កីឡា

លោក ហែម គីរី សហព័ន្ធហែលទឹកសម្លឹងមើលធនធានថ្នាលល្អៗឆ្ពោះទៅការប្រកួតយុវជនអាស៊ី ឆ្នាំ២០២៩

បានផុស

១១ ខែ មុន

នៅ

ថ្ងៃសៅរ៍ ៥ កក្កដា ២០២៥

ដោយ

សហព័ន្ធខ្មែរកីឡាហែលទឹក សម្លឹងរកមើលធនធានថ្នាលនៅតាមការប្រកួតនានាដើម្បីស្វែងរកអ្នកមានសមត្ថភាពលេចធ្លោដើម្បីហ្វឹកហាត់ត្រៀមឆ្ពោះទៅការប្រកួតជើងឯកយុវជនអាស៊ី ឆ្នាំ២០២៩ ដែលកម្ពុជានឹងធ្វើជាម្ចាស់ផ្ទះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពប្រកួត

លោក ហែម គីរី អគ្គលេខាធិការសហព័ន្ធខ្មែរកីឡាហែលទឹកបានឲ្យដឹងថា ការប្រកួតដែលសហព័ន្ធរៀបចំពិសេសសម្រាប់ក្មេងៗចាប់ពីនេះតទៅគឺជាឱកាសល្អក្នុងការស្វែងរកនូវយុវជនដែលមានសមត្ថភាពល្អលេចធ្លោអាចបណ្ដុះបណ្ដាលបាន។

លោក ហែម គីរី

ជាក់ស្ដែងដូចជាព្រឹត្តិការណ៍ប្រកួតកុមារ ប្រចាំឆ្នាំ២០២៥ ព្រឹកមិញនេះគឺមានកុមារ យុវជន រហូតដល់ទៅ ១២៨នាក់មកពីបណ្ដាសាលាឯកជន ក្លឹបផ្សេងៗចូលរួមប្រកួតបញ្ចេញសមត្ថភាពយ៉ាងច្រើន។ សហព័ន្ធបានសម្លឹងមើលជាបណ្ដើរៗនឹងទំនាក់ទំនងអ្នកដែលមានសមត្ថភាពលេចធ្លោទាំងនោះដើម្បីហ្វឹកហាត់ត្រៀមឆ្ពោះទៅឆ្នាំ២០២៩ ខាងមុខ។

ទិដ្ឋភាពប្រកួត

ងាកមកការប្រកួតកុមារ ប្រចាំឆ្នាំ២០២៥ នេះវិញអគ្គលេខាធិការខាងលើបន្ថែមទៀតថា ឆ្នាំទី២នេះមានអ្នកចូលរួមប្រកួតច្រើន និងមានការសហការគាំទ្រកាន់តែច្រើនពីបណ្ដាក្លឹបហាត់ផ្សេងៗ និងសាលាឯកជន។ ព្រឹត្តិការណ៍នេះគឺជាការផ្ដល់ឱកាសដល់កុមារ យុវជន បានប្រកួតប្រជែងគ្នាផង និងជាការទទួលបទពិសោធជាក់ស្ដែងក្នុងការប្រកួតសម្រាប់ពួកគេផង។

លោក ហែម គីរី

បញ្ជាក់ដែរថា នៅព្រឹកថ្ងៃទី៥ ខែកក្កដា ឆ្នាំ២០២៥ នេះសហព័ន្ធខ្មែរកីឡាហែលទឹកបានរៀបចំការប្រកួតហែលទឹកផ្នែកកុមារ ឆ្នាំ២០២៥ នៅអាងហែលទឹកក្នុងពហុកីឡដ្ឋានជាតិ។ ការប្រកួតនេះមាន ៦វិញ្ញាសា និងបែងចែកតាមប្រភេទអាយុ ៦ឆ្នាំចុះក្រោម និងប្រភេទអាយុចាប់ពី ៧ឆ្នាំឡើងរហូតដល់ ១២ឆ្នាំផងដែរ។ អ្នកចូលរួមប្រកួតមានរហូតដល់ទៅ១២៨នាក់។ ចំពោះប្រភេទអាយុ ១២ឆ្នាំនេះជាកម្រិតអាយុដែលសហព័ន្ធត្រូវសម្លឹងមើលត្រៀមឆ្ពោះទៅព្រឹត្តិការណ៍យុវជនអាស៊ី ឆ្នាំ២០២៩៕

លោក ហែម គីរី

អត្ថបទដោយ៖ នួន ស៊ីណា

Related Topics:កីឡាហែលទឹក

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា