កីឡា

លោក ពេជ្រ សុផាន់ និង ពេជ្រ សម្បត្តិ និយាយអ្វីខ្លះមុនប៉ះ សុខ ធី…

បានផុស

២ នាទីutes មុន

នៅ

ថ្ងៃព្រហស្បតិ៍ ៥ មិថុនា ២០២៥

ដោយ

ដំណឹងនៃការប៉ះគ្នារវាង ពេជ្រ សម្បត្តិ និង សុខ ធី ពិតជាកក្រើកមែនលើបណ្ដាញសង្គម ខណៈគ្រាន់តែមកដល់ដីខ្មែរភ្លាមមានអ្នកសម្ភាសក៏ដូចជាសួរនាំលោក ពេជ្រ សុផាន់ តែម្ដងអំពីការប្រកួតមួយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពហ្វេសបុកលោក ពេជ្រ សុផាន់

ទាក់ទិនទៅនិងការលើកឡើងរបស់លោក ពេជ្រ សុផាន់ ក្រោយមកពីសហរដ្ឋអាមេរិកបញ្ជាក់ថា ការប៉ះគ្នារវាងកូនរបស់លោកគឺ ពេជ្រ សម្បត្តិ និង សុខ ធី លើកនេះជាកាដូជូនអ្នកគាំទ្រគុនខ្មែរដែលចង់ឃើញការប្រកួតនេះកើតឡើងជាយូរមកហើយ។ មួយវិញទៀតមួយរយៈពេលចុងក្រោយនេះការប្រកួតគុនខ្មែរហាក់សូវមានការគាំទ្រច្រើន ឬកក្រើកដូចមុន ដូច្នេះការប៉ះគ្នារវាងអ្នកទាំងនឹងធ្វើឲ្យកក្រើក និងផ្ទុះការគាំទ្រខ្លាំង។

កីឡាករ សុខ ធី

ចំណែក ពេជ្រ សម្បត្តិ បានលើកឡើងដែរថា ចំពោះការប៉ះរៀមច្បង សុខ ធី គឺមិនមានអារម្មណ៍ខុសប្លែកអ្វីទេ ពោលធម្មតា។ ព្រោះជាកីឡាករប្រដាល់ មុន និងក្រោយ គង់តែប្រកួតប៉ះគ្នាទេ។ សម្បត្តិ បញ្ជាក់ទៀតថា សុខ ធី ជាកីឡាករជើងចាស់ និងមានបទពិសោធច្រើនក្នុងអាជីពប្រដាល់នេះ។ ចំណែករូបគេជាកីឡាករទើបប្រឡូកបានជាង ៤ឆ្នាំប៉ុណ្ណោះ ប៉ុន្តែសមត្ថភាពយ៉ាងណារង់ចាំទស្សនាថ្ងៃប្រកួតមកដល់ទើបបានដឹង។

រូបភាពហ្វេសបុកលោក ពេជ្រ សុផាន់

បញ្ជាក់ដែរថា ជំនួបរវាង សុខ ធី និង ពេជ្រ សម្បត្តិ នេះគឺជាការរៀបចំដោយទូរទស្សន៍ហង្សមាស។ ការប្រកួតរវាងជើងខ្លាំងគុនខ្មែរទាំង២រូបនេះនឹងធ្វើឡើងនៅថ្ងៃទី២៨ ខែមិថុនា ឆ្នាំ២០២៥។ ជាការប្រកួតដណ្ដើមខ្សែក្រវាត់វាយលក្ខណៈប្រើហ្គង់ធំ រយៈពេលចំនួន ៥ទឹក៕

អត្ថបទដោយ៖ នួន ស៊ីណា