កីឡា

ការបរាជ័យធ្ងន់ធ្ងរនឹកស្មានមិនដល់នៅ SEA V League សហព័ន្ធបាល់ទះមានយុទ្ធសាស្ត្រប្រែប្រួលថ្មីយ៉ាងណាទម្រាំដល់ស៊ីហ្គេម

បានផុស

២ នាទីutes មុន

នៅ

ថ្ងៃអង្គារ ២២ កក្កដា ២០២៥

ដោយ

ការបរាជ័យដ៏ធ្ងន់ធ្ងរ និងនឹកស្មានមិនដល់របស់ក្រុមបាល់ទះជម្រើសជាតិកម្ពុជា វាហាក់ដូចជាធ្វើឲ្យម្នាក់ៗទទួលយកមិនចង់បានទាំងសហព័ន្ធបាល់ទះខ្លួនឯង កីឡាករ និងអ្នកគាំទ្រផងដែរ។ ដោយសារតែភាពខ្លាំង ការរីកចម្រើន និងភាពជោគជ័យជាច្រើននាពេលកន្លងមកទើបមិននឹកស្មានថាកម្ពុជា ៨ប្រកួតនៅ SEA V League មិនអាចឈ្នះសូម្បីមួយប្រកួតបែបនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អាំង សិរីពិសិដ្ឋ អនុប្រធាន និងអគ្គលេខាធិការ

បន្ទាប់ពីរងបរាជ័យ និងទទួលបានបទពិសោធដ៏អាក្រក់មួយនេះរួចមកទាំងកីឡាករ ថ្នាក់ដឹកនាំមានការបាក់ទឹកចិត្តជាខ្លាំងចំពោះលទ្ធផល នៃការប្រកួតទាំងពីរជើងនៅឯប្រទេសហ្វីលីពីន និងប្រទេសឥណ្ឌូណេស៊ីដែលទើបបញ្ចប់ទៅនេះ។

បើក្រុមបាល់ទះជម្រើសជាតិកម្ពុជានៅបន្តប្រើប្រាស់ទម្រង់លេងបែបនេះ ឬយុទ្ធសាស្ត្រហ្វឹកហាត់ដូចពេលនេះច្បាស់ណាស់ការប្រកួតស៊ីហ្គេម លើកទី៣៣ នៅខែធ្នូ ឆ្នាំ២០២៥ នៅឯប្រទេសថៃ លើកនេះអាចនឹងពិបាកហើយ ឬប្រហែលមិនអាចរកមេដាយបានផងមើលទៅ។ ព្រោះសមាសភាពប្រកួត SEA V League គឺសុទ្ធតែលេងនៅស៊ីហ្គេម ខណៈកម្ពុជាក៏ទទួលបានលទ្ធផលអាក្រក់ដូចបានឃើញស្រាប់ហើយក្នុងការប្រកួតពានរង្វាន់អាស៊ានមួយនេះ។

រូបភាពលើផេកសហព័ន្ធ

យ៉ាងណាព្រឹត្តិការណ៍ស៊ីហ្គេម លើកទី៣៣ អំឡុងខែធ្នូ ឆ្នាំ២០២៥ នៅចុងឆ្នាំឯណោះ ដូច្នេះមានពេលវេលាវែងគួរសមដែរចំពោះក្រុមបាល់ទះជម្រើសជាតិកម្ពុជាពង្រឹងសមត្ថភាព។ មានតែរង់ចាំមើលថាសហព័ន្ធកីឡាបាល់ទះកម្ពុជាមានយុទ្ធសាស្ត្រយ៉ាងណា ឬផែនការថ្មីបែបណាដើម្បីយកមកអនុវត្តន៍ពង្រឹងក្រុមឲ្យល្អប្រសើរឡើងវិញដែលអាចឈានទៅដណ្ដើមមេដាយបានក្នុងព្រឹត្តិការណ៍ស៊ីហ្គេមឆ្នាំនេះ។

លោក Li Jun គ្រូជម្រើសជាតិបាល់់ទះកម្ពុជា

បញ្ជាក់ដែរថា ក្រុមបាល់ទះជម្រើសជាតិកម្ពុជា បានបរាជ័យយ៉ាងធ្ងន់ធ្ងរអំឡុងការប្រកួតបានរង្វាន់ SEA V Leaue ឆ្នាំ២០២៥ ទាំងជើងទី១ ធ្វើនៅប្រទេសហ្វីលីពីន និងជើងទី២ ធ្វើនៅឯប្រទេសឥណ្ឌូណេស៊ី សរុប ៨ប្រកួតចាញ់ទាំង៨ប្រកួត។ ជើងទី១ មាន ៤ប្រកួតគឺចាញ់ ប្រទេសវៀតណា 3-0 , ឥណ្ឌូណេស៊ី 3-0, ហ្វីលីពីន 3-2, ថៃ 3-0។ ជើងទី២ មាន ៤ប្រកួតគឺចាញ់ ប្រទេសវៀតណាម 3-0, ថៃ 3-1, ហ្វីលីពីន 3-1, ឥណ្ឌូណេស៊ី 3-0។ ក្រៅតែពីការចាញ់ ៨ប្រកួតនេះហើយកម្ពុជាក៏បានធ្លាក់ចំណាត់ថ្នាក់ក្នុងតារាងចំណាត់ថ្នាក់បាល់ទះពិភពលោក FIVB ពីលេខ ៦៦ មកលេខ ៨៦ នៅលើក្រុមបាតតារាង អ៊ីស្លង់ តែមួយប៉ុណ្ណោះ៕