iPhone 15 Series បញ្ចេញលើទីផ្សារមិនបាន ១សប្តាហ៍ផង ស្រាប់តែលេចឮដំណឹង Galaxy S24 Series

ក្រោយ Apple បានដាក់លក់ស្មាតហ្វូនម៉ូដែលថ្មីរបស់ខ្លួន iPhone 15 ទាំង៤ស៊េរីជាផ្លូវការ កាលពីថ្ងៃទី២២ ខែកញ្ញា ស្រាប់តែការផ្សព្វផ្សាយពីដំណឹង ស្មាតហ្វូនកំពូលរបស់ក្រុមហ៊ុន Samsung ថាអាចនឹងប្រកាសចេញ នៅថ្ងៃទី១៨ ខែមករា ឆ្នាំ២០២៤ ខាងមុខ។ នេះដោយយោងតាមដំណឹងលេចធ្លាយពី Ice Universe ដែលជាប្រភពព័ត៌មានមួយ កម្រនឹងបញ្ចេញរឿងរ៉ាវទាក់ទងនឹង Samsung ខុសណាស់។

តាមដំណឹងលេចឮមកថា Samsung និងក្រុមហ៊ុនផលិតបន្ទះឈីប Qualcomm នឹងត្រៀមបន្ទះឈីបជំនាន់ចុង ក្រោយរបស់ខ្លួន ដែលផលិតមកតម្រូវនឹងត្រកូល Galaxy S24 តែម្ដង។

ជាមួយគ្នានេះ ក៏មានដំណឹងពិសេសមួយទៀតថា Samsung នឹងបញ្ចេញចិញ្ចៀនអេឡិចត្រូនិច (Galaxy Smart Ring) សម្រាប់តាមដានសុខភាពអ្នកប្រើប្រាស់ទៀតផង។ បើតាមការរាយការណ៍ បានឱ្យដឹងដែរថា Smart Ring នោះ នឹងតាមដានសុខភាពអ្នកប្រើជាក់លាក់ ជាងឧបករណ៍ដទៃទៀត៕

ប្រែសម្រួល៖ សុធា
ប្រភព៖ gsmarena