ្រូបង្វឹក ព្រះខ័នរាជស្វាយរៀង លោក Munoz បាននិយាយក្នុងសន្និសីទសារព័ត៌មានថា ការឈានដល់វគ្គផ្តាច់ព្រ័ត្រគឺជារឿងដ៏លំបាក ហើយការប្រកួតវគ្គផ្តាច់ព្រ័ត្រគឺផ្តោតសំខាន់លើការគ្រប់គ្រងស្មារតីឲ្យមានទំនុកចិត្ត។
លោកថា ៖«នេះជាការប្រកួតដ៏រំភើបរំផុត។ នេះជាអ្វីដែលយើងចង់បាន ហើយរឹតតែពិសេសនោះគឺការប្រកួតនៅលើទឹកដីកម្ពុជា។ យើងហ្វឹកហាត់ខ្លាំងបំផុត ហើយយើងនឹងផ្តល់ការប្រកួតដ៏អស្ចារ្យដល់អ្នកគាំទ្ររបស់យើង»។
ក្លិបព្រះខ័នរាជស្វាយរៀងបានប្រកាសពីសំបុត្រចំនួន ៥៣ ០០០សន្លឹកត្រូវបានលក់អស់ ប៉ុន្តែសហព័ន្ធកីឡាបាល់ទាត់អាស៊ីបានលើកឡើងថា ក្លិបព្រះខ័នរាជស្វាយរៀងនឹងមានអ្នកគាំទ្រប្រមាណ៦ម៉ឺននាក់ដើម្បីស្រែកហ៊ោគាំទ្រពួកគេក្នុងព្រឹត្តិការណ៍ជាប្រវត្តិសាស្ត្រធំបំផុតនៅកម្ពុជា។
លោក Munoz បាននិយាយថា ៖«ខ្ញុំពិតជាអរគុណជាពិសេសដល់អ្នកគាំទ្រ ពីព្រោះខ្ញុំដឹងថា ការស្វែងរកសំបុត្រពិតជាពិបាក។ ការប្រកួតនឹងផ្សាយបន្តតាម LED ទូទាំងប្រទេស ហើយយើងនឹងផ្តល់ឲ្យពួកគាត់សប្បាយរីករាយ»។
ចំណែកលោក Allaberdiyev គ្រូបង្វឹក Arkadag បានលើកឡើងថា គឺត្រូវតែឈ្នះតែម្យ៉ាងគត់ដែលនឹងផ្តល់កូនក្រុមរបស់លោកកាន់តែមានទំនុកចិត្ត និងបទពិសោធសម្រាប់អាជីពរបស់ពួកគេ។
«យើងនឹងប្រឹងឲ្យអស់លទ្ធភាពដើម្បីឈ្នះ ពីព្រោះវាជាការប្រកួតដ៏សំខាន់សម្រាប់ពួកយើង។ វាមិនមែនជាការងាយស្រួលទេដែលឈានដល់វគ្គផ្តាច់ព្រ័ត្រ។ ពេលយើងឈានដល់វគ្គផ្តាច់ព្រ័ត្រហើយ មានន័យថា យើងកំពុងធ្វើរឿងត្រឹមត្រូវហើយ។ យើងនឹងលើកពាន»។ លោកសង្កត់ថា ការលេងនៅលើទីលានដែលមានអ្នកគាំទ្រពេញគឺរឹតតែធ្វើឲ្យពួកគាត់មានកម្លាំងចិត្ត និងអារម្មណ៍ពុះកញ្ជ្រោលដើម្បីជ័យជម្នះ»៕
អត្ថបទ៖ វីរបុត្រ
AFC ថា នឹងមានមនុស្ស៦ម៉ឺននាក់លើកទឹកចិត្ត ព្រះខ័នរាជស្វាយរៀង យប់នេះ
ផ្លូវបេតុងថ្មី ១ ខ្សែ ប្រវែងជិត ២ ពាន់ម៉ែត្រ លេចរូបរាងឡើងនៅក្រុងសែនមនោរម្យ ស្ថាបនាបានជាង ៨០% ហើយ
គួច ខេវិន ជូនប៉ុន្មានប្រយោគទៅ មាស សុខសោភា ព្រោះសោកស្តាយ ដែលនាងជ្រើសបញ្ចប់ជីវិតគូ ភ្ជាប់ខ្លួនទៅនឹងជំនឿ
ប៉ាគីស្ថានចោទឥណ្ឌាថាបាញ់មីស៊ីលលើមូលដ្ឋានទ័ពអាកាសរបស់ខ្លួនចំនួនបីកន្លែង
លោក Munoz ថា Arkadag ជាក្រុមលេងដាក់សម្ពាធខ្លាំង
ខែលអាកាសដែលឥណ្ឌាប្រើបាញ់ដ្រូនប៉ាគីស្ថាន តាមពិតលួចទិញពីរុស្ស៊ីក្នុងតម្លៃជាង៥ពាន់លានដុល្លារ
សម្ដេចធិបតី៖ កុំរៀន៤ ឆ្នាំ មានតែសញ្ញាបត្រ អ្វីក៏មិនចេះ ធ្វើការមិនកើត មិនចេះទាំងប្រើ Microsoft Wordទៀត
វេជ្ជបណ្ឌិត គួច ម៉េងលី ប្រាប់ពីវិធីសាស្រ្តរករោគសញ្ញា និងវិធីការពារជំងឺមហារីក
វិធីសាស្ត្រតែមួយគត់! អាចបង្ការខ្លួនពីដំណាក់កាលមហារីកធ្ងន់ធ្ងរមិនអាចព្យាបាលជាសះស្បើយ
អ៊ុយក្រែន៖ រុស្ស៊ីបំពានបទឈប់បាញ់ខ្លួនឯង ដោយវាយប្រហារ២២០លើកក្នុងរយៈពេល២៤ម៉ោង
-
ព័ត៌មានជាតិ៧ ថ្ងៃ agoមណ្ឌលគិរី! ជន្លង់ម្រេចរបស់កសិករ ត្រូវបានសមត្ថកិច្ចរឹបអូសដោយពុំមានមូលហេតុ
-
ព័ត៌មានអន្ដរជាតិ៣ ថ្ងៃ agoប៉ាគីស្ថានបាញ់ទម្លាក់យន្តហោះចម្បាំងឥណ្ឌា៥គ្រឿង ខណៈជនស៊ីវិលស្លាប់កើនឡើងជាបន្ត
-
ព័ត៌មានអន្ដរជាតិ៦ ថ្ងៃ agoរុស្ស៊ីព្រមានអ៊ុយក្រែន បើហ៊ានវាយប្រហារថ្ងៃ៩ឧសភា ក្រុងកៀវទំនងមិនអាចរស់ដល់ថ្ងៃ១០ឧសភាទេ
-
ព័ត៌មានអន្ដរជាតិ៤ ថ្ងៃ agoត្រាំ ងាកទៅរកមេដឹកនាំដ៏មានឥទ្ធិពលមួយរូប ឲ្យជួយបញ្ចប់សង្គ្រាម រុស្ស៊ី-អ៊ុយក្រែន
-
ព័ត៌មានជាតិ២ ថ្ងៃ agoស្នងការខេត្តកំពង់ធំអះអាងថា ការចោទប្រកាន់របស់លោក សុន ឆ័យ គឺជាការបំផ្លើស គ្មានមូលដ្ឋានច្បាស់លាស់
-
ព័ត៌មានអន្ដរជាតិ១ សប្តាហ៍ agoបាតុករថៃចេញតវ៉ា ខណៈគណៈកម្មាធិការព្រំដែនទូទៅកម្ពុជា-ថៃជួបប្រជុំនៅបាងកក
-
ព័ត៌មានជាតិ២ ថ្ងៃ agoអាជ្ញាធរខណ្ឌ៧មករា ទុកឱសានវាទ៣ថ្ងៃ ដល់ក្រុមអាជីវករលក់ទុរេន នៅផ្លូវព្រះសីហនុ បង្កភាពអនាធិបតេយ្យ
-
ព័ត៌មានអន្ដរជាតិ៤ ថ្ងៃ agoរុស្ស៊ី បិទព្រលានយន្តហោះធំទាំងអស់នៅមូស្គូ ក្រោយអ៊ុយក្រែន បញ្ជូនដ្រូនវាយប្រហារទ្រង់ទ្រាយធំ ២យប់ជាប់គ្នា